Koip kulädik

From Wikisource
Jump to navigation Jump to search
FA NEYMON VITTORIO, TRIESTE


Rusänan, in zif W, päfecödätom fa polen, getön cöpamis kils, bi ilenofom e ilustafom sägo lädi bäledik.


Lavogal N., kele pepönel äbinom pesevik as man vemo globälik ab i vemo liegik, äsagom ome, das okanom dagetön sädämami dubü kusad; ab äklödom i lepöfüdön oko moni jönik plo vob somik.


Del suköl, lavogal N. golom al goval e begom klatali, das lovegivon ome, as jälele pepönela, koipi kulädik cödäta polenik al mekön kusadi.


Goval, kel no äbinom flen patik lavogalas e kel äsevom beno dinädi at, ägesagom:


- Benö, gololös in düp pozendelik kilid al poelnöp, bevüno ogivob büdi, dat getolös, ma deman olik, koipi kulädik cödäta e pöna de luman et!»


Lavogal ägolom in düp pelonöl al dilekel polenik, kel äsagom ome:


- Li-binol ol söl lavogan N...., e kisi vipol?»


- Koipi kulädik cödäta de söl X, ma büd klatala, söla goval.»


Sufädolös minuts anik, vip ola pobefulom.


Poso ämekom golön lavogali zilik e labasükik in cem, kö votikan istadom, paseitom su bam ut, su kel söl X igetom cöpamis, e söl N. ägetom uso cöpamis plobik kils o. b. koipi fümik cödäta pevipöl, somo, das ämuton polön omi al dom.


Sagon, das lavogal N. pemesedöl in mot at, leno äflagom koipis votik cödäta al mekön kusadi nulik.




Se Nunal nulik 1891, Nüm: 9/10/11, Pad: 53.