kalama sin #9
o toki e ijo pi toki pona ala!
tan jan Tepo tan jan Lakuse tan jan Itan
jan Itan: jan ale o, toki. sina kute e kalama sin nanpa luka tu tu. mi jan Itan, li wile toki e ni tawa sina: kalama sin ni la, nasa mute li lon. jan Tepo en jan Lakuse en mi li kama kulupu taso, mi ale li sona ale e ijo toki! tan ni la, pona la, jan Lakuse li open e kalama sin ni, lon tenpo lili, lon wawa mute. taso pakala la, ilo nanpa li awen ala pona e ni. tan ni la, mi wile toki e ni tawa sina ale: o kute pona e kalama sin ni.
[pakala lili pi ilo awen li lon open]
jan Lakuse: e ijo toki! a a a
jan Tepo: lon! taso ona li open lon tenpo ni la...
j.Itan: lon! mi lon kin... ken la mi open la, ijo toki li ken kama. taso...
j.Tepo: lon. ni la mi open!
[ j.Lakuse: ... li ken kama lon. ]
j.Tepo: mi jan Tepo. sina o sona e ni, tan kalama uta mi.
j.Lakuse: a a a a.
j.Tepo: a a, ni la, ijo toki li ken seme? ni li ijo suli pi kalama sin. li alasa e ijo toki pona tawa kalama sin kama.
j.Lakuse: jan Itan la, jan toki kepeken toki pona la tenpo mute la ona li toki e ijo pi toki pona taso! ni la, jan pi toki pona o kama sona e ni: ijo ante seme li tawa toki? a a a
j.Itan: lon! a a
j.Tepo: ijo ante seme li lon?
j.Lakuse: ijo ante seme li lon a, toki pona taso li lon anu seme?? a a
j.Itan: jan pi toki pona la ijo ante li lon ala toki pona taso li lon tawa ona taso,
j.Lakuse: ni li lon.
j.Itan: ... ni o lon ala a. pilin mi la, mi wile lukin e ijo ante. mi sona ala.
j.Tepo: jan o... o lon. o lon ma. o lukin e ma, anu seme? mi sona ala. mi pali ala e ni lon tenpo mute.
j.Itan: a, mi wile pali e ni. taso, ike la lete mute li lon ma ni.
j.Tepo: a!
[ j.Itan: *ma mi. ]
j.Tepo: ni la mi wile ala tawa noka.
j.Lakuse: a, lete mute a...
j.Tepo: a, ma mi li lete. taso, n. ona li li lete suli ala, n. nasa li lon. tenpo mute la, suno li len lili. kon li ko lili. ko telo li len e suno...
j.Lakuse en j.Itan: n.
j.Tepo: ni li weka mute e suno, li nasa e mi. pilin mi li sona ala e ni...
j.Itan: lon a...
j.Tepo: ... suno li lon ala lon? ni li nasa.
j.Lakuse: lon la mi ken ala lukin e ona la ona li lon ala, a a.
j.Tepo: n ni li lon...
j.Lakuse: a, lon ma mi la ona li... walo mute. a a a.
j.Itan: a, walo mute.
j.Tepo: a!
j.Lakuse: ko lete li len e ma ale.
j.Itan: ona li open lon tenpo seme lon ma sina?
j.Lakuse: a, tenpo esun tu pini? ni li pilin mi. taso ona li ken ante, mi ken nasa.
j.Itan: pona.
j.Lakuse: lon... ona li walo... a. walo li len e nasin. tenpo mute la mi wile tawa noka, tawa ni: mi ken kama lon tomo tawa suli kulupu.
j.Itan en j.Tepo: n, a. taso mi wile tawa noka lon nasin tawa ni a: nasin ni lon tawa noka mi... ona li, a a, lete mute, li ike tawa tawa noka. tenpo mute la mi pilin e ni: a mi kama anpa pakala.
j.Tepo: a pakala...
j.Itan: taso a, len noka sina li pona ala pona tawa ko lete?
j.Lakuse: a, ona li pona mute. tenpo suno tu pini la mi kama esun e len noka sin.
j.Itan: a, pona.
j.Lakuse: len noka li pona suli. suli la ona li seli. ona li seli, li suwi pilin lon noka mi. taso, ona li ike lili tan ni: anpa ona li kiwen ala. ni la mi ken ala...
j.Itan: n!
j.Lakuse: ona li ken ala AWEN lon nasin.
j.Lakuse: tenpo mute la ona li pini awen li tawa, li tawa, li weka tan...
j.Tepo: a, noka li tawa weka. monsi li tawa anpa.
j.Lakuse: noka li tawa weka. lon.
j.Itan: ike.
j.Lakuse: taso ona li suwi mute pilin. kin la, ona li pona.
j.Itan: a, mi pilin sona e [len] noka sina... ...pi toki sina. ona li pilin pi ko mute lon insa anu seme? ona li SUWI mute.
j.Lakuse: ko... ona li SUWI mute.
j.Itan: a, suwi. suwi.
j.Tepo: suwi.
j.Itan: suwi li nimi pona.
j.Lakuse: suwi la mi ken kama pakala lili. ni li suli ala, a a a. suli- suwi li... suwi li pakala li suwi li ala... a, ni la, noka Lakuse li kama pakala lon tenpo kama lili. o sona e ni. a a a
j.Tepo: a a a.
j.Itan: ko lete li kama lon ma mi lon tenpo pini wan anu ijo.. taso... a. ni li ike ala tawa mi, tan ni: mi wile a... mi o toki e ni kepeken nasin seme? mi kepeken supa lon nena ma, lon ko lete.
j.Lakuse: n!
j.Itan: supa li lon noka mi.
j.Tepo: ona li seme?
[ jan mute li toki. ]
j.Itan: mi tawa anpa, a, lon nena suli.
[ j.Itan: nena ni la... ]
j.Lakuse: supa li tu li palisa? anu wan li suli?
[ j.Tepo: a! seme li lon ... a. ]
j.Itan: a, mi la, mi kepeken ona wan. taso, jan mute li kepeken ona tu.
j.Tepo: supa wan. a, mi sona.
j.Itan: lon.
j.Tepo: sina tawa kepeken supa ni la ni li musi anu seme?
j.Itan: lon. ni la ko lete li pona tawa mi. taso...
j.Tepo: taso tenpo ala la ko lete li lon ma mi. mi lon ma Kaliponja.
j.Itan en j.Lakuse: a.
j.Itan: tenpo ale? anu ala? sina toki e seme?
j.Tepo: n? ala a. a a.
j.Itan: a! taso pilin mi la sina toki e "tenpo ALE a!" a a
j.Tepo: ni li lon ala a a! ala!!
j.Lakuse: jan, o kute! o kute e kalama, jan tepo o! a a a.
j.Itan: a a a.
j.Tepo: n. mi toki e nasin mi pi len noka. mi kepeken len noka wan lon tenpo ale. ona li ko... nimi la ona li "akesi".
j.Lakuse: "akesi"?
j.Tepo: akesi. lon. len noka akesi.
j.Itan: o awen lili: sina toki e ni: sina kepeken e len noka wan. taso, noka tu li lon sina anu seme a?
j.Tepo: a a a lon! mi kepeken wan pi len noka tu.
j.Itan: lon lon lon. mi sona! taso mi awen wile tenpo e ni.
j.Tepo: a a a!
j.Lakuse: taso ale la... ken la jan Tepo la noka wan taso li lon.
j.Itan: a a a! ken la, ken la ni li lon.
j.Tepo: a! ni li lon ala. sona ike n! a a a! taso, n. taso len noka la ona li ko li... ona li pona tawa mi, tan ni: linja ala li lon. mi wile pana e len noka la...
j. Lakuse en j.Itan: n... a!
j.Tepo: ...la mi ken kepeken linja ala. mi pana taso. ale li pona.
j.Itan: len noka mi kin li sama ni. ni li pona mute tawa mi.
j.Lakuse: nasin pona li nasin kepeken pali lili.
j.Itan: lon a! a a
j.Tepo: a. lon. jan li wile e linja lon len noka ona tan seme?
j.Itan: ni li pali tan ala a!
j.Tepo: wan linja li pali tan se- li pali suli.... mi wile e ni tan seme? ni li nasa tawa mi.
j.Lakuse: pona lukin li ken.
j.Tepo: taso ni li pona lukin tan seme?
j.Itan: n... tan ni: lon tenpo mute la, jan li kepeken nasin ni. tan ni la, o ante tan seme?
j.Tepo: a a a! taso n. jan li kepeken nasin sama lon tenpo mute la nasin ni li kama musi ala, anu seme? ni la, jan li wile e pona lukin la ona o ante, anu seme?
j.Itan: lon, lon! ni li lon kin. ona o ante e lukin pi len noka. mi sona ala.
j.Tepo: sin li musi. ni li nasin lon anu seme? sin li musi.
[ toki pi jan Itan li utala e toki pi jan Lakuse ]
j.Itan: o toki.
j.Lakuse: a. mi pilin e ni: tenpo mute la jan li toki e ni a: "len ni li pona lukin." "len ni li ike lukin." taso mi sona ala! ijo seme li lawa e ni?
j.Tepo en j.Itan: a a a! ala a!
j.Lakuse: tenpo mute la jan pi mani mute li kama pali e len sina. ona li IKE SULI LUKIN. taso...
j.Tepo en j.Lakuse: a a a!
j.Itan: taso, ona li jo e mani mute! ni la jan mute li toki e ni: "ni li... pona SULI lukin, a!"
j.Tepo: NIMI pi jan ni li suli. ni la pali ale ona li pona, li wile e mani mute.
j.Itan: "o pali sama ona a!"
j.Tepo: ona li pona lili tan ni: ona li sin. pali ona li sin li ante tawa len ale ante. taso ni li ale. ona li ike ante...
j.Lakuse: tenpo mute la, jan pali ni li pali e len ona tawa ni: ona li sama lukin tawa len pi tenpo pini. a a a.
j.Tepo en j.Itan: a a a!
j.Tepo: taso ni li kama: "ni li sin!" nasin pini li lon tenpo pini...
j.Lakuse: NASIN li sin. ijo pini.
j.Tepo: ni li lon. NASIN li sin. a a a. ni li nasa...
j.Itan: taso mi sona ala. tenpo mute la jan li wile ala e ijo sin tan ni: ona li ante. ante li ken ike tawa jan. taso SIN li "pona". taso ANTE li ken ike. mi sona ala. ni li nasa.
j.Tepo: seme li sin li ante ala?
j.Itan: lon... "ante" en "sin" li ante tan seme? mi sona ala. a a a. jan ala li ken toki e ni...
j.Lakuse: a, tenpo mute la jan li ken pali e ijo sin. taso, ona li ante ala tan ijo pi tenpo pini.
j.Tepo: ala sin li lon anu sem[e]?
j.Itan: namako kin...
j.Lakuse: tenpo mute la ijo li ken sin, taso ona li ken namako ala.
j.Itan: lon! lon. ni li toki lon. ona li sin. taso, ona li pana ala e ijo sin, tawa kulupu, anu ijo sama.
j.Tepo: n, seme? namako li seme?
j.Lakuse: mi sona ala. taso tenpo mute la jan lili sin li kama pana mama anu seme?
j.Tepo: lon.
j.Lakuse: jan ni li sin. taso, ona li nasa ala li namako ala.
j.Tepo: a, mi sona. NASIN li sin ala. IJO li sin.
j.Itan: n.
j.Lakuse: ken.
j.Itan: tenpo mute la mi pilin e ni: toki pona li pona tan ni... mi sona ala... a a, ona li wile e ni: jan li wile toki e ijo la ona o toki e kon pi toki ni. kepeken toki pona la jan li ken ala toki e ijo pi sona ala ona. ni li ijo pona.
j.Tepo: a. taso, n. lon. mi kama lukin toki e pi sona mi ala la, mi... kama toki nasa. jan li kute li sona ala... ona li toki e ni: "sina toki e seme?" mi sona ala.
j.Lakuse: taso mi kama... a a a. mi tu wan li kama toki e ijo pi toki pona anu seme a?
j.Itan: a a!
j.Tepo: pakala. o weka.
j.Itan: tenpo [lon] kin la mi toki e "toki pona!" taso. mi o weka... seme ante li lon a a. a. sina tu li mama ala mama e soko?
j.Tepo: ala.
j.Lakuse: mi mama ala e soko.
j.Itan: a, pona.
j.Tepo: tenpo jan Sonja li kama toki e ni tawa mi: "sina wile ala wile e soko?"
j.Itan: n.
j.Tepo: tomo mi la ijo mute a li lon. mi wile ala e ijo sin a.
j.Itan: a! tomo mi la ijo pi mute ala li lon la jan Sonja li toki e ni tawa mi la mi toki e ni: "a! ni- ni li pona tawa mi! mi wile e soko..." lon la mi jo e soko tan tenpo esun tu pini? mi sona ala?
j.Lakuse: a, soko li pona ala pona?
j.Itan: n... sike nanpa wan ona li pona ala. taso mi weka e soko pi jaki lili lon [tenpo] suno ni la pilin mi la, ken la sike kama ona li ken pana e soko pona. mi sona ala. sina sona ala sona e?
j.Tepo: mi sona ala e ni: soko li sike.
j.Itan: a sike- mi kepeken "sike" lon ni la mi wile toki e ni: ona li pana e soko. mi weka [e] la ona li pana lon tenpo sin. ni li nasa ala nasa... ona li sike. mi sona ala.
j.Tepo: pana soko li sike anu seme. n. ni li ken sama ni:
[ j.Itan: lon tenpo, lon tenpo... ]
j.Tepo: ona li kama e kili lon sike. sike lon sike. sina weka e kili la kili sin li kama.
j.Lakuse: ...li kama sin, li kama moli. taso ona li moli ala a...
j.Itan: lon. ni la...
j.Tepo: soko li ken ala moli.
j.Lakuse: ona li wawa mute.
j.Itan: lon. ona li wawa mute a. taso... WILE mi la sike ona nanpa kama li pona taso nanpa wan la ona li ike. ale li pona.
j.Lakuse: tenpo kama la sina wile ala wile moku e soko sina?
j.Itan: a mi wile. taso a a... sike nanpa wan ona la mi wile ala. tan ni: ona li jaki.
j.Lakuse: a. jaki la, ona li pimeja? li nasa tawa nena anu seme?
j.Itan: li ~~laso~~ [loje] jelo lili.
j.Lakuse: laso jelo??
j.Itan: mi weka sona e nimi ni.... a... ala... nimi sin tawa kule ni li lon. taso mi weka sona e ona.
j.Tepo: pona. o nimi sina ala.
j.Lakuse: o nimi sin ala, a a a.
j.Itan: lon. ken la mi o nimi sin ala. taso, a soko la jan o telo e ona lon tenpo mute. sina pali ala e ni la kule ona li ken ante lili li ken ike.
j.Lakuse en j.Tepo: n, a.
j.Itan: ni li kama tawa soko mi. kule ona li walo ala. ni li ike.
j.Tepo: ike. taso tenpo kama la sina pona tawa soko la soko li pana pona e kili anu seme?
j.Itan: n. lon, mi wile e ni: ona li kama pona.
j.Lakuse: tenpo pini lili la mi kama lukin e lipu. ona li toki tawa jan Sonja la ona li pana e sitelen pi soko ona! ona li pona mute lukin. kin la jan Sonja li kama moku e soko, li toki e ni: "ona li pona!" "moku soko li pona tan ni: MI pali e moku mi."
j.Itan: n!
j.Lakuse: tenpo mute la jan li pali ala e moku ona anu seme?
j.Tepo: lon. jan mute li sona ala pali e moku kepeken ma.
j.Lakuse: lon. pana [ ?.. ] mi la, kasi en kili li pona mute la lon poka tomo la mi kama suli e kasi e kili e ante mute. a, taso, tenpo mute la ona li kama e kili palisa laso mute. ni mute li kama lon.
j.Tepo: kili palisa la laso- a mi sona. ona li telo lon insa anu seme?
j.Lakuse: a, telo lili li lon insa.
[ j.Tepo: sama kili ale anu seme? a a. ]
j.Tepo: kili ale lete li lon.
j.Lakuse: n. sike lili li lon insa ona. tenpo mute la jan li moku e ni lon...
j.Itan: a, lon lon lon.
j.Lakuse: kepeken ko... mi sona ala. a, jan li ken kipisi e ona tawa sike ante mute.
j.Itan en j.Tepo: lon lon. n.
j.Lakuse: ona li kama e ni la ona li nasa mute moku a a a!
j.Itan: tawa sina anu seme?
j.Lakuse: lon! tawa mi- ona li namako nasa. ijo nasa li lon ona a a a.
j.Itan: ona li seme?
j.Lakuse: a, tenpo mute la jan li... kulupu esun suli li wile e kili pona anu seme? ni la ona li pali e ijo ante nasa...
j.Itan: a!
j.Lakuse: nasin kepeken nasin ante mute ike lon kili tawa ni: kili li pona moku. taso...
j.Lakuse en j.Tepo: a a a.
j.Lakuse: mama mi li kepeken ala nasin ni!
j.Itan: ona (kulupu esun) li kepeken ala kepeken e... misikeke kili anu ijo sama. mi sona ala.
j.Lakuse: ijo sama ni... ona li nasa nasa lili e nasin mama. ona li ken kama e kili pi pona mute a. taso, mama mi li kama pana e kili la ona li nasa lili tawa mi n... li ike. a a.
j.Itan: ni li musi: ona li tan ma, li PONA la...
j.Lakuse: alaaaa! ale: a a a!
j.Lakuse: ona li pona tawa nasin li ike tawa uta mi a a.
j.Tepo: a. ike seme tawa uta?
j.Lakuse: a ona li, n.
j.Itan: a tenpo lili la mi toki e pilin uta lon toki pona. musi.
j.Lakuse: ona li sama ni: ... ona li wawa.
j.Tepo: a a, "wawa".
j.Lakuse: ona li wawa. kili ni o wawa ala anu seme? taso kili ni li wawa. kule wan- kule wan li lon li nasa mute. kule wan taso. taso kule ni li wawa a. kili a a.
j.Tepo: sina toki e kule pi pilin uta anu seme?
j.Lakuse: lon. kule pi pilin uta.
j.Tepo: wawa a a a!
j.Itan: jan li wile toki pona e pilin uta la ken ona li ken toki e ni: pilin ni li kama lon seme lon uta ona? tan ni: PINI li pilin e ijo ante tan... a. mi sona ala e toki ni. a a. sina sona ala sona?
j.Tepo: poka ante uta li pilin e kule uta ante anu seme? ken la ni li lon ala... mi lukin e sitelen uta lon tenpo.
j.Lakuse: mi kin li lukin.
j.Tepo: mi lukin kin e toki ni: lon la uta li sama ni ala. poka ale li pilin e kule ale. jan pali pi sitelen ni li nasa. mi sona ala.
j.Lakuse: lon. sona mute li pana e ni tawa jan lili. taso, ona li... li sona ala.
j.Tepo: lon la pilin moku mute li tan kon, tan uta ala.
j.Lakuse: n. ni li lon. ona li tan lukin, li tan nena, li tan luka.
j.Tepo: lon, lon. ni la, a kon pi kili ni li sama seme?
j.Itan: a.
j.Itan: pilin mi la kili ni li jo ala e kon mute... e pilin kon mute.
j.Tepo: taso sina pakala e kili lon uta la ken la kon li...
j.Itan: a. ken ken. taso.
j.Lakuse: lon la ona li nasa. nimi la kon ona li wawa ala. taso [pilin] uta ona li wawa suli.
j.Tepo: kili ike.
j.Lakuse: kili ike. tenpo li tawa lon sike-
j.Tepo: ~ tenpo, li tawa, lon sike! ~ e kili.
j.Itan: n. kili seme li pona nanpa wan tawa sina tu?
j.Tepo en j.Lakuse: n...
[ jan mute li toki. ]
j.Itan: ona li ken kili suwi li ken kili pi suwi ala.
j.Lakuse: mi la ona li kili suwi li sike suli. sike li suli a. selo ona li laso. poka selo ona li walo lili. taso insa ona li loje a li pona.
j.Itan: a pona!
j.Lakuse: ona li tawa mute li suwi mute a. sike lili pimeja li lon ona. tenpo mute la mi moku e kili ni lon.... lon telo.. lon telo. telo ni la sike lili pimeja lon... sike li ko. moku ni li tan ma Sonko.
j.Tepo: a mi sona.
j.Lakuse: tenpo mute la mi moku e telo kepeken kili loje laso ni.
j.Tepo: sike Popa.
j.Lakuse: lon. sike Popa. a a a.
j.Itan: pona.
j.Tepo: a, mi sona ala e pilin mi. kili mute li pona... kili jelo palisa... kili laso pimeja lili sike... kili loje. n... ni li leko ala leko? mi sona ala toki e selo pi kili ni. n. taso pini li wan. pini ante li supa- mi sona ala.
j.Itan: n. mi pilin sona e kili mi pona nanpa wan. taso...
j.Tepo: n? ona li seme?
j.Itan: mi sona ala e toki tawa ona. o awen. mi o toki insa. ona li sama lili [sama] sike. taso, sama ale ala, sama sike. ona li nasa lili. ona li sike jo e nena. ken la... ona li... tenp- ona li laso. taso insa ona li walo lon tenpo mute. ona li ko. n. sina tu pilin sona ala sona?
j.Tepo: n, ala.
j.Lakuse: sona ala.
j.Itan: a ni li toki [pi] nasa mute...
j.Tepo: a, laso li seme. laso kasi anu laso sewi...
j.Itan: laso kasi.
j.Tepo: laso kasi.
j.Lakuse: ona li suwi ala suwi?
j.Itan: li suwi. n... selo ona li lili mute li weka lon pali lili. a, sina ken moku e selo ona. n... nasin seme [la] mi o toki e ni...
j.Lakuse: kili ni li lon esun mute anu seme?
j.Itan: a, lon. ona li kili... jan li lukin insa e kili la ona li lukin e kili ni. jan ale o sona e kili ni. n.
[ jan mute li toki. ]
j.Itan: ijo nasa nanpa wan ona li sijelo ona. ona li sama sike- taso sama ala. sike li jo e nena. nena ni li lon sewi kili lon tenpo mute.
j.Tepo: n, ken la mi so- n. taso sina toki e ni: kili ni li suwi. mi lukin insa e kili sama pi suwi ala... anu seme...
j.Itan: n. o lukin e sijelo pi kili ni. ona li sama kili suwi seme?
j.Tepo: n... mi soan ala.
j.Itan: ala... ni la pali suli! mi o toki Inli e ona anu seme?? mi wile ala, taso...
j.Tepo: NNN.
j.Lakuse: a ken la sina ken pana e toki tawa jan Tepo. ..ken sitelen la jan Tepo li ken toki...
j.Tepo: a! mi ken anu seme.
j.Itan: jan wan li ken pona [tawa mi]. lon.
j.Tepo: mi ken toki pona e ni.
j.Lakuse: o pana tawa Tepo a a
j.Itan: mi pana e kili ni tawa jan Tempo. ale: "jan Tempo" a a!
j.Lakuse: ~kulupu jan tenpo...~
j.Tepo: a a a!
j.Itan: lawa mi li wile ala toki e ni. taso uta mi li wile. mi sona ala e ni. tenpo lili la mi toki [uta] e [kalama] "Tepo".
j.Tepo: n mi o lukin toki e ni: n. ona li sama... o lukin insa e kili loje. kili loje la selo li ken kule ante. taso ona li kili loje. kili ni la insa li pilin sama lili. taso ona li sike ala. ni suli li lon... a a a.
j.Itan: a a a!
j.Tepo: lon sijelo. ona li sike... nena li lon sewi... mi sona ala.
j.Lakuse: kili nasin seme la jan li kepeken kili ni?
[ jan mute li toki. ]
j.Lakuse: mi wile moku e ona la mi seme?
j.Tepo: sama kili loje anu seme?
j.Itan: sina wile moku e ona [la] sina o pali e ona ala.
j.Lakuse: kili loje seme? [toki pakala...] taso ona li loje walo... lon pilin mi.
j.Lakuse: kili loje mute li lon lon toki a a a!
j.Tepo: kili mute li lon!! aaa
j.Itan: a a a!
j.Itan: [ sona pi jan Itan li pakala lon tenpo lili ni, a a a ]
j.Tepo: kili loje ni [la] insa la sike li lon. taso sina o moku ala e sike ni.
j.Lakuse: ona li lon tan kasi anu seme?
j.Tepo: ona li tan kasi.
j.Lakuse: jan [li] pana e ona tawa n... lon tenpo nanpa pona la mi pana e ona tawa pan. mi pana e pan kili suwi kepeken ona anu seme a a..
j.Tepo: ni li ken.
j.Itan: ona li ken. ona li ken.
j.Tepo: kili ale li ken ijo a a a.
[ jan mute li toki e: ] lon, lon. a, a.
j.Lakuse: ona li pan Amewika anu seme a a a
j.Tepo: a a a.
j.Itan: pilin mi la ni li lon pan suwi lon tenpo lili. mi lukin ala e pan suwi pi kili ni lon tenpo mute. ni li lon ala. kili loje li lon... taso... kili pi jan Itan li seme? Tepo, o toki tawa mi a a!
j.Tepo: a a a! mi lukin toki! aa...
j.Itan: taso mi toki lon toki Inli la ni li tenpo nanpa wan sama ni lon kalama sin, la mi wile ala pali e ni...
j.Tepo: lon. mi mi-
j.Lakuse: mi SONA e ni...
j.Tepo: kili seme la nena li lon sijelo? sina sona ala sona e ni?
j.Lakuse: nena li sama seme? li kiki mute? anu sem-
j.Tepo: n. nena li suli sama sijelo ante.
j.Lakuse: sijelo sama- sijelo seme??
j.Tepo: sijelo li sike. taso nena kin li lon.
j.Lakuse: mi jo e sike. mi pana e nena tawa seme?
j.Itan: nena wan taso,
j.Tepo: sewi.
j.Itan: ... tawa sewi.
j.Lakuse: nena wan taso.
j.Tepo: nena wan taso. nena ni li suli, li suli sama sike. n: ona li sama li tawa palisa.
j.Itan: ona li ante e sijelo ona. nena ni li ante mute e sijelo pi kili ni.
j.Lakuse: ni la, ni la, o toki sin e ni: kule li seme? kule nena en kule sike sama ala sama?
j.Tepo en j.Itan: ona li sama.
j.Tepo: selo li sama. nena en sike li wan.
j.Lakuse: ona li laso kasi.
j.Tepo: ona li ken laso kasi. lon.
j.Itan: laso kasi li lon.
j.Lakuse: ona li suwi anu seme?
j.Tepo: ona li suwi.
j.Itan: suwi. taso suwi ona li wawa mute ala. tan ni la, ona li pona tawa mi. ona li suwi. taso pilin ona li wawa ala. pilin uta ona li wawa ala.
j.Lakuse: nena en sike li suli sama anu seme? nena li lili mute tawa sike anu...
j.Tepo: nena li n. lili li... n. suli sama anu seme... taso, n. sewi sike li wan. sewi sike en sewi nena li tu. sina sona ala sona? a a a.
j.Lakuse: sona ala.
j.Itan: mi wile toki e ni: a. suli sike li tu la suli nena li wan. sama ni. mi sona ala. ni li suli ona a a.
j.Lakuse: aa....
j.Itan: ala. ni li pali suli.... tenpo la...
j.Lakuse: ona li kiwen ala kiwen?
j.Itan en j.Tepo: meso.. n..
j.Tepo: mi ken kipisi e ona sama kili mute.
j.Itan: taso, kiwen ona li wawa ala. sina ken... a. kili loje la, kili ni li kiwen ala.
j.Tepo: "kili ni li sama mute tawa kili loje" li toki mi.
j.Itan: lon.
j.Lakuse: a... insa li walo.
j.Itan en j.Tepo: lon.
j.Lakuse: mi sona e ona. a a a a a a!
j.Itan: sina sona n?
j.Tepo: a!!
j.Lakuse: mi sona e ona. a a a.
[ jan mute li toki. ]
j.Lakuse: ... mi sona e sona mi. taso jan kute li sona ala son? ni li ike!
j.Tepo: lon. jan Lakuse li sona.
j.Lakuse: MI SONA. ale: A A A!
j.Itan: [sina] sona lon pilin sina anu seme? ona ale [jan kute ale] li toki wawa tawa jan Lakuse e "ONA LI NI! ONA LI NI!"
j.Tepo: kalama ni la mi ale li kama sona e ni: toki pona li toki ala.
j.Lakuse: kin la mi moku e kili ni la ona li ko lili, tawa uta anu seme?
j.Tepo en j.Itan: ni li lon.
j.Itan: mi toki e ni lon tenpo pini lili.
j.Lakuse: taso sina pana e sona mute la, la mi kute ala e ona ale a a.
j.Itan: a a a lon, lon. mi pana. taso, sona ale pi pana mi li tawa [pona] ala, jan ante. mi sona ala. a! o lukin! kalama sin ni li kama suli a.
j.Tepo: pona.
j.Lakuse: ken la mi mute o pini anu seme?
j.Tepo: ken! ken la mi mute o awen..? mi sona ala...
j.Itan: mi o moku.
j.Tepo: n- awen en pini li ken.
j.Lakuse: a, lawa mi li pakala, a a a.
j.Tepo: a a a.
j.Lakuse: ...tan kili a a.
j.Tepo: ni li kalama sin nanpa kili.
j.Itan: a a! pona la, lon tenpo lon la, mi ale li ken sona e ni: ijo toki li lon ala la kalama sin li ken awen lon. ni li pona.
j.Tepo: a a! ni li lon.
j.Lakuse: sina jan pi toki pona li wile... li ken.. li sona toki pona, ni la a a o kama sin, tawa kalama sin lon ma pali pi toki pona, o kama jan pali, o pali lon pok pi mi mute. a, jan mute li wile tawa, a... tawa kalama pi toki pona lon tenpo esun ale. a a.
j.Tepo: lon. kalama o lon tenpo ale la n- jan pali o lon a a a.
j.Lakuse: jan o lon, o kama.
j.Itan: sina jan pi toki pona la, o kama a.
j.Tepo: jan ale pi toki pona, o kama, o pali.
j.Lakuse: o kama o toki o kalama, lon kalama sin.
j.Itan: pona. mi jan Itan! o awen pona!
j.Tepo: mi jan Tepo. o pona lon awen, lon ijo~
j.Lakuse: jan Lakuse li NI, li tawa!
[ mu pona li kama tan ale. ]
j.Tepo: sina kute, la sina pona, o pona.
j.Itan: pini? anu seme?
