Kuʻu Ipo I Ka Heʻe Puʻe One
Kuʻu ipo i ka heʻe puʻe one
Me ke kai nehe i ka ʻiliʻili
Nipo aku i laila ka manaʻo
Ua kiliʻopu māua i ka nahele
Hui:
Eiā la e māliu mai
Eiā ko aloha i ʻaneʻi
Hiki mai ana i ka pō nei
Ua kiliʻopu māua i ka nahele
Ka ʻowē nenehe a ke kai
Hone ana i ka piko waiʻolu
I laila au la ʻike
Kiliʻopu māua i ka nahele
Hiki ʻē mai ana ka makani
Ua hala ʻē aku e ka Puʻulena
Ua lose kou chance e ke hoa
Ua kiliʻopu māua i ka nahele
|
This work was published before January 1, 1929, and is in the public domain worldwide because the author died at least 100 years ago. |