Koni Au I Ka Wai
Hui:
Koni au, koni au i ka wai,
Koni au i ka wai huʻihuʻi
I ka wai aliʻi, ʻo ke kini lā
ʻOlu ai ka nohona o ka laʻi
Hoʻohihi kahi manaʻo
I ka ʻehu kai o Puaʻena
Kai hāwanawana i ka laʻi lā
I ka laʻi wale aʻo Waialua
Alia ʻoe e ka ʻehu kai
E lelehune nei i ke one
One hanau o ke kupuna la
Puʻili lau liʻi o ka uka
ʻAkahi hoʻi au la ʻike
I na laʻi ʻelua
ʻElua maua i ka laʻi la
Kapipi i ka pali
|
This work was published before January 1, 1929, and is in the public domain worldwide because the author died at least 100 years ago. |