Jv/Alkitab/Purwaning Dumadi/45

^45:1 ​꧊ꦪꦸꦱꦸꦥ꦳꧀ꦮꦶꦱ꧀ꦲꦺꦴꦫꦏꦸꦮꦠ꧀ꦔꦩ꧀ꦥꦼꦠ꧀ꦫꦱꦤꦶꦁꦲꦠꦶꦤꦺꦲꦤꦲꦶꦁꦔꦉꦥ꧀ꦥꦺꦥꦫꦱꦼꦢꦸꦭꦸꦂꦫꦺ꧉​ꦩꦸꦭꦤꦺꦮꦺꦴꦁꦮꦺꦴꦁꦥꦝꦢꦶꦝꦮꦸꦃꦲꦶꦩꦼꦠꦸꦱꦏꦏꦩꦂꦏꦺꦴꦤꦺꦴꦱꦸꦥꦪꦧꦶꦱꦏꦤ꧀ꦝꦧ꧀ꦭꦏ꧀ꦧ꧀ꦭꦏ꧀ꦏꦤ꧀ꦏꦫꦺꦴꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦩꦲꦸ꧉​

^45:2 ꦧꦉꦁꦥꦫꦲꦧ꧀ꦢꦶꦮꦶꦱ꧀ꦥꦝꦩꦼꦠꦸ​꧊ꦪꦸꦱꦸꦥ꦳꧀ꦧꦚ꧀ꦗꦸꦂꦤꦔꦶꦱ꧀ꦱꦼꦫꦸꦧꦔꦼꦠ꧀꧈​ꦔꦤ꧀ꦠꦶꦮꦺꦴꦁ​꧊ꦩꦺꦱꦶꦂꦥꦝꦏꦿꦸꦔꦸ꧈​ꦭꦤ꧀ꦔꦠꦸꦂꦫꦏꦺꦩꦫꦁꦱꦁꦥꦿꦶꦔꦺꦴꦤ꧀꧉​

^45:3 ​꧊ꦪꦸꦱꦸꦥ꦳꧀ꦕ꧀ꦭꦛꦸꦩꦫꦁꦱꦼꦢꦸꦭꦸꦂꦱꦼꦢꦸꦭꦸꦂꦫꦺ꧈​"ꦲꦏꦸꦲꦶꦏꦶ​꧊ꦪꦸꦱꦸꦥ꦳꧀!ꦧꦥꦏ꧀ꦲꦥꦲꦶꦱꦶꦃꦱꦸꦒꦼꦁ?"ꦏꦿꦸꦔꦸꦠꦼꦩ꧀ꦧꦸꦁꦔꦺ​꧊ꦪꦸꦱꦸꦥ꦳꧀ꦱꦶꦁꦩꦼꦁꦏꦺꦴꦤꦺꦴꦩꦲꦸ꧈​ꦥꦫꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦮꦼꦢꦶꦧꦔꦼꦠ꧀ꦔꦤ꧀ꦠꦶꦲꦺꦴꦫꦧꦶꦱꦏꦸꦩꦼꦕꦥ꧀꧉​

^45:4 ​꧊ꦪꦸꦱꦸꦥ꦳꧀ꦕ꧀ꦭꦛꦸꦩꦼꦤꦺꦃ꧈​"ꦩꦗꦸꦮꦩꦿꦺꦤꦺ꧉"​ꦧꦚ꧀ꦗꦸꦂꦥꦝꦚꦼꦝꦏ꧀꧉​​꧊ꦪꦸꦱꦸꦥ꦳꧀ꦕ꧀ꦭꦛꦸꦩꦼꦤꦺꦃ꧈​"ꦲꦏꦸꦲꦶꦏꦶ​꧊ꦪꦸꦱꦸꦥ꦳꧀꧈​ꦱꦶꦁꦧꦶꦪꦺꦤ꧀ꦏꦺꦴꦏ꧀ꦲꦼꦢꦺꦴꦭ꧀ꦩꦼꦚꦁ​꧊ꦩꦺꦱꦶꦂ꧉​

^45:5 ꦲꦗꦏꦸꦮꦠꦶꦂꦭꦤ꧀ꦲꦗꦤꦸꦠꦸꦃꦲꦮꦏ꧀ꦩꦸꦝꦺꦮꦺ꧈​ꦲꦮꦶꦠ꧀ꦮꦶꦱ꧀ꦢꦢꦶꦏꦼꦂꦱꦤꦺꦄꦭ꧀ꦭꦃꦥꦶꦪꦩ꧀ꦧꦏ꧀ꦔꦸꦠꦸꦱ꧀ꦲꦏꦸꦩꦿꦺꦤꦺ꧈​ꦤ꧀ꦝꦶꦱꦶꦏ꧀ꦏꦶꦠꦼꦏꦩꦸ꧈​ꦱꦸꦥꦪꦲꦏꦸꦚ꧀ꦭꦩꦼꦠ꧀ꦠꦏꦺꦮꦺꦴꦁꦲꦏꦺꦃ꧉​

^45:6 ꦩꦁꦱꦤꦺꦥꦲꦶꦭꦤ꧀ꦭꦒꦶꦏꦼꦭꦏꦺꦴꦤ꧀ꦫꦺꦴꦁꦠꦲꦸꦤ꧀꧈​ꦲꦶꦱꦶꦃꦭꦶꦩꦁꦠꦲꦸꦤ꧀ꦭꦮꦱ꧀ꦱꦺꦲꦺꦴꦫꦧꦏꦭ꧀ꦲꦤꦮꦺꦴꦁꦩ꧀ꦭꦸꦏꦸꦲꦸꦠꦮꦥꦤꦺꦤ꧀꧉​

^45:7 ꦄꦭ꧀ꦭꦃꦮꦶꦱ꧀ꦔꦸꦠꦸꦱ꧀ꦲꦏꦸꦤ꧀ꦝꦶꦱꦶꦏ꧀ꦏꦶꦭꦏꦸꦩꦸꦩꦿꦺꦤꦺꦱꦸꦥꦪꦚ꧀ꦭꦩꦼꦠ꧀ꦠꦏꦺꦏꦺꦴꦮꦺ꧈​ꦩꦼꦁꦏꦺꦴꦤꦺꦴꦲꦸꦒꦲꦤꦏ꧀ꦠꦸꦫꦸꦤ꧀ꦩꦸꦏꦧꦺꦃ꧈​ꦱꦿꦤꦥꦠꦿꦥ꧀ꦱꦶꦁꦲꦺꦭꦺꦴꦏ꧀ꦲꦶꦏꦶ꧉​

^45:8 ꦢꦢꦶꦢꦸꦢꦸꦏꦺꦴꦮꦺꦱꦶꦁꦔ꧀ꦒꦮꦲꦏꦸꦩꦿꦺꦤꦺ꧈​ꦤꦁꦔꦶꦁꦄꦭ꧀ꦭꦃꦥꦶꦪꦩ꧀ꦧꦏ꧀꧉​ꦥꦚ꧀ꦗꦼꦤꦼꦁꦔꦤ꧀ꦤꦺꦱꦶꦁꦔꦁꦏꦠ꧀ꦲꦏꦸꦢꦢꦶꦥꦼꦒꦮꦺꦤꦺꦱꦁꦥꦿꦶꦔꦺꦴꦤ꧀ꦱꦶꦁꦝꦸꦮꦸꦂꦝꦺꦮꦺ꧉​ꦲꦏꦸꦢꦶꦥꦶꦠꦪꦩꦽꦤꦠꦱꦤꦼꦒꦫꦏꦧꦺꦃ꧉​ꦱꦏꦺꦃꦲꦺꦥꦔ꧀ꦮꦱꦲꦶꦁ​꧊ꦩꦺꦱꦶꦂꦲꦤꦲꦶꦁꦠꦔꦤ꧀ꦏꦸ꧉​

^45:9 ꦱꦲꦶꦏꦶꦏꦺꦴꦮꦺꦥꦝꦲꦺꦁꦒꦭ꧀ꦩꦸꦭꦶꦃꦲ꧈​ꦩꦠꦸꦂꦫꦩꦫꦁꦧꦥꦏ꧀ꦩꦼꦁꦏꦺꦤꦺ꧈​‘ꦏꦼꦁꦥꦸꦠꦿ​꧊ꦪꦸꦱꦸꦥ꦳꧀ꦩꦼꦭꦶꦁꦏꦸꦭꦩꦠꦸꦂꦝꦠꦼꦁꦧꦥꦏ꧀:ꦒꦸꦱ꧀ꦠꦶꦄꦭ꧀ꦭꦃꦱꦩ꧀ꦥꦸꦤ꧀ꦔꦁꦏꦠ꧀ꦏꦸꦭꦢꦢꦺꦴꦱ꧀ꦥꦔ꧀ꦮꦲꦺꦴꦱ꧀ꦲꦶꦁꦱꦠꦤꦃ​꧊ꦩꦺꦱꦶꦂꦱꦼꦢꦪ꧉​ꦧꦥꦏ꧀ꦏꦸꦭꦲꦠꦸꦂꦫꦶꦠꦸꦩꦸꦤ꧀ꦠꦼꦤ꧀ꦫꦮꦸꦃꦩꦿꦶꦏ꧉​

^45:10 ꦱꦒꦼꦢ꧀ꦩꦁꦒꦺꦤ꧀ꦲꦶꦁꦠꦤꦃ​꧊ꦒꦺꦴꦱꦺꦤ꧀꧈​ꦱꦸꦥꦢꦺꦴꦱ꧀ꦕꦼꦭꦏ꧀ꦏꦭꦶꦪꦤ꧀ꦏꦸꦭ꧈​ꦱꦼꦩꦤ꧀ꦠꦼꦤ꧀ꦲꦸꦒꦶꦥꦸꦠꦿꦥꦸꦠꦿꦭꦤ꧀ꦥꦫꦮꦪꦃ꧈​ꦩꦺꦤ꧀ꦢꦩꦺꦤ꧀ꦢꦭꦤ꧀ꦊꦩ꧀ꦧꦸꦠꦸꦮꦶꦤ꧀ꦱꦼꦢꦪꦏꦒꦸꦁꦔꦤ꧀ꦤꦶꦥꦸꦤ꧀꧉​

^45:11 ꦩꦼꦤꦮꦶꦩꦁꦒꦺꦤ꧀ꦲꦶꦁ​꧊ꦒꦺꦴꦱꦺꦤ꧀ꦏꦸꦭꦱꦒꦼꦢ꧀ꦚꦼꦏꦥ꧀ꦥꦶꦱꦼꦢꦪꦏꦧꦼꦠꦃꦲꦤ꧀ꦤꦶꦥꦸꦤ꧀ꦧꦥꦏ꧀꧉​ꦩꦁꦱꦤꦶꦥꦸꦤ꧀ꦥꦲꦶꦭꦤ꧀ꦠꦏ꧀ꦱꦶꦃꦒꦁꦱꦭ꧀ꦠꦲꦸꦤ꧀ꦩꦭꦶꦃ꧉​ꦭꦤ꧀ꦏꦸꦭꦧꦝꦺꦲꦶꦏ꧀ꦠꦶꦪꦂ꧈​ꦱꦸꦥꦢꦺꦴꦱ꧀ꦧꦥꦏ꧀꧈​ꦧꦿꦪꦠ꧀ꦧꦿꦪꦠ꧀ꦭꦤ꧀ꦏꦺꦮꦤ꧀ꦲꦶꦔꦃꦲꦶꦔꦃꦲꦤ꧀ꦩ꧀ꦧꦺꦴꦠꦼꦤ꧀ꦏꦼꦏꦶꦫꦁꦔꦤ꧀ꦠꦼꦝ꧉’"​

^45:12 ​꧊ꦪꦸꦱꦸꦥ꦳꧀ꦤꦼꦫꦸꦱ꧀ꦱꦏꦺꦕ꧀ꦭꦛꦸꦤꦺ꧈​"ꦠꦩꦠ꧀ꦤꦲꦏꦸ꧉​ꦏꦺꦴꦮꦺ​꧊ꦧꦺꦚꦩꦶꦤ꧀꧈​ꦢꦼꦊꦁꦔꦼꦤ꧀ꦲꦏꦸ꧈​ꦲꦏꦸꦫꦏ꧀​꧊ꦪꦸꦱꦸꦥ꦳꧀ꦠꦼꦩꦼꦤ꧀ꦤꦤ꧀꧉​

^45:13 ꦲꦠꦸꦂꦤꦩꦫꦁꦧꦥꦏ꧀꧈​ꦱꦼꦥꦶꦫꦒꦼꦝꦺꦤꦺꦥꦔ꧀ꦮꦱꦏꦸꦲꦶꦁ​꧊ꦩꦺꦱꦶꦂꦏꦺꦤꦺ꧈​ꦭꦤ꧀ꦕꦿꦶꦠꦏ꧀ꦤꦏꦧꦺꦃꦲꦥꦱꦶꦁꦥꦝꦏꦺꦴꦏ꧀ꦢꦼꦊꦁ꧉​ꦧꦚ꧀ꦗꦸꦂꦲꦺꦁꦒꦭ꧀ꦲꦺꦁꦒꦭ꧀ꦧꦥꦏ꧀ꦧꦺꦴꦪꦺꦴꦁꦔꦼꦤ꧀ꦩꦿꦺꦤꦺ꧉"​

^45:14 ​꧊ꦧꦺꦚꦩꦶꦤ꧀꧈​ꦲꦝꦶꦤꦺ꧈​ꦤꦸꦭꦶꦢꦶꦫꦁꦏꦸꦭ꧀ꦏꦫꦺꦴꦤꦔꦶꦱ꧀꧉​​꧊ꦧꦺꦚꦩꦶꦤ꧀ꦩꦺꦭꦸꦤꦔꦶꦱ꧀ꦭꦤ꧀ꦔꦿꦁꦏꦸꦭ꧀ꦏꦏꦁꦤꦺ꧉​

^45:15 ꦲꦶꦱꦶꦃꦏꦫꦺꦴꦤꦔꦶꦱ꧀​꧊ꦪꦸꦱꦸꦥ꦳꧀ꦔꦿꦁꦏꦸꦭ꧀ꦭꦶꦏꦏꦁꦤꦺꦱꦶꦗꦶꦱꦶꦗꦶꦭꦤ꧀ꦢꦶꦲꦩ꧀ꦧꦸꦁꦔꦶ꧉​ꦱꦮꦶꦱ꧀ꦱꦺꦏꦸꦮꦶꦧꦚ꧀ꦗꦸꦂꦥꦝꦗꦒꦺꦴꦁꦔꦤ꧀꧉​

^45:16 ꦧꦉꦁꦩꦶꦉꦁꦪꦺꦤ꧀​꧊ꦪꦸꦱꦸꦥ꦳꧀ꦏꦼꦠꦩꦺꦴꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ꧈​ꦱꦁꦥꦿꦶꦔꦺꦴꦤ꧀ꦭꦤ꧀ꦥꦫꦥꦼꦒꦮꦺꦤꦺꦥꦝꦩꦺꦭꦸꦧꦸꦔꦃ꧉​

^45:17 ꦥꦔꦤ꧀ꦢꦶꦏꦤꦺꦱꦁꦥꦿꦶꦔꦺꦴꦤ꧀ꦩꦫꦁ​꧊ꦪꦸꦱꦸꦥ꦳꧀꧈​"ꦱꦼꦢꦸꦭꦸꦂꦱꦼꦢꦸꦭꦸꦂꦩꦸꦏꦤ꧀ꦝꦤ꧀ꦤꦤꦱꦸꦥꦪꦥꦝꦔ꧀ꦒꦮꦲꦥꦔꦤ꧀ꦱꦏꦸꦮꦠ꧀ꦠꦺ꧈​ꦢꦶꦒꦮꦩꦸꦭꦶꦃꦩꦼꦚꦁ​꧊ꦏꦺꦤꦲꦤ꧀꧉​

^45:18 ꦏꦺꦴꦤ꧀ꦤꦼꦤ꧀ꦩ꧀ꦧꦺꦴꦪꦺꦴꦁꦧꦥꦏ꧀ꦤꦺꦭꦤ꧀ꦧꦿꦪꦠ꧀ꦧꦿꦪꦠ꧀ꦠꦺꦩꦿꦺꦤꦺ꧉​ꦧꦏꦭ꧀ꦢꦏ꧀ꦮꦺꦤꦺꦃꦲꦶꦥꦊꦩꦃꦲꦤ꧀ꦱꦶꦁꦲꦥꦶꦏ꧀ꦝꦺꦮꦺꦱꦠꦤꦃ​꧊ꦩꦺꦱꦶꦂ꧈​ꦱꦸꦥꦪꦥꦝꦧꦶꦱꦲꦸꦫꦶꦥ꧀ꦱꦂꦮꦏꦼꦕꦸꦏꦸꦥ꧀ꦥꦤ꧀ꦱꦏꦥꦩꦼꦠꦸꦤꦺꦊꦩꦃꦩꦲꦸ꧉​

^45:19 ꦱꦼꦢꦸꦭꦸꦂꦱꦼꦢꦸꦭꦸꦂꦩꦸꦏꦤ꧀ꦝꦤ꧀ꦤꦤ:ꦪꦺꦤ꧀ꦩꦼꦛꦸꦏ꧀ꦧꦥꦏ꧀ꦤꦺꦭꦤ꧀ꦧꦿꦪꦠ꧀ꦠꦺꦱꦸꦥꦪꦱꦏꦏꦺꦤꦺꦔ꧀ꦒꦮꦏꦿꦺꦠ꧈​ꦏꦉꦧꦺꦤ꧀ꦢꦶꦠꦸꦩ꧀ꦥꦏ꧀ꦏꦶꦮꦺꦴꦁꦮꦺꦴꦁꦮꦢꦺꦴꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦱꦶꦁꦲꦶꦱꦶꦃꦕꦶꦭꦶꦏ꧀꧉​

^45:20 ꦲꦺꦴꦫꦱꦸꦱꦃꦥꦝꦲꦺꦴꦮꦼꦭ꧀ꦤꦶꦁꦒꦭ꧀ꦧꦫꦁꦧꦫꦁꦔꦺꦱꦶꦁꦲꦺꦴꦫꦏꦼꦒꦮ꧈​ꦩꦼꦂꦒꦲꦤꦲꦶꦁꦏꦺꦤꦺꦧꦏꦭ꧀ꦥꦝꦢꦶꦕꦼꦥꦏ꧀ꦏꦶꦧꦫꦁꦱꦶꦁꦲꦥꦶꦏ꧀ꦝꦺꦮꦺꦲꦶꦁꦱꦠꦤꦃ​꧊ꦩꦺꦱꦶꦂ꧉"​

^45:21 ꦲꦤꦏ꧀ꦲꦤꦏ꧀ꦏꦺ​꧊ꦪꦏꦸꦧ꧀ꦔ꧀ꦭꦏꦺꦴꦤ꧀ꦤꦶꦲꦥꦱꦶꦁꦢꦶꦝꦮꦸꦃꦲꦏꦺꦩꦲꦸ꧉​​꧊ꦪꦸꦱꦸꦥ꦳꧀ꦲꦮꦺꦃꦏꦿꦺꦠ꧈​ꦏꦪꦱꦶꦁꦢꦶꦝꦮꦸꦃꦲꦏꦺꦱꦁꦥꦿꦶꦔꦺꦴꦤ꧀꧈​ꦏꦫꦺꦴꦥꦔꦤ꧀ꦏꦁꦒꦺꦴꦱꦔꦸꦲꦤꦲꦶꦁꦢꦭꦤ꧀꧉​

^45:22 ꦥꦫꦱꦼꦢꦸꦭꦸꦂꦫꦺꦢꦶꦮꦺꦤꦺꦃꦲꦶꦥꦼꦔꦁꦒꦺꦴꦲꦚꦂꦱꦱꦼꦠꦺꦭ꧀ꦱꦱꦼꦠꦺꦭ꧀꧈​ꦤꦁꦔꦶꦁ​꧊ꦧꦺꦚꦩꦶꦤ꧀ꦢꦶꦮꦺꦤꦺꦃꦲꦶꦠꦼꦭꦸꦁꦱꦼꦠꦺꦭ꧀ꦭꦤ꧀ꦝꦸꦮꦶꦠ꧀ꦱ꧀ꦭꦏꦠꦼꦭꦸꦁꦲꦠꦸꦱ꧀꧉​

^45:23 ꦧꦥꦏ꧀ꦤꦺꦢꦶꦏꦶꦫꦶꦩ꧀ꦩꦶꦧꦫꦁꦧꦫꦁꦱꦶꦁꦲꦥꦶꦏ꧀ꦝꦺꦮꦺꦱꦠꦤꦃ​꧊ꦩꦺꦱꦶꦂ꧈​ꦢꦶꦩꦺꦴꦩꦺꦴꦠ꧀ꦠꦏꦺꦏꦸꦭ꧀ꦢꦶꦱꦼꦥꦸꦭꦸꦃꦲꦶꦗꦶ꧉​ꦏꦸꦭ꧀ꦢꦶꦱꦼꦥꦸꦭꦸꦃꦭꦶꦪꦤꦺꦢꦶꦩꦺꦴꦩꦺꦴꦠ꧀ꦠꦶꦒꦤ꧀ꦢꦸꦩ꧀꧈​ꦫꦺꦴꦠꦶꦭꦤ꧀ꦥꦔꦤ꧀ꦤꦤ꧀ꦭꦶꦪꦭꦶꦪꦤꦺꦏꦁꦒꦺꦴꦱꦔꦸꦲꦤꦲꦶꦁꦢꦭꦤ꧀ꦪꦺꦤ꧀ꦩ꧀ꦧꦺꦱꦸꦏ꧀ꦭꦸꦔꦩꦼꦚꦁ​꧊ꦩꦺꦱꦶꦂ꧉​

^45:24 ​꧊ꦪꦸꦱꦸꦥ꦳꧀ꦧꦚ꧀ꦗꦸꦂꦔꦸꦤ꧀ꦠꦥ꧀ꦥꦏꦺꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦧꦸꦝꦭ꧀꧈​ꦭꦤ꧀ꦤꦭꦶꦏꦩꦁꦏꦠ꧀ꦥꦝꦢꦶꦮꦼꦭꦶꦁ꧈​ꦱꦸꦥꦪꦲꦤꦲꦶꦁꦢꦭꦤ꧀ꦲꦗꦥꦝꦠꦸꦠꦸꦃꦠꦶꦤꦸꦠꦸꦃ꧉​

^45:25 ꦩꦼꦁꦏꦺꦴꦤꦺꦴꦲꦼꦁꦒꦺꦴꦤꦺꦥꦝꦩ꧀ꦭꦏꦸꦱꦏꦠꦤꦃ​꧊ꦩꦺꦱꦶꦂꦩꦸꦭꦶꦃꦩꦼꦚꦁ​꧊ꦏꦺꦤꦲꦤ꧀꧈​ꦏꦼꦠꦼꦩꦸꦏꦫꦺꦴ​꧊ꦪꦏꦸꦧ꧀꧈​ꦧꦥꦏ꧀ꦤꦺ꧉​

^45:26 ​꧊ꦪꦏꦸꦧ꧀ꦢꦶꦕꦿꦶꦠꦤꦶ꧈​"ꦥꦏ꧀꧈​​꧊ꦪꦸꦱꦸꦥ꦳꧀ꦗꦼꦧꦸꦭ꧀ꦠꦏ꧀ꦱꦶꦃꦒꦼꦱꦁ꧉​ꦱꦩꦼꦤꦶꦏꦚꦼꦥꦼꦁꦥꦔ꧀ꦮꦲꦺꦴꦱ꧀ꦱꦤꦼꦒꦫꦶ​꧊ꦩꦺꦱꦶꦂ!"ꦏꦿꦸꦔꦸꦱꦶꦁꦩꦼꦁꦏꦺꦴꦤꦺꦴꦩꦲꦸ​꧊ꦪꦏꦸꦧ꧀ꦫꦱꦤꦺꦏꦪꦢꦶꦱꦩ꧀ꦧꦼꦂꦧ꧀ꦭꦼꦝꦺꦒ꧀꧈​ꦭꦤ꧀ꦲꦺꦴꦫꦔꦤ꧀ꦢꦼꦭ꧀ꦧꦧꦂꦥꦶꦱꦤ꧀꧉​ꦭꦒꦶꦔꦤ꧀ꦢꦼꦭ꧀ꦠꦼꦩꦼꦤ꧀ꦤꦤ꧀ꦧꦉꦁꦥꦝꦚꦿꦶꦠꦏ꧀ꦏꦏꦺꦏꦧꦺꦃꦱꦶꦁꦢꦶꦮꦼꦭꦶꦁꦔꦏꦺ​꧊ꦪꦸꦱꦸꦥ꦳꧀ꦭꦤ꧀ꦮꦼꦫꦸꦃꦏꦿꦺꦠꦱꦶꦁꦏꦁꦒꦺꦴꦩꦼꦛꦸꦏ꧀ꦧꦥꦏ꧀ꦤꦺꦱꦩꦁꦱꦩꦼꦚꦁ​꧊ꦩꦺꦱꦶꦂ꧉​

^45:27 ​꧊ꦪꦏꦸꦧ꧀ꦭꦒꦶꦔꦤ꧀ꦢꦼꦭ꧀ꦠꦼꦩꦼꦤ꧀ꦤꦤ꧀ꦧꦉꦁꦥꦝꦚꦿꦶꦠꦏ꧀ꦏꦏꦺꦏꦧꦺꦃꦱꦶꦁꦢꦶꦮꦼꦭꦶꦁꦔꦏꦺ​꧊ꦪꦸꦱꦸꦥ꦳꧀ꦭꦤ꧀ꦮꦼꦫꦸꦃꦏꦿꦺꦠꦱꦶꦁꦏꦁꦒꦺꦴꦩꦼꦛꦸꦏ꧀ꦧꦥꦏ꧀ꦤꦺꦱꦩꦁꦱꦩꦼꦚꦁ​꧊ꦩꦺꦱꦶꦂ꧉​

^45:28 ꦕ꧀ꦭꦛꦸꦤꦺ​꧊ꦪꦏꦸꦧ꧀꧈​"ꦢꦢꦶ꧈​ꦲꦤꦏ꧀ꦏꦸ​꧊ꦪꦸꦱꦸꦥ꦳꧀ꦲꦶꦱꦶꦃꦲꦸꦫꦶꦥ꧀!ꦪꦺꦤ꧀ꦩꦼꦁꦏꦺꦴꦤꦺꦴꦮꦶꦱ꧀ꦊꦒꦲꦠꦶꦏꦸ꧉​ꦲꦏꦸꦏꦼꦥꦺꦔꦶꦤ꧀ꦮꦼꦫꦸꦃꦩꦸꦩ꧀ꦥꦸꦁꦲꦏꦸꦲꦶꦱꦶꦃꦲꦸꦫꦶꦥ꧀!"