Jv/Alkitab/Purwaning Dumadi/46

From Wikisource
Jump to navigation Jump to search

46:1 ​꧊ꦪꦏꦸꦧ꧀ꦔꦿꦶꦁꦏꦼꦱ꧀ꦱꦶꦧꦫꦁꦢꦂꦧꦺꦏ꧀ꦏꦺ꧈​ꦧꦚ꧀ꦗꦸꦂꦭꦸꦔꦩꦼꦚꦁ​꧊ꦧꦺꦂꦱꦾꦺꦧ꧈​ꦱꦲꦺꦴꦱ꧀ꦏꦸꦂꦧꦤ꧀ꦩꦫꦁꦄꦭ꧀ꦭꦃ꧈​ꦱꦼꦱꦼꦩ꧀ꦧꦃꦲꦤ꧀ꦤꦺ​꧊ꦆꦱ꧀ꦏꦏ꧀꧈​ꦧꦥꦏ꧀ꦤꦺ꧉​
46:2 ꦤꦭꦶꦏꦮꦪꦃꦧꦼꦔꦶꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦪꦏꦸꦧ꧀ꦱꦗꦿꦺꦴꦤꦺꦲꦶꦩ꧀ꦥꦺꦤ꧀꧈​"​꧊ꦪꦏꦸꦧ꧀꧈​​꧊ꦪꦏꦸꦧ꧀꧉"​ꦮꦁꦱꦸꦭ꧀ꦭꦤ꧀ꦤꦺ​꧊ꦪꦏꦸꦧ꧀꧈​"ꦏꦸꦭ꧈​ꦒꦸꦱ꧀ꦠꦶ!"
46:3 ꦥꦔꦤ꧀ꦢꦶꦏꦤꦺꦄꦭ꧀ꦭꦃ꧈​"ꦲꦏꦸꦲꦶꦏꦶꦄꦭ꧀ꦭꦃ꧈​ꦱꦼꦱꦼꦩ꧀ꦧꦃꦲꦤ꧀ꦤꦺꦧꦥꦏ꧀ꦩꦸ꧉​ꦲꦗꦏꦸꦮꦠꦶꦂꦧꦧ꧀ꦲꦼꦁꦒꦺꦴꦤ꧀ꦩꦸꦲꦉꦥ꧀ꦭꦸꦔꦩꦼꦚꦁ​꧊ꦩꦺꦱꦶꦂ꧉​ꦲꦤꦲꦶꦁꦏꦤꦲꦤꦏ꧀ꦠꦸꦫꦸꦤ꧀ꦩꦸꦧꦏꦭ꧀ꦢꦏ꧀ꦢꦢꦺꦏ꧀ꦏꦏꦺꦧꦁꦱꦒꦼꦝꦺ꧉​
46:4 ꦲꦏꦸꦧꦏꦭ꧀ꦔꦶꦫꦶꦢ꧀ꦭꦏꦸꦩꦸꦩꦼꦚꦁ​꧊ꦩꦺꦱꦶꦂ꧈​ꦭꦤ꧀ꦭꦏꦸꦤꦺꦲꦤꦏ꧀ꦠꦸꦫꦸꦤ꧀ꦩꦸꦧꦭꦶꦩꦿꦺꦤꦺ꧉​​꧊ꦪꦸꦱꦸꦥ꦳꧀ꦧꦏꦭ꧀ꦤꦸꦁꦒꦺꦴꦤ꧀ꦤꦶꦏꦺꦴꦮꦺꦔꦤ꧀ꦠꦶꦱꦔꦗꦭ꧀ꦩꦸ!"
46:5 ​꧊ꦪꦏꦸꦧ꧀ꦧꦚ꧀ꦗꦸꦂꦧꦸꦝꦭ꧀ꦱꦏ​꧊ꦧꦺꦂꦱꦾꦺꦧ꧈​ꦤꦸꦁꦒꦁꦏꦿꦺꦠꦏꦶꦫꦶꦩ꧀ꦩꦤ꧀ꦱꦏꦲꦶꦁ​꧊ꦩꦺꦱꦶꦂ꧈​ꦱꦼꦩꦺꦴꦤꦺꦴꦲꦸꦒꦥꦫꦩꦤ꧀ꦠꦸꦤꦺꦮꦢꦺꦴꦤ꧀ꦭꦤ꧀ꦥꦸꦠꦸꦥꦸꦠꦸꦤꦺꦱꦶꦁꦲꦶꦱꦶꦃꦕꦶꦭꦶꦏ꧀ꦕꦶꦭꦶꦏ꧀꧉​ꦭꦤ꧀ꦏꦧꦺꦃꦧꦫꦁꦢꦂꦧꦺꦏ꧀ꦏꦺꦲꦼꦁꦒꦺꦴꦤꦺꦲꦺꦴꦭꦺꦃꦲꦤꦲꦶꦁꦠꦤꦃ​꧊ꦏꦺꦤꦲꦤ꧀ꦢꦶꦒꦮꦩꦼꦚꦁ​꧊ꦩꦺꦱꦶꦂ꧉​
46:6 ꦲꦶꦔꦺꦴꦤ꧀ꦲꦶꦔꦺꦴꦤ꧀ꦤꦺꦭꦤ꧀ꦏꦧꦺꦃꦧꦫꦁꦢꦂꦧꦺꦏ꧀ꦏꦺꦲꦼꦁꦒꦺꦴꦤꦺꦲꦺꦴꦭꦺꦃꦲꦤꦲꦶꦁꦠꦤꦃ​꧊ꦏꦺꦤꦲꦤ꧀ꦢꦶꦒꦮꦩꦼꦚꦁ​꧊ꦩꦺꦱꦶꦂ꧉​
46:7 ꦱꦼꦩꦺꦴꦤꦺꦴꦲꦸꦒꦲꦤꦏ꧀ꦥꦸꦠꦸꦤꦺꦏꦧꦺꦃꦭꦤꦁꦭꦤ꧀ꦮꦢꦺꦴꦤ꧀꧉​
46:8 ꦮꦂꦒꦤꦺꦧꦿꦪꦠ꧀ꦠꦺ​꧊ꦪꦏꦸꦧ꧀ꦱꦶꦁꦩꦺꦭꦸꦩꦼꦚꦁ​꧊ꦩꦺꦱꦶꦂꦪꦏꦸꦮꦶ:
46:9 ​꧊ꦫꦸꦧꦺꦤ꧀꧈​ꦲꦤꦏ꧀ꦏꦺꦩ꧀ꦧꦉꦥ꧀꧈​ꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦲꦺꦤꦺꦴꦏ꧀꧈​ꦥꦭꦸ꧈​​꧊ꦲꦺꦗ꦳ꦿꦺꦴꦤ꧀ꦭꦤ꧀​꧊ꦏꦂꦩꦶ꧉​
46:10 ​꧊ꦱꦶꦩꦺꦪꦺꦴꦤ꧀꧈​ꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦪꦺꦩꦸꦮꦺꦭ꧀꧈​​꧊ꦪꦩꦶꦤ꧀꧈​​꧊ꦎꦲꦢ꧀꧈​ꦪꦏꦶꦤ꧀꧈​​꧊ꦗ꦳ꦺꦴꦲꦂꦭꦤ꧀​꧊ꦱꦲꦸꦭ꧀꧈​ꦲꦤꦏ꧀ꦥꦠꦸꦠ꧀ꦠꦤ꧀ꦱꦏꦧꦺꦴꦗꦺꦴꦤꦺꦲꦱꦭ꧀​꧊ꦏꦺꦤꦲꦤ꧀꧉​
46:11 ​꧊ꦭꦺꦮꦶꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦒꦺꦂꦱꦺꦴꦤ꧀꧈​​꧊ꦏꦺꦲꦠ꧀ꦭꦤ꧀​꧊ꦩꦺꦫꦫꦶ꧉​
46:12 ​꧊ꦪꦺꦲꦸꦢꦏꦫꦺꦴꦲꦤꦏ꧀ꦲꦤꦏ꧀ꦏꦺ:ꦱꦺꦭ꧈​​꧊ꦥꦺꦫꦺꦱ꧀ꦭꦤ꧀​꧊ꦗ꦳ꦺꦫꦃ꧉​꧌ꦲꦤꦏ꧀ꦏꦺ​꧊ꦪꦺꦲꦸꦢꦭꦶꦪꦤꦺ:​꧊ꦌꦂꦭꦤ꧀​꧊ꦎꦤꦤ꧀ꦩꦠꦶꦲꦤꦲꦶꦁ​꧊ꦏꦺꦤꦲꦤ꧀꧉꧍​ꦲꦤꦏ꧀ꦲꦤꦏ꧀ꦏꦺ​꧊ꦥꦺꦫꦺꦱ꧀꧈​ꦪꦏꦸꦮꦶ​꧊ꦲꦺꦗ꦳ꦿꦺꦴꦤ꧀ꦭꦤ꧀​꧊ꦲꦩꦸꦭ꧀꧉​
46:13 ​꧊ꦆꦱꦏꦂꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦠꦺꦴꦭ꧈​​꧊ꦥꦸꦮꦃ꧈​​꧊ꦄꦪꦸꦧ꧀ꦭꦤ꧀​꧊ꦱꦶꦩꦿꦺꦴꦤ꧀꧉​
46:14 ​꧊ꦗ꦳ꦺꦧꦸꦭꦺꦴꦤ꧀꧈​ꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦱꦺꦫꦺꦢ꧀꧈​ꦲꦺꦭꦺꦴꦤ꧀ꦭꦤ꧀​꧊ꦪꦃꦲ꧀ꦭꦺꦪꦺꦭ꧀꧉​
46:15 ꦏꦧꦺꦃꦏꦸꦮꦶꦲꦤꦏ꧀ꦲꦤꦏ꧀ꦏꦺ​꧊ꦪꦏꦸꦧ꧀ꦱꦶꦁꦥꦠꦸꦠ꧀ꦠꦤ꧀ꦱꦏ​꧊ꦭꦺꦪ꧈​ꦭꦤ꧀ꦏꦭꦲꦶꦂꦫꦏꦺꦲꦤꦲꦶꦁ​꧊ꦩꦺꦱꦺꦴꦥꦺꦴꦠꦩꦶꦪ꧉​ꦏꦼꦗꦧꦏꦸꦮꦶꦲꦶꦱꦶꦃꦢꦸꦮꦺꦲꦤꦏ꧀ꦮꦢꦺꦴꦤ꧀ꦗꦼꦤꦼꦁꦔꦺꦢꦶꦤ꧉​ꦢꦢꦶꦠꦸꦫꦸꦤ꧀ꦤꦺ​꧊ꦪꦏꦸꦧ꧀ꦥꦠꦸꦠ꧀ꦠꦤ꧀ꦱꦏ​꧊ꦭꦺꦪꦩꦲꦸꦏꦧꦺꦃꦕꦕꦃꦲꦺꦠꦼꦭꦸꦁꦥꦸꦭꦸꦃꦠꦼꦭꦸ꧉​
46:16 ​꧊ꦒꦢ꧀ꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦗ꦳ꦶꦥ꦳꧀ꦭꦺꦴꦤ꧀꧈​​꧊ꦲꦒꦶ꧈​​꧊ꦱꦾꦸꦤꦶ꧈​​꧊ꦌꦗ꦳꧀ꦧꦺꦴꦤ꧀꧈​​꧊ꦌꦫꦶ꧈​​꧊ꦄꦫꦺꦴꦢꦶꦭꦤ꧀​꧊ꦄꦫꦺꦭꦶ꧉​
46:17 ​꧊ꦄꦱꦾꦺꦂꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦪꦶꦩ꧀ꦤ꧈​​꧊ꦪꦶꦱ꧀ꦮ꧈​​꧊ꦪꦶꦱ꧀ꦮꦶ꧈​ꦭꦤ꧀​꧊ꦧꦺꦫꦶꦪ꧈​ꦱꦂꦠꦲꦤꦏ꧀ꦏꦺꦮꦢꦺꦴꦤ꧀ꦱꦶꦁꦗꦼꦤꦼꦁ​꧊ꦱꦺꦫꦃ꧉​ꦲꦤꦏ꧀ꦲꦤꦏ꧀ꦏꦺ​꧊ꦧꦺꦫꦶꦪꦪꦏꦸꦮꦶ:​꧊ꦲꦺꦧꦺꦂꦭꦤ꧀​꧊ꦩꦭ꧀ꦏꦶꦪꦺꦭ꧀꧉​
46:18 ꦏꦧꦺꦃꦏꦸꦮꦶꦲꦤꦏ꧀ꦏꦺ​꧊ꦪꦏꦸꦧ꧀ꦥꦠꦸꦠ꧀ꦠꦤ꧀ꦱꦏ​꧊ꦗ꦳ꦶꦭ꧀ꦥ꧈​ꦧꦠꦸꦂꦫꦺꦮꦢꦺꦴꦤ꧀ꦲꦺꦴꦭꦺꦃꦲꦺꦩꦺꦤꦺꦃꦲꦶ​꧊ꦭꦧꦤ꧀ꦩꦫꦁ​꧊ꦭꦺꦪ꧈​ꦲꦤꦏ꧀ꦏꦺꦮꦢꦺꦴꦤ꧀꧉​
46:19 ​꧊ꦫꦲꦺꦭ꧀꧈​ꦧꦺꦴꦗꦺꦴꦤꦺ​꧊ꦪꦏꦸꦧ꧀ꦭꦶꦪꦤꦺꦢꦸꦮꦺꦲꦤꦏ꧀ꦭꦤꦁꦭꦺꦴꦫꦺꦴ꧈​ꦪꦲꦶꦏꦸ:​꧊ꦪꦸꦱꦸꦥ꦳꧀ꦭꦤ꧀​꧊ꦧꦺꦚꦩꦶꦤ꧀꧉​
46:20 ꦲꦤꦲꦶꦁ​꧊ꦩꦺꦱꦶꦂ​꧊ꦪꦸꦱꦸꦥ꦳꧀ꦢꦸꦮꦺꦲꦤꦏ꧀ꦭꦺꦴꦫꦺꦴ꧈​ꦪꦲꦶꦏꦸ​꧊ꦩꦤꦱꦾꦺꦭꦤ꧀​꧊ꦌꦥ꦳ꦿꦲꦶꦩ꧀꧈​ꦥꦠꦸꦠ꧀ꦠꦤ꧀ꦱꦏ​꧊ꦄꦱ꧀ꦤꦠ꧀꧈​ꦲꦤꦏ꧀ꦏꦺꦮꦢꦺꦴꦤ꧀​꧊ꦥꦺꦴꦠꦶꦥ꦳ꦺꦫ꧈​ꦲꦶꦩꦩ꧀ꦲꦶꦁ​꧊ꦲꦺꦭꦶꦪꦺꦴꦥꦺꦴꦭꦶꦱ꧀꧉​
46:21 ꦲꦤꦏ꧀ꦲꦤꦏ꧀ꦏꦺ​꧊ꦧꦺꦚꦩꦶꦤ꧀ꦪꦏꦸꦮꦶ:ꦧꦺꦭ꧈​​꧊ꦧꦺꦏꦺꦂ꧈​​꧊ꦄꦱꦶꦧꦺꦭ꧀꧈​​꧊ꦤꦲꦩꦤ꧀꧈​​꧊ꦌꦲꦶ꧈​​꧊ꦫꦺꦴꦱ꧀꧈​​꧊ꦩꦸꦥꦶꦩ꧀꧈​​꧊ꦲꦸꦥꦶꦩ꧀ꦭꦤ꧀​꧊ꦄꦠꦺꦢ꧀꧉​
46:22 ꦮꦺꦴꦁꦥꦠ꧀ꦧꦼꦭꦱ꧀ꦩꦲꦸꦲꦤꦏ꧀ꦥꦸꦠꦸꦤꦺ​꧊ꦪꦏꦸꦧ꧀ꦥꦠꦸꦠ꧀ꦠꦤ꧀ꦱꦏ​꧊ꦫꦲꦺꦭ꧀꧉​
46:23 ​꧊ꦝꦤ꧀ꦏꦫꦺꦴ​꧊ꦲꦸꦱꦶꦩ꧀꧈​ꦲꦤꦏ꧀ꦏꦺ꧉​
46:24 ​꧊ꦤꦥ꦳꧀ꦠꦭꦶꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦪꦃꦗ꦳ꦺꦪꦺꦭ꧀꧈​​꧊ꦒꦸꦤꦶ꧈​​꧊ꦪꦺꦗ꦳ꦺꦂꦭꦤ꧀​꧊ꦱꦶꦭꦺꦩ꧀꧉​
46:25 ꦮꦺꦴꦁꦥꦶꦠꦸꦏꦸꦮꦶꦲꦤꦏ꧀ꦠꦸꦫꦸꦤꦺ​꧊ꦪꦏꦸꦧ꧀ꦥꦠꦸꦠ꧀ꦠꦤ꧀ꦱꦏꦧꦶꦭ꧀ꦲ꧈​ꦧꦠꦸꦂꦮꦢꦺꦴꦤ꧀ꦲꦺꦴꦭꦺꦃꦲꦺꦩꦺꦤꦺꦃꦲꦶ​꧊ꦭꦧꦤ꧀ꦩꦫꦁ​꧊ꦫꦲꦺꦭ꧀꧈​ꦲꦤꦏ꧀ꦏꦺꦮꦢꦺꦴꦤ꧀꧉​
46:26 ꦲꦤꦏ꧀ꦭꦤ꧀ꦥꦸꦠꦸꦥꦸꦠꦸꦤꦺ​꧊ꦪꦏꦸꦧ꧀—ꦲꦺꦴꦫꦏꦼꦥꦺꦠꦸꦁꦩꦤ꧀ꦠꦸꦩꦤ꧀ꦠꦸꦤꦺ—ꦏꦧꦺꦃꦕꦕꦃꦲꦺꦱꦼꦮꦶꦢꦏ꧀ꦲꦼꦤꦼꦩ꧀꧉​
46:27 ꦲꦤꦏ꧀ꦲꦤꦏ꧀ꦏꦺ​꧊ꦪꦸꦱꦸꦥ꦳꧀ꦱꦶꦁꦭꦲꦶꦂꦲꦶꦁꦠꦤꦃ​꧊ꦩꦺꦱꦶꦂꦲꦤꦭꦺꦴꦫꦺꦴ꧈​ꦢꦢꦶꦧꦿꦪꦠ꧀ꦠꦺ​꧊ꦪꦏꦸꦧ꧀ꦱꦶꦁꦲꦤꦲꦶꦁ​꧊ꦩꦺꦱꦶꦂꦕꦕꦃꦲꦺꦏꦧꦺꦃꦥꦶꦠꦸꦁꦥꦸꦭꦸꦃꦮꦺꦴꦁ꧉​
46:28 ​꧊ꦪꦏꦸꦧ꧀ꦏꦺꦴꦁꦏꦺꦴꦤ꧀ꦤꦤ꧀​꧊ꦪꦺꦲꦸꦢꦩꦁꦏꦠ꧀ꦤ꧀ꦝꦶꦱꦶꦏ꧀ꦏꦶꦤꦼꦩꦺꦴꦤ꧀ꦤꦶ​꧊ꦪꦸꦱꦸꦥ꦳꧀ꦱꦸꦥꦪꦩꦼꦛꦸꦏ꧀ꦲꦤꦲꦶꦁ​꧊ꦒꦺꦴꦱꦺꦤ꧀꧉​
46:29 ​꧊ꦪꦸꦱꦸꦥ꦳꧀ꦧꦚ꧀ꦗꦸꦂꦤꦸꦩ꧀ꦥꦏ꧀ꦏꦿꦺꦠꦩꦼꦚꦁ​꧊ꦒꦺꦴꦱꦺꦤ꧀ꦩꦼꦛꦸꦏ꧀ꦧꦥꦏ꧀ꦤꦺ꧉​ꦧꦉꦁꦏꦼꦠꦼꦩꦸ​꧊ꦪꦸꦱꦸꦥ꦳꧀ꦔꦿꦁꦏꦸꦭ꧀ꦧꦥꦏ꧀ꦤꦺ꧈​ꦢꦶꦲꦩ꧀ꦧꦸꦁꦔꦶꦏꦫꦺꦴꦤꦔꦶꦱ꧀ꦔꦤ꧀ꦠꦶꦱꦸꦮꦺ꧉​
46:30 ꦕ꧀ꦭꦛꦸꦤꦺ​꧊ꦪꦏꦸꦧ꧀ꦩꦫꦁ​꧊ꦪꦸꦱꦸꦥ꦳꧀꧈​"ꦱꦲꦶꦏꦶꦲꦏꦸꦭꦶꦭꦩꦠꦶ꧈​ꦩꦼꦂꦒꦮꦶꦱ꧀ꦮꦼꦫꦸꦃꦏꦺꦴꦮꦺꦲꦶꦱꦶꦃꦲꦸꦫꦶꦥ꧀꧉"​
46:31 ​꧊ꦪꦸꦱꦸꦥ꦳꧀ꦧꦚ꧀ꦗꦸꦂꦏꦤ꧀ꦝꦏꦫꦺꦴꦏꦏꦁꦏꦏꦁꦤꦺꦭꦤ꧀ꦱꦤꦏ꧀ꦱꦼꦢꦸꦭꦸꦂꦫꦺꦭꦶꦪꦤꦺ꧈​"ꦲꦏꦸꦢꦏ꧀ꦱꦺꦴꦮꦤ꧀ꦱꦁꦥꦿꦶꦔꦺꦴꦤ꧀ꦝꦶꦱꦶꦏ꧀꧈​ꦔꦠꦸꦂꦫꦶꦥꦶꦂꦱꦪꦺꦤ꧀ꦱꦤꦏ꧀ꦱꦼꦢꦸꦭꦸꦂꦏꦸꦱꦶꦁꦱꦏ​꧊ꦏꦺꦤꦲꦤ꧀ꦮꦶꦱ꧀ꦠꦼꦏꦏꦧꦺꦃ꧉​
46:32 ꦢꦏ꧀ꦩꦠꦸꦂꦥꦶꦱꦤ꧀ꦪꦺꦤ꧀ꦱꦤꦏ꧀ꦱꦼꦢꦸꦭꦸꦂꦏꦸꦏꦸꦮꦶꦠꦸꦏꦁꦲꦔꦺꦴꦤ꧀ꦮꦼꦝꦸꦱ꧀ꦭꦤ꧀ꦱꦥꦶ꧈​ꦭꦤ꧀ꦪꦺꦤ꧀ꦫꦗꦏꦪꦤꦺꦠꦸꦮꦶꦤ꧀ꦱꦼꦧꦫꦁꦢꦂꦧꦺꦏ꧀ꦏꦺꦮꦶꦱ꧀ꦢꦶꦒꦮꦩꦿꦺꦤꦺꦏꦧꦺꦃ꧉​
46:33 ꦪꦺꦤ꧀ꦢꦶꦝꦮꦸꦃꦲꦶꦱꦺꦴꦮꦤ꧀ꦭꦤ꧀ꦢꦶꦢꦔꦸꦧꦧ꧀ꦥꦼꦒꦮꦺꦪꦤ꧀ꦩꦸ꧈​
46:34 ꦥꦝꦩꦠꦸꦂꦫꦪꦺꦤ꧀ꦏꦺꦴꦮꦺꦏꦧꦺꦃꦠꦸꦏꦁꦔꦶꦔꦸꦫꦗꦏꦪꦮꦶꦮꦶꦠ꧀ꦕꦶꦭꦶꦏ꧀ꦩꦸꦭ꧈​ꦲꦺꦴꦫꦧꦺꦢꦏꦫꦺꦴꦥꦫꦊꦭꦸꦲꦸꦂꦩꦸ꧉​ꦩꦼꦁꦏꦺꦴꦏꦺꦴꦮꦺꦫꦏ꧀ꦢꦶꦝꦮꦸꦃꦲꦶꦩꦁꦒꦺꦴꦤ꧀ꦲꦤꦲꦶꦁꦠꦤꦃ​꧊ꦒꦺꦴꦱꦺꦤ꧀꧉"​ꦲꦼꦁꦒꦺꦴꦤꦺꦏꦤ꧀ꦝꦩꦼꦁꦏꦺꦴꦤꦺꦴꦩꦲꦸꦩꦼꦂꦒ​꧊ꦪꦸꦱꦸꦥ꦳꧀ꦔꦼꦂꦠꦶꦪꦺꦤ꧀ꦮꦺꦴꦁ​꧊ꦩꦺꦱꦶꦂꦏꦸꦮꦶꦲꦺꦴꦫꦱꦼꦤꦼꦁꦱꦿꦮꦸꦁꦏꦫꦺꦴꦠꦸꦏꦁꦔꦶꦔꦸꦫꦗꦏꦪ꧉​