Jv/Kakawin Nītiśāstra/Pupuh 10

Pupuh X – Prawiralalita

1.

• lwirnikanang sinĕmbahakĕn ing prajā t-ingĕt-ingĕt
• arthaka len ikang wara wadhū sudharma linĕwih
• ring swami janggut inganira yan praṇamya siniwi
• sang ratu tungtunging ghraṇa namaskaranta marĕka

2.

• pitṛ ri madhyaning halis inĕmbah aywa malupa
• lālaṭa ring pangajyanira śāsananta marĕka
• mūrdha ri sang gurunta pasangaskaran kramanika
• pañca wilangnikang praṇama śāsaneng widhi tutĕn

3.

• bhṛtya parikṣa pūrwaka sinorakĕn tinitihan
• bhakti tumungkulāmra pinarikṣa ring dhana luput
• stri pamarikṣa tan kĕna tinogning aprang atahĕn
• yeka ngaranya bhrĕtya saphala prawiralalita

]]