Kaore te Aroha e Huri

From Wikisource
Jump to navigation Jump to search
Kaore te Aroha e Huri (1820s) 
Ngati Whakahemo
Original version Another version

Kāore te aroha e huri
runga ra o aku kiri kanohi,
hei hanga kia māpuna
te roimata i aku kamo, e.

Me aha te aroha e mahuru ai rā?
Mai ki pikitia te hira kai
te Pare-o-te-Rāwāhirua,
kia mihi atu au te ripa ki Matawhau',
nāku ia nā koe,
koi huri ki te tua, i.

Pere taku titiro te au kai te moana
o Tuhua I waho ra,
he rerenga hipi mai
nōhou e Te Kiore,
hei kawe ki ahau ki
tai o nga muri,
kei marutata ahau
te whakamau ki te iwi, e.

Kaore te Aroha,
E huri i runga ra o aku kiri kanohi;
He hanga kia mapuna te roimata i aku kamo,

Me aha te aroha e mauru ai ra?
Mai ki pikitia, he hira kei te pare o Te Rawahirua;
Kia mihi atu ana koe ripa .. Matawhau,
Naku i hara koe i huri ki te tua;

Pere taku titiro te au ki te moana
O Tuhua i waho .., he rerenga puke mai,
Nohou e te atua hei kawe i ahau ki
Tai o nga muri, kei marutata hau,
Te whakamau ki te iwi, e, i.


PD-icon.svg This work was published before January 1, 1927, and is in the public domain worldwide because the author died at least 100 years ago.