Ka ʻŌiwi Nani
I ke ahiahi Pōʻakolu
Kuʻu ʻike ʻana iho
He ʻalele waha ʻole na ke aloha
E ʻī mai ana iʻau
Hui:
E ʻī mai ana ʻī mai ana
Aia Keʻala i ka nahele
Kahi i walea ai
I ka ʻolu o ia uka
A he nani ʻiʻo nō ia pua
Me he lāʻī pala ala ka memele
Ka ʻōiwi nani o ke kā makahala
Lamalama i ka uka o Lanihuli
|
This work was published before January 1, 1929, and is in the public domain worldwide because the author died at least 100 years ago. |