Ka Moaʻe
| Ka Moaʻe (1916) |
ʻAuhea wale ʻoe e ka moaʻe
E lawe hele nei i kuʻu aloha
Ahea la ʻoe hoʻihoʻi mai
A he lei poina ʻole ia naʻu
A he wehi kāhiko nō kuʻu kino
A he hoa i ke anu pili hemo ʻole
E lei aku ʻoe i kuʻu aloha
I koʻolua nou nō kahi mehameha
Mai noho ʻoe a hoʻopoina
I kahi pōkē pua lalana
A kāua la i kui iho ai
Kāhiko nō ka pō ua liʻiliʻi
Ilihia hoʻi au a i kō leo
I ka pane ʻana mai me ka nahenahe
I he aha nei hana nui au
E haʻi mai `oe e kuʻu aloha
He aloha i pili ʻia e ke onaona
Kuʻu ipo i ke kai malino aʻo Kona
Nō Kona mai nō ke kai malino
Nā hau o Mā`ihi e kaulana nei
Haʻina ʻia mai ka puana
Kuʻu ipo i ke kai malino aʻo Kona
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse