Ke Aloha o Kawekiulani
Ua puia ke kaona i ke ala
O ke onaona Rose Hawaii
O ka pua oi kela o ka nani
A ka puuwai e anoai ai.
Hui:
He aloha no Kawekiulani
No ka lei a Kapili Likelike
Pua nani o Ainahau
Ka onohi momi o Hawaii.
O ka oi aku no Hawaii
Ma nei hana o ka imiloa
He loaa i ka welelau lima
I ka nanahe malie a ka leo.
Ua mohala ka lau o ka naenae
Ua oliko ke Koaie
Ua ohaoha ka Pualehua
No ka Wohi kapu o Hawaii.
|
This work was published before January 1, 1929, and is in the public domain worldwide because the author died at least 100 years ago. |