Kaʻauwila
| Kaʻauwila (1902) |
O ke kaʻa Rapid Transit kaʻu aloha
I ka nome mālie i ka alahao
Hao ana e ka manaʻo ke kalaiwa
Ehuehu i ke kula loa o Kalihi
Ua laʻi ka helena me kuʻu aloha
Hone ana ka manaʻo i kuʻu poli
Hoʻolale mai ana a e huli hoʻi
E ʻike i ka nani o ke kapitala
Ka ihona o ke kula la o Kalihi
Pa ana ka makani poʻai hale
I laila wau i kīlohi iho ai
I ka nani uluwehi a o ke kaona
Kau nui aku hoʻi koʻu manaʻo
E ʻike i ka nani aʻo Manoa
I laila wau ai i ka iho ai
O ke alanui nani kikeʻekeʻe
O ka hana ana ia a kaʻauwila
He pakika he paheʻe ka ihona pali
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse