Jv/Alkitab/Purwaning Dumadi/15

From Wikisource
Jump to navigation Jump to search

15:1 ꦱꦮꦶꦱ꧀ꦱꦺꦊꦭꦏꦺꦴꦤ꧀ꦩꦲꦸ꧈​ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦄꦧꦿꦩ꧀ꦱꦗꦿꦺꦴꦤꦶꦁꦮꦲꦾꦸꦩꦼꦁꦏꦺꦤꦺ꧈​"​꧊ꦄꦧꦿꦩ꧀꧈​ꦏꦺꦴꦮꦺꦲꦗꦮꦼꦢꦶ꧉​ꦲꦏꦸꦲꦶꦏꦶꦠꦼꦠꦩꦺꦁꦩꦸ꧈​ꦏꦁꦧꦏꦭ꧀ꦩꦫꦶꦁꦔꦶꦒꦚ꧀ꦗꦂꦫꦤ꧀ꦒꦼꦝꦺꦩꦫꦁꦏꦺꦴꦮꦺ꧉"​
15:2 ꦤꦁꦔꦶꦁ​꧊ꦄꦧꦿꦩ꧀ꦩꦠꦸꦂ꧈​"ꦝꦸꦃꦄꦭ꧀ꦭꦃ!ꦩꦼꦤꦥꦒꦶꦤꦤꦶꦥꦸꦤ꧀ꦥꦼꦥꦫꦶꦁꦩꦼꦤꦶꦏꦏꦁꦒꦺꦏꦸꦭ;ꦏꦸꦭꦫꦏ꧀ꦩ꧀ꦧꦺꦴꦠꦼꦤ꧀ꦒꦝꦃꦲꦤꦏ꧀꧉​ꦲꦶꦁꦏꦁꦧꦝꦺꦩꦫꦶꦱ꧀ꦱꦶꦒꦿꦶꦪꦏꦸꦭꦱꦲꦶꦱꦶꦤꦶꦥꦸꦤ꧀ꦩꦼꦤꦶꦏꦥꦸꦤ꧀​꧊ꦌꦭꦶꦪꦺꦗ꦳ꦺꦂ꧈​ꦫꦺꦚ꧀ꦕꦁꦏꦸꦭ꧈​ꦠꦶꦪꦁ​꧊ꦢꦩ꧀ꦱꦾꦶꦏ꧀꧉"​
15:3 ꦱꦂꦠꦲꦸꦚ꧀ꦗꦸꦏ꧀ꦏꦺꦩꦼꦤꦺꦃ꧈​"ꦱꦫꦺꦃꦤꦺꦒꦸꦱ꧀ꦠꦶꦩ꧀ꦧꦺꦴꦠꦼꦤ꧀ꦩꦫꦶꦁꦔꦶꦲꦤꦏ꧀ꦝꦠꦼꦁꦏꦸꦭ꧈​ꦩꦶꦭꦫꦺꦚ꧀ꦕꦁꦏꦸꦭꦲꦶꦁꦏꦁꦧꦝꦺꦩꦫꦶꦱ꧀ꦱꦶꦱꦼꦢꦪꦧꦫꦁꦒꦝꦃꦲꦤ꧀ꦏꦸꦭ꧉"​
15:4 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦔꦤ꧀ꦢꦶꦏꦩꦫꦁ​꧊ꦄꦧꦿꦩ꧀꧈​"ꦢꦸꦢꦸꦧꦠꦸꦂꦩꦸ​꧊ꦌꦭꦶꦪꦺꦗ꦳ꦺꦂꦏꦁꦧꦏꦭ꧀ꦩꦫꦶꦱ꧀ꦱꦶꦧꦫꦁꦢꦂꦧꦺꦏ꧀ꦩꦸ꧈​ꦤꦁꦔꦶꦁꦲꦤꦏ꧀ꦩꦸꦭꦤꦁꦝꦺꦮꦺ꧉"​
15:5 ​꧊ꦄꦧꦿꦩ꧀ꦤꦸꦭꦶꦢꦶꦠꦸꦤ꧀ꦠꦸꦤ꧀ꦩꦼꦚꦁꦲꦶꦁꦚ꧀ꦗꦧꦱꦂꦠꦢꦶꦔꦤ꧀ꦢꦶꦏꦤꦶ꧈​"ꦢꦼꦊꦁꦔꦼꦤ꧀ꦭꦔꦶꦠ꧀ꦏꦸꦮꦶ꧈​ꦲꦶꦠꦸꦁꦔꦼꦤ꧀ꦭꦶꦤ꧀ꦠꦁꦔꦺꦪꦺꦤ꧀ꦏꦺꦴꦮꦺꦧꦶꦱ꧉​ꦲꦶꦪꦱꦼꦩꦺꦴꦤꦺꦴꦧꦏꦭ꧀ꦕꦕꦃꦲꦺꦠꦸꦫꦸꦤ꧀ꦩꦸ!"
15:6 ​꧊ꦄꦧꦿꦩ꧀ꦔꦤ꧀ꦢꦼꦭ꧀ꦪꦺꦤ꧀ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦲꦸꦧꦏꦭ꧀ꦏꦼꦭꦏꦺꦴꦤ꧀ꦠꦼꦩꦼꦤ꧀ꦤꦤ꧀꧉​ꦩꦼꦂꦒꦱꦏꦥꦔꦤ꧀ꦢꦼꦭ꧀ꦭꦺꦩꦲꦸ​꧊ꦄꦧꦿꦩ꧀ꦏꦼꦥꦺꦠꦸꦁꦮꦺꦴꦁꦱꦶꦁꦧꦼꦤꦼꦂꦲꦤꦲꦶꦁꦔꦂꦱꦤꦺꦒꦸꦱ꧀ꦠꦶꦄꦭ꧀ꦭꦃ꧉​
15:7 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ​꧊ꦄꦧꦿꦩ꧀꧈​"ꦲꦏꦸꦲꦶꦏꦶꦄꦭ꧀ꦭꦃ꧈​ꦏꦁꦮꦶꦱ꧀ꦔꦶꦫꦶꦢ꧀ꦭꦏꦸꦩꦸꦱꦏ​꧊ꦈꦂ꧈​ꦲꦶꦁꦠꦤꦃ​꧊ꦧꦧꦶꦭꦺꦴꦤꦶꦪ꧉​ꦏꦺꦴꦮꦺꦲꦉꦥ꧀ꦢꦏ꧀ꦥꦫꦶꦁꦔꦶꦧꦸꦩꦶꦲꦶꦏꦶꦢꦢꦶꦪꦢꦸꦮꦺꦏ꧀ꦩꦸ꧉"​
15:8 ꦲꦸꦚ꧀ꦗꦸꦏ꧀ꦏꦺ​꧊ꦄꦧꦿꦩ꧀꧈​"ꦝꦸꦃꦄꦭ꧀ꦭꦃ꧈​ꦲꦶꦁꦏꦁꦩꦲꦭꦸꦲꦸꦂ꧉​ꦏꦢꦺꦴꦱ꧀ꦥꦸꦤ꧀ꦢꦶꦲꦼꦁꦒꦺꦤ꧀ꦏꦸꦭꦱꦸꦩꦼꦉꦥ꧀꧈​ꦧꦶꦭꦶꦃꦧꦸꦩꦶꦩꦼꦤꦶꦏꦲꦺꦱ꧀ꦠꦸꦧꦝꦺꦢꦢꦺꦴꦱ꧀ꦒꦝꦃꦲꦤ꧀ꦏꦸꦭ?"
15:9 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦝꦮꦸꦃ꧈​"ꦲꦏꦸꦗꦸꦥꦸꦏ꧀ꦤꦱꦥꦶꦮꦢꦺꦴꦤ꧀ꦏꦁꦲꦸꦩꦸꦂꦠꦼꦭꦸꦁꦠꦲꦸꦤ꧀꧈​ꦮꦼꦝꦸꦱ꧀ꦗꦮꦮꦢꦺꦴꦤ꧀ꦏꦁꦲꦸꦩꦸꦂꦠꦼꦭꦸꦁꦠꦲꦸꦤ꧀꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦏꦁꦲꦸꦩꦸꦂꦠꦼꦭꦸꦁꦠꦲꦸꦤ꧀꧈​ꦩꦤꦸꦏ꧀ꦢꦽꦏꦸꦏꦸꦱꦶꦗꦶꦭꦤ꧀ꦥꦶꦪꦶꦏ꧀ꦢꦫꦱꦶꦗꦶ꧉"​
15:10 ​꧊ꦄꦧꦿꦩ꧀ꦔ꧀ꦭꦢꦺꦏ꧀ꦏꦏꦺꦏꦺꦮꦤ꧀ꦏꦺꦮꦤ꧀ꦩꦲꦸꦏꦧꦺꦃ꧈​ꦱꦂꦠꦥꦝꦢꦶꦱꦶꦒꦂꦫꦶ꧈​ꦱꦶꦒꦂꦫꦤ꧀ꦤꦺꦏꦺꦮꦤ꧀ꦱꦶꦗꦶꦱꦶꦗꦶꦤꦺꦢꦶꦱꦺꦭꦺꦃꦲꦏꦺꦲꦢꦸꦲꦉꦥ꧀꧈​ꦩꦸꦁꦩꦤꦸꦏ꧀ꦏꦺꦏꦁꦲꦺꦴꦫꦢꦶꦱꦶꦒꦂ꧉​
15:11 ꦤꦭꦶꦏꦩꦤꦸꦏ꧀ꦒꦒꦏ꧀ꦥꦝꦚꦩ꧀ꦧꦼꦂꦲꦉꦥ꧀ꦩꦁꦔꦤ꧀ꦢꦒꦶꦁꦔꦺꦏꦺꦮꦤ꧀ꦏꦺꦮꦤ꧀ꦩꦲꦸ꧈​ꦧꦚ꧀ꦗꦸꦂꦢꦶꦒꦸꦱꦃꦲꦶꦢꦺꦤꦶꦁ​꧊ꦄꦧꦿꦩ꧀꧉​
15:12 ꦧꦉꦁꦔꦉꦥ꧀ꦥꦏꦺꦱꦸꦫꦸꦥ꧀꧈​​꧊ꦄꦧꦿꦩ꧀ꦏꦼꦠꦸꦫꦺꦴꦤ꧀ꦔꦤ꧀ꦠꦶꦥꦸꦊꦱ꧀꧉​ꦢꦸꦩꦢꦏ꧀ꦏꦤ꧀ꦏꦼꦠꦩꦤ꧀ꦫꦱꦮꦼꦢꦶꦭꦤ꧀ꦒꦶꦫꦶꦱ꧀ꦧꦔꦼꦠ꧀꧉​
15:13 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦄꦧꦿꦩ꧀꧈​"ꦠꦸꦫꦸꦤ꧀ꦩꦸꦧꦏꦭ꧀ꦢꦢꦶꦮꦺꦴꦁꦤꦼꦤꦼꦏꦲꦤꦲꦶꦁꦠꦤꦃꦏꦁꦢꦸꦢꦸꦢꦸꦮꦺꦏ꧀ꦏꦺ꧈​ꦱꦂꦠꦧꦏꦭ꧀ꦥꦝꦢꦢꦶꦧꦠꦸꦂꦭꦤ꧀ꦢꦶꦠꦶꦤ꧀ꦝꦼꦱ꧀ꦔꦤ꧀ꦠꦶꦥꦠꦁꦲꦠꦸꦱ꧀ꦠꦲꦸꦤ꧀ꦭꦮꦱ꧀ꦱꦺ꧉​
15:14 ꦤꦁꦔꦶꦁꦧꦁꦱꦏꦁꦥꦝꦢꦶꦏꦮꦸꦭꦤꦶꦩꦲꦸꦧꦏꦭ꧀ꦢꦏ꧀ꦲꦸꦏꦸꦩ꧀꧈​ꦭꦤ꧀ꦠꦸꦫꦸꦤ꧀ꦩꦸꦧꦏꦭ꧀ꦧꦸꦝꦭ꧀ꦱꦏꦲꦶꦁꦠꦤꦃꦏꦺꦴꦤꦺꦴꦏꦫꦺꦴꦔ꧀ꦒꦮꦧꦤ꧀ꦝꦲꦏꦺꦃ꧉​
15:15 ꦏꦺꦴꦮꦺꦝꦺꦮꦺꦧꦏꦭ꧀ꦢꦮꦲꦸꦩꦸꦂꦩꦸ꧈​ꦭꦤ꧀ꦧꦏꦭ꧀ꦩꦠꦶꦏ꧀ꦭꦮꦤ꧀ꦠꦼꦤ꧀ꦠꦽꦩ꧀ꦫꦲꦪꦸ꧈​ꦧꦚ꧀ꦗꦸꦂꦏꦏꦸꦧꦸꦂ꧉​
15:16 ꦱꦮꦶꦱ꧀ꦱꦺꦥꦠꦁꦠꦸꦫꦸꦤ꧀ꦤꦤ꧀ꦲꦤꦏ꧀ꦠꦸꦫꦸꦤ꧀ꦩꦸꦭꦒꦶꦧꦏꦭ꧀ꦧꦭꦶꦩꦿꦺꦤꦺ꧈​ꦩꦼꦂꦒꦲꦏꦸꦲꦺꦴꦫꦲꦉꦥ꧀ꦤꦸꦤ꧀ꦝꦸꦁꦮꦺꦴꦁ​꧊ꦄꦩꦺꦴꦫꦶ꧈​ꦏꦁꦔꦼꦁꦒꦺꦴꦤ꧀ꦤꦶꦠꦤꦃꦲꦶꦏꦶ꧈​ꦱꦢꦸꦫꦸꦁꦔꦺꦢꦺꦴꦱꦤꦺꦏꦠꦺꦴꦒ꧀꧉"​ꦧꦉꦁꦮꦶꦱ꧀ꦮꦼꦔꦶꦭꦤ꧀ꦥꦼꦠꦼꦁꦤ꧀ꦝꦼꦝꦼꦠ꧀꧈​ꦢꦸꦩꦢꦏ꧀ꦏꦤ꧀ꦏꦠꦺꦴꦤ꧀ꦲꦤꦲꦔ꧀ꦭꦺꦴꦏꦸꦩꦼꦭꦸꦤ꧀ꦭꦤ꧀ꦲꦺꦴꦧꦺꦴꦂꦩꦸꦫꦸꦧ꧀ꦩ꧀ꦭꦏꦸꦩꦼꦠꦸꦲꦤ꧀ꦠꦫꦤꦺꦱꦶꦒꦫꦤ꧀ꦱꦶꦒꦫꦤ꧀ꦏꦺꦮꦤ꧀ꦩꦲꦸ꧉​
15:17 ꦏꦼꦕꦿꦶꦠꦧꦉꦁꦮꦶꦱ꧀ꦮꦼꦔꦶꦭꦤ꧀ꦥꦼꦠꦼꦁꦤ꧀ꦝꦼꦝꦼꦠ꧀꧈​ꦢꦸꦩꦢꦏ꧀ꦏꦤ꧀ꦏꦠꦺꦴꦤ꧀ꦲꦤꦲꦔ꧀ꦭꦺꦴꦏꦸꦩꦼꦭꦸꦤ꧀ꦭꦤ꧀ꦲꦺꦴꦧꦺꦴꦂꦩꦸꦫꦸꦧ꧀ꦩ꧀ꦭꦏꦸꦩꦼꦠꦸꦲꦤ꧀ꦠꦫꦤꦺꦱꦶꦒꦫꦤ꧀ꦱꦶꦒꦫꦤ꧀ꦏꦺꦮꦤ꧀ꦩꦲꦸ꧉​
15:18 ꦲꦶꦁꦮꦼꦏ꧀ꦠꦸꦲꦶꦏꦸꦲꦸꦒꦒꦸꦱ꧀ꦠꦶꦄꦭ꧀ꦭꦃꦢꦩꦼꦭ꧀ꦥꦽꦗꦚ꧀ꦗꦶꦪꦤ꧀ꦏꦫꦺꦴ​꧊ꦄꦧꦿꦩ꧀꧈​ꦥꦔꦤ꧀ꦢꦶꦏꦤꦺ꧈​"ꦠꦸꦫꦸꦤ꧀ꦩꦸꦧꦏꦭ꧀ꦢꦏ꧀ꦥꦫꦶꦁꦔꦶꦠꦤꦃꦲꦶꦏꦶ꧈​ꦮꦶꦮꦶꦠ꧀ꦱꦏꦠꦥꦼꦭ꧀ꦮꦠꦼꦱ꧀ꦱꦺꦠꦤꦃ​꧊ꦩꦺꦱꦶꦂꦔꦤ꧀ꦠꦶꦠꦼꦏꦤ꧀ꦧꦼꦔꦮꦤ꧀​꧊ꦌꦥ꦳ꦿꦠ꧀꧈​
15:19 ꦪꦏꦸꦮꦶꦠꦤꦃꦲꦺꦧꦁꦱ​꧊ꦏꦺꦤꦶ꧈​ꦧꦁꦱ​꧊ꦏꦺꦤꦱ꧀꧈​ꦧꦁꦱ​꧊ꦏꦢ꧀ꦩꦺꦴꦤ꧀꧈​
15:20 ꦧꦁꦱ​꧊ꦲꦺꦠ꧀꧈​ꦧꦁꦱ​꧊ꦫꦺꦥ꦳ꦲꦶꦩ꧀꧈​
15:21 ꦧꦁꦱ​꧊ꦄꦩꦺꦴꦫꦶ꧈​ꦧꦁꦱ​꧊ꦏꦺꦤꦲꦤ꧀꧈​ꦧꦁꦱ​꧊ꦒꦶꦂꦒꦱꦶꦭꦤ꧀ꦧꦁꦱ​꧊ꦪꦺꦧꦸꦱ꧀꧉"​