Kāore te aroha mōhukihuki noa
Te pānga mai kei ahau.
Me he ahi e toro kei Hukanui
E Moka, tēnei ka tata mai,
Kei tohu mai, e Kiri,
Kei te au, ko te moe,
Kei te matatū tonu,
I te roa o te pō
Kai toro-puku ai
Te aroha i ahau.
E kore rā e puakina,
Kei rangona e te tini,
Te putanga ki waho rā,
Ka tohu aku mata.
Ngā pārae ka takoto,
Ki Tauwhare rā ia,
Ko te ara tonu ia
I whanatu ai au
Kia uru tomokia,
Te whare o Rawhirawhi.
Kei riri, e whae?
He nui parahaere,
Māu, anō te tinana,
Maku te ata o te tāpara
kau atu, ē!
|
Kaore te aroha mohukihuki ana
Te panga mai ki ahau,
Me he ahi e toro
Kei Ingarangi Te Kuini,
Tenei ka tata mai,
Kei tohu mai e Kui!
Kei te au ko te moe,
Kei te mata tu tonu,
I te roa ko te po,
Kai toro puku ai
te mahara i a au,
E kore ra e puakina
Kei rangona e te tini.
Te putanga ki waho ra
Me he tohu aku mata.
I nga rori ka takoto,
Kei Poneke ra ia,
Ko te ara tonu ia
I whanatu ai nga Mema,
Kia uru tomokia
te whare o te Pirimia.
Kei riri mai Kawana,
Mau ano te tinana o te Pire,
Maku te ata
o te tapara kau atu-e.
|
