pu Tosi
tan Juli
toki! mi jan Juli. kalama sin ni la mi pana e sona pi lipu pu Tosi tawa sina. ona li sin mute! lipu pu nanpa wan li kama la sike suno nanpa luka tu li weka. ni la lipu pu Tosi li kama. ona li ante toki nanpa tu pi lipu pu nanpa wan. ante toki nanpa wan la ona li toki Kanse. jan Sonja li pali e ona. taso, lipu pu Tosi li ante lili tan ni: jan Sonja li pali ala e ona. mi pali e ona. jan Sonja li ken e ante toki mi. ni li pona suli tawa mi. ona li ken e pali la mi open e ona lon open pi tenpo mun pini. tenpo mun ni la lipu pu Tosi li lon! jan pi toki Tosi li ken kama sona pona e toki pona kepeken ona.
lipu pu Tosi la mi alasa e nasin ni: toki ale li sama a toki pi lipu pu nanpa wan. ona o ante ala. jan li lukin e lipu pu la ona o sona e ijo sama. taso, namako la mi pana e sona lili pi lipu ku lon lipu pu Tosi. lipu ku la jan Sonja li pana e sona sin. ona li toki e ijo pu ni: ona li pakala lili... jan li kepeken nasin ante... nasin pona sin pi pu ala li lon... toki ku li sama ni. ni la lipu pu Tosi la sina ken lukin e ante pu pi lipu ku. ni li pona mute tawa mi. ante la mi wile toki e pali mi pi lipu ni. ni la jan Itan li pana e wile sona pona tawa mi.
wile sona nanpa wan li ni: pali ni li wile e tenpo seme? ni la mi wile toki e ni. tenpo pini la jan Ke Tami en mi li open e ante toki pi lipu pu
lipu pu la wan sitelen nanpa wan en ona nanpa tu en ona nanpa tu wan li lon lawa lili taso.
jan ale li ken sama e ona lon nasin pona. ona li wile pana e nimi pi jan Sonja li wile toki e tan pi ijo. ni la jan Ke Tami en mi li open e ante toki. taso, mi tu li pana taso e wan nanpa wan e wan nanpa tu e wan nanpa tu wan.
ni li ale ala a a... lipu pu li suli a tawa suli ni. ni la pali mi li wile e tenpo. taso tenpo li suli a ala. mi ante toki e lipu lon tenpo mun wan. taso, mi pali mute lon ona.
pakala lili la jan Sonja li weka pi wile ala e ijo pi lipu pu lon ilo sona majuna. ilo li kama pakala la lipu ilo pu li weka. lipu pu la sitelen toki en sitelen musi ante li lon. sitelen pi sitelen pona en sitelen pi toki pona luka en sitelen musi pi jan Russ Williams en sitelen suwi pi jan Jonathan Gable li lon ona. sitelen ale ni la lipu ilo li weka.
mi wile kama sin e ona tan ma seme a? pona la ni li pali mute ala tan pana pi jan Tepo. jan Tepo li kepeken lipu pu Inli pi ilo sona li kama e sitelen tan ni li pana e ona tawa mi. ona li pona suli a tan pali ni!
ona la mi ken kepeken! wile sona nanpa tu li ni. jan ante seme li pali e lipu lon poka sina? lon la mi taso li pali e ona lon tenpo nanpa wan. taso, jan mute li lukin e ona li pana e sona pakala e ijo pona ken tawa mi ni la mi ken pona e lipu. jan wan ni li jan Ke Tami. ona li pali suli li kama lukin e pakala mute. ona li pona suli a. jan ante li jan Sonja. jan Sonja la a a a sina ale li sona pona e ona! ona li lukin e lipu. ona li ken toki Tosi lili la ona li ken sona li ken toki e ike lipu tawa mi. ante la jan pona ante mi li lukin kin li pana kin e sona pona pi pona ken. ni la mi taso li pali e lipu nanpa wan. taso jan mute li pana e pona tawa mi tawa lipu pu Tosi.
wile sona nanpa kama li ni. ijo seme li wile e pali pi mute nanpa wan. ni li wile sona pona, taso, mi sona pi pona ala e ona. pali la ijo ni li suli a.
- nanpa wan la mi wile ante e toki Inli ale tawa toki Tosi. ante toki ni li wile ala e wawa mute, taso, ona li wile e tenpo mute
- nanpa tu la mi wile alasa e nasin pona pi selo sitelen. selo sitelen la mi wile sona e ni: sitelen ale o lon ma seme lon lipu lili?
ante la lipu lili li wile e selo! sina lukin e lipu la sitelen ale o lon selo pi lipu lili ala o lon insa ona. jan li pali e lipu la sitelen li lon selo la ona li ken kama weka. ni li ike la sitelen ala o lon selo. ni li ijo nanpa wan. ijo nanpa tu li ni: tenpo la sitelen toki li open lon lipu lili wan li pini lon lipu lili ante ni li ken ike lon tenpo! sitelen pi mute lili a li lon lipu nanpa tu la ni li ike lukin.
wile sona nanpa kama li ni. sina ante toki e ijo ante anu seme? ni la mi ante toki e ijo ante mute ala. ijo ale li suli ala sama lipu ni. lon la mi ante toki e ijo mute lon tenpo ale tan ni: toki mama mi li toki Tosi. taso, mi toki Inli tawa jan lon tenpo mute a. ni la toki mute mi li kama ante toki
wile la ante toki mi li pona tawa jan mute. wile sona nanpa pini li ni. tenpo kama la sina wile ante toki e ijo ante anu seme? lon la mi sona ala e ni.
wile suli li lon ala. mi wile ala ante e ijo tan toki Inli tawa toki Tosi. taso, mi wile awen kepeken toki pona li wile awen ante toki e ijo tawa toki pona. ni li pona tawa mi li pona tawa jan ante. ni la mi wile awen toki pona mute li wile awen pana e toki tawa kalama sin. ni li nasin pona tawa mi.
ni li ale! sina wile sona e ijo ante pi lipu pu Tosi la o toki tawa mi lon ilo Siko. sina wile toki lon kalama sin la o toki tawa jan pi kalama sin o kama tawa ma pali pi toki pona lon ilo Siko. sina ken toki e ijo ale pi wile sina! suli la ona o kepeken toki pona taso. ni la sina wile ken toki pona. ni li ale.
pona a! kalama sin ni nanpa pu li pini! o awen pona a!
