Jv/Alkitab/Purwaning Dumadi/5

^5:1 ꦲꦶꦏꦶꦱꦼꦗꦫꦃꦲꦺ꧊ꦄꦢꦩ꧀꧉​꧌ꦤꦭꦶꦏꦒꦸꦱ꧀ꦠꦶꦄꦭ꧀ꦭꦃꦤꦶꦠꦃꦲꦏꦺ꧊ꦄꦢꦩ꧀꧈​ꦏꦢꦩꦼꦭ꧀ꦤꦸꦭꦢ꧀ꦥꦱꦼꦩꦺꦴꦤꦺꦒꦸꦱ꧀ꦠꦶꦄꦭ꧀ꦭꦃꦥꦶꦪꦩ꧀ꦧꦏ꧀꧉​

^5:2 ꦥꦝꦏꦠꦶꦠꦃꦲꦏꦺꦭꦤꦁꦭꦤ꧀ꦮꦢꦺꦴꦤ꧀꧈​ꦱꦂꦠꦥꦝꦢꦶꦧꦼꦂꦏꦃꦲꦶꦭꦤ꧀ꦢꦶꦲꦫꦤ꧀ꦤꦶ"ꦩꦤꦸꦁꦱ"꧉꧍​

^5:3 ꦤꦭꦶꦏ꧊ꦄꦢꦩ꧀ꦲꦸꦩꦸꦂ130ꦠꦲꦸꦤ꧀ꦤꦸꦭꦶꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦱꦶꦁꦫꦸꦥꦤꦺꦩꦺꦩ꧀ꦥꦼꦂꦏꦫꦺꦴꦧꦥꦏ꧀ꦤꦺ꧉​ꦲꦤꦏ꧀ꦩꦲꦸꦢꦶꦗꦼꦤꦼꦁꦔꦏꦺꦱꦺꦠ꧀꧉​

^5:4 ꦱꦮꦶꦱ꧀ꦱꦺꦏꦥꦫꦶꦁꦔꦤ꧀ꦲꦤꦏ꧀ꦱꦺꦠ꧀꧈​꧊ꦄꦢꦩ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ800ꦠꦲꦸꦤ꧀꧈​ꦱꦂꦠꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:5 ꦭꦤ꧀ꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ930ꦠꦲꦸꦤ꧀꧉​

^5:6 ꦤꦭꦶꦏꦱꦺꦠ꧀ꦲꦸꦩꦸꦂ105ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦌꦤꦺꦴꦱ꧀꧉​

^5:7 ꦱꦮꦶꦱ꧀ꦱꦺꦏꦸꦮꦶꦱꦺꦠ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ807ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:8 ꦱꦂꦠꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ912ꦠꦲꦸꦤ꧀꧉​

^5:9 ꦤꦭꦶꦏ꧊ꦌꦤꦺꦴꦱ꧀ꦲꦸꦩꦸꦂ90ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦏꦺꦤꦤ꧀꧉​

^5:10 ꦱꦮꦶꦱ꧀ꦱꦺꦲꦶꦏꦸ꧊ꦌꦤꦺꦴꦱ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ815ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:11 ꦭꦤ꧀ꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ905ꦠꦲꦸꦤ꧀꧉​

^5:12 ꦤꦭꦶꦏ꧊ꦏꦺꦤꦤ꧀ꦲꦸꦩꦸꦂ70ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦩꦲꦭꦭꦺꦪꦺꦭ꧀꧉​

^5:13 ꦱꦮꦶꦱ꧀ꦱꦺꦏꦸꦮꦶ꧊ꦏꦺꦤꦤ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ840ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:14 ꦱꦂꦠꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ910ꦠꦲꦸꦤ꧀꧉​

^5:15 ꦤꦭꦶꦏ꧊ꦩꦲꦭꦭꦺꦪꦺꦭ꧀ꦲꦸꦩꦸꦂ65ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦪꦫꦺꦢ꧀꧉​

^5:16 ꦱꦮꦶꦱ꧀ꦱꦺꦏꦸꦮꦶ꧊ꦩꦲꦭꦭꦺꦪꦺꦭ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ830ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:17 ꦱꦂꦠꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ895ꦠꦲꦸꦤ꧀꧉​

^5:18 ꦤꦭꦶꦏ꧊ꦪꦫꦺꦢ꧀ꦲꦸꦩꦸꦂ162ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦲꦺꦤꦺꦴꦏ꧀꧉​

^5:19 ꦱꦮꦶꦱ꧀ꦱꦺꦏꦸꦮꦶ꧊ꦪꦫꦺꦢ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ800ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:20 ꦱꦂꦠꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ962ꦠꦲꦸꦤ꧀꧉​

^5:21 ꦤꦭꦶꦏ꧊ꦲꦺꦤꦺꦴꦏ꧀ꦲꦸꦩꦸꦂ65ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦩꦺꦠꦸꦱꦭꦃ꧉​

^5:22 ꦱꦮꦶꦱ꧀ꦱꦺꦏꦸꦮꦶ꧊ꦲꦺꦤꦺꦴꦏ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ300ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧉​

^5:23 ꦲꦸꦩꦸꦂꦫꦺ꧊ꦲꦺꦤꦺꦴꦏ꧀ꦚꦤ꧀ꦝꦏ꧀365ꦠꦲꦸꦤ꧀꧉​

^5:24 ꧊ꦲꦺꦤꦺꦴꦏ꧀ꦲꦸꦫꦶꦥ꧀ꦥꦺꦠꦤ꧀ꦱꦃꦠꦼꦠꦸꦁꦒꦶꦭ꧀ꦭꦤ꧀ꦏꦫꦺꦴꦒꦸꦱ꧀ꦠꦶꦄꦭ꧀ꦭꦃ꧉​ꦢꦸꦩꦢꦏ꧀ꦏꦤ꧀꧊ꦲꦺꦤꦺꦴꦏ꧀ꦲꦶꦭꦁ꧈​ꦩꦼꦂꦒꦏꦥꦸꦭꦸꦁꦢꦺꦤꦶꦁꦥꦚ꧀ꦗꦼꦤꦼꦁꦔꦤ꧀ꦤꦺ꧉​

^5:25 ꦤꦭꦶꦏ꧊ꦩꦺꦠꦸꦱꦭꦃꦲꦸꦩꦸꦂ187ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ꧊ꦭꦩꦺꦏ꧀꧉​

^5:26 ꦱꦮꦶꦱ꧀ꦱꦺꦏꦸꦮꦶ꧊ꦩꦺꦠꦸꦱꦭꦃꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ782ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:27 ꦱꦂꦠꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ969ꦠꦲꦸꦤ꧀꧉​

^5:28 ꦤꦭꦶꦏ꧊ꦭꦩꦺꦏ꧀ꦲꦸꦩꦸꦂ182ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧉​

^5:29 ꦥꦔꦸꦕꦥ꧀ꦥꦺ꧊ꦭꦩꦺꦏ꧀꧈​"ꦧꦺꦴꦕꦃꦲꦶꦏꦶꦧꦏꦭ꧀ꦔ꧀ꦭꦸꦮꦂꦫꦶꦏꦶꦠꦱꦏꦥꦼꦒꦮꦺꦪꦤ꧀ꦏꦸꦏꦶꦠꦱꦶꦁꦲꦧꦺꦴꦠ꧀꧈​ꦪꦏꦸꦮꦶꦔ꧀ꦒꦫꦥ꧀ꦊꦩꦃꦱꦶꦁꦮꦶꦱ꧀ꦢꦶꦧꦼꦤ꧀ꦢꦺꦴꦤ꧀ꦤꦶꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃ꧉"​ꦩꦸꦭꦤꦺꦲꦤꦏ꧀ꦏꦺꦢꦶꦗꦼꦤꦼꦁꦔꦏꦺ꧊ꦤꦸꦃ꧉​

^5:30 ꦱꦮꦶꦱ꧀ꦱꦺꦏꦸꦮꦶꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ595ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦭꦤ꧀ꦮꦢꦺꦴꦤ꧀꧈​

^5:31 ꦱꦂꦠꦠꦶꦭꦂꦢꦺꦴꦚꦤꦭꦶꦏꦲꦸꦩꦸꦂ777ꦠꦲꦸꦤ꧀꧉​

^5:32 ꦤꦭꦶꦏ꧊ꦤꦸꦃꦲꦸꦩꦸꦂ500ꦠꦲꦸꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦠꦼꦭꦸ꧈​ꦪꦏꦸꦮꦶ꧊ꦱꦺꦩ꧀꧈​꧊ꦏꦩ꧀ꦭꦤ꧀꧊ꦪꦥ꦳ꦺꦠ꧀꧉​