Jv/Alkitab/Purwaning Dumadi/11

^11:1 ꦧꦶꦪꦺꦤ꧀ꦧꦶꦪꦺꦤ꧀ꦤꦺꦧꦁꦱꦧꦁꦱꦲꦶꦁꦱꦭꦸꦩꦃꦲꦺꦧꦸꦩꦶꦏꦸꦮꦶꦧꦱꦤꦺꦩꦸꦁꦱꦶꦗꦶꦭꦤ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦔꦺꦥꦝ꧉​

^11:2 ꦏꦼꦕꦿꦶꦠꦤꦭꦶꦏꦥꦝꦔ꧀ꦭꦼꦩ꧀ꦧꦂꦫꦩꦼꦔꦺꦠ꧀ꦠꦤ꧀꧈​ꦤꦸꦭꦶꦥꦝꦠꦼꦏꦤ꧀ꦥꦁꦒꦺꦴꦤ꧀ꦤꦤ꧀ꦊꦩ꧀ꦥꦂꦲꦶꦁꦠꦤꦃ​꧊ꦧꦧꦶꦭꦺꦴꦤꦶꦪ꧈​ꦧꦚ꧀ꦗꦸꦂꦥꦝꦩꦁꦒꦺꦴꦤ꧀ꦲꦤꦲꦶꦁꦏꦺꦴꦤꦺꦴ꧉​

^11:3 ꦮꦺꦴꦁꦮꦺꦴꦁꦩꦲꦸꦥꦝꦱꦲꦶꦪꦼꦒ꧀ꦏꦤ꧀ꦝꦩꦼꦁꦏꦺꦤꦺ꧈​"ꦲꦪꦺꦴꦥꦝꦒꦮꦺꦧꦠꦭꦤ꧀ꦢꦶꦲꦺꦴꦧꦺꦴꦁꦏꦉꦧꦺꦤ꧀ꦲꦠꦺꦴꦱ꧀꧉"​ꦧꦠꦤꦺꦢꦶꦲꦼꦁꦒꦺꦴꦩ꧀ꦧꦔꦸꦤ꧀꧈​ꦢꦺꦤꦺꦱꦶꦁꦢꦶꦲꦼꦁꦒꦺꦴꦔ꧀ꦭꦺꦥꦠꦶꦂꦏꦼꦤ꧀ꦛꦼꦭ꧀꧉​

^11:4 ꦏꦤ꧀ꦝꦤꦺꦩꦼꦤꦺꦃ꧈​"ꦲꦪꦺꦴꦱꦲꦶꦏꦶꦏꦶꦠꦥꦝꦩ꧀ꦧꦔꦸꦤ꧀ꦏꦸꦛꦔꦁꦒꦺꦴꦩꦼꦤꦫꦱꦶꦁꦝꦸꦮꦸꦂꦫꦺꦱꦸꦤ꧀ꦝꦸꦭ꧀ꦭꦔꦶꦠ꧀꧉​ꦩꦼꦁꦏꦺꦴꦏꦶꦠꦫꦏ꧀ꦢꦢꦶꦮꦺꦴꦁꦩꦶꦱꦸꦮꦸꦂ꧈​ꦭꦤ꧀ꦲꦺꦴꦫꦥꦝꦥꦠꦶꦁꦱ꧀ꦭꦼꦧꦂ꧉"​

^11:5 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦠꦼꦝꦏ꧀ꦩꦶꦂꦱꦤꦶꦏꦸꦛꦭꦤ꧀ꦩꦼꦤꦫꦱꦶꦁꦭꦒꦶꦢꦶꦒꦫꦥ꧀ꦮꦺꦴꦁꦮꦺꦴꦁꦩꦲꦸ꧈​

^11:6 ꦥꦔꦤ꧀ꦢꦶꦏꦤꦺ꧈​"ꦮꦺꦴꦁꦮꦺꦴꦁꦲꦶꦏꦶꦥꦝꦠꦸꦁꦒꦭ꧀ꦧꦁꦱꦭꦤ꧀ꦠꦸꦁꦒꦭ꧀ꦧꦱ꧉​ꦩꦁꦏꦲꦶꦏꦶꦭꦒꦶꦮꦶꦮꦶꦠ꧀ꦠꦤ꧀ꦤꦶꦁꦫꦺꦏꦫꦺꦏꦤꦺ꧉​ꦱꦸꦮꦺꦱꦸꦮꦺꦫꦏ꧀ꦲꦺꦴꦫꦏꦼꦤꦢꦶꦥꦼꦁꦒꦏ꧀ꦏꦉꦥ꧀ꦥꦺ꧉​

^11:7 ꦩꦸꦭꦲꦪꦺꦴꦥꦝꦢꦶꦏꦶꦱꦿꦸꦃꦲꦏꦺꦧꦱꦤꦺ꧈​ꦱꦸꦥꦪꦱꦶꦗꦶꦭꦤ꧀ꦱꦶꦗꦶꦤꦺꦥꦝꦢꦺꦤꦺꦲꦺꦴꦫꦔꦼꦂꦠꦶꦏꦉꦥ꧀ꦥꦺ꧉"​

^11:8 ꦩꦼꦁꦏꦺꦴꦤꦺꦴꦲꦼꦁꦒꦺꦴꦤꦺꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦸꦪꦂꦫꦏꦺꦮꦺꦴꦁꦮꦺꦴꦁꦩꦲꦸꦱꦏꦲꦶꦁꦏꦺꦴꦤꦺꦴꦩꦼꦚꦁꦱꦭꦸꦩꦃꦲꦺꦧꦸꦩꦶ꧈​ꦔꦤ꧀ꦠꦶꦮꦸꦫꦸꦁꦲꦼꦁꦒꦺꦴꦤꦺꦔꦼꦢꦼꦒꦏꦺꦏꦸꦛ꧉​

^11:9 ꦩꦸꦭꦤꦺꦏꦸꦛꦩꦲꦸꦢꦶꦲꦫꦤ꧀ꦤꦶ​꧊ꦧꦧꦶꦭ꧀꧈​ꦩꦼꦂꦒꦲꦤꦲꦶꦁꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦔꦶꦱꦿꦸꦃꦲꦏꦺꦧꦱꦤꦺꦮꦺꦴꦁꦱꦶꦁꦥꦝꦩꦁꦒꦺꦴꦤ꧀ꦲꦤꦲꦶꦁꦧꦸꦩꦶ꧈​ꦭꦤ꧀ꦱꦏꦲꦶꦁꦏꦺꦴꦤꦺꦴꦢꦶꦧꦸꦪꦂꦫꦏꦺꦠꦼꦏꦤ꧀ꦔꦼꦤ꧀ꦢꦶꦲꦼꦤ꧀ꦢꦶ꧉​

^11:10 ꦲꦶꦏꦶꦠꦼꦝꦏ꧀ꦠꦸꦫꦸꦤꦺ​꧊ꦱꦺꦩ꧀꧉​ꦫꦺꦴꦁꦠꦲꦸꦤ꧀ꦱꦮꦶꦱ꧀ꦱꦺꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀꧈​ꦤꦭꦶꦏ​꧊ꦱꦺꦩ꧀ꦲꦸꦩꦸꦂ100ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦄꦂꦥꦏ꧀ꦱꦢ꧀꧉​

^11:11 ꦱꦮꦶꦱ꧀ꦱꦺꦏꦸꦮꦶ​꧊ꦱꦺꦩ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ500ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:12 ꦤꦭꦶꦏ​꧊ꦄꦂꦥꦏ꧀ꦱꦢ꧀ꦲꦸꦩꦸꦂ35ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦱꦺꦭꦃ꧉​

^11:13 ꦱꦮꦶꦱ꧀ꦱꦺꦏꦸꦮꦶ​꧊ꦄꦂꦥꦏ꧀ꦱꦢ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ403ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:14 ꦤꦭꦶꦏ​꧊ꦱꦺꦭꦃꦲꦸꦩꦸꦂ30ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦌꦧꦺꦂ꧉​

^11:15 ꦱꦮꦶꦱ꧀ꦱꦺꦏꦸꦮꦶ​꧊ꦱꦺꦭꦃꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ403ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:16 ꦤꦭꦶꦏ​꧊ꦌꦧꦺꦂꦲꦸꦩꦸꦂ34ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦥꦺꦭꦺꦒ꧀꧉​

^11:17 ꦱꦮꦶꦱ꧀ꦱꦺꦏꦸꦮꦶ​꧊ꦌꦧꦺꦂꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ430ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:18 ꦤꦭꦶꦏ​꧊ꦥꦺꦭꦺꦒ꧀ꦲꦸꦩꦸꦂ30ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦫꦺꦲꦸ꧉​

^11:19 ꦱꦮꦶꦱ꧀ꦱꦺꦏꦸꦮꦶ​꧊ꦥꦺꦭꦺꦒ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ209ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:20 ꦤꦭꦶꦏ​꧊ꦫꦺꦲꦸꦲꦸꦩꦸꦂ32ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦱꦺꦫꦸꦒ꧀꧉​

^11:21 ꦱꦮꦶꦱ꧀ꦱꦺꦏꦸꦮꦶ​꧊ꦫꦺꦲꦸꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ207ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:22 ꦤꦭꦶꦏ​꧊ꦱꦺꦫꦸꦒ꧀ꦲꦸꦩꦸꦂ30ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦤꦲꦺꦴꦂ꧉​

^11:23 ꦱꦮꦶꦱ꧀ꦱꦺꦏꦸꦮꦶ​꧊ꦱꦺꦫꦸꦒ꧀ꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ200ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:24 ꦤꦭꦶꦏ​꧊ꦤꦲꦺꦴꦂꦲꦸꦩꦸꦂ29ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁ꧈​ꦗꦼꦤꦼꦁꦔꦺ​꧊ꦠꦺꦫꦃ꧉​ꦏꦸꦮꦶ​꧊ꦤꦲꦺꦴꦂꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ119ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:25 ꦱꦮꦶꦱ꧀ꦱꦺꦏꦸꦮꦶ​꧊ꦤꦲꦺꦴꦂꦲꦶꦱꦶꦃꦏꦮꦸꦮꦸꦃꦲꦤ꧀ꦲꦸꦩꦸꦂ119ꦠꦲꦸꦤ꧀꧈​ꦭꦤ꧀ꦏꦥꦫꦶꦁꦔꦤ꧀ꦲꦤꦏ꧀ꦭꦶꦪꦭꦶꦪꦤꦺ꧉​

^11:26 ꦱꦮꦶꦱ꧀ꦱꦺ​꧊ꦠꦺꦫꦃꦲꦸꦩꦸꦂ70ꦠꦲꦸꦤ꧀꧈​ꦏꦥꦫꦶꦁꦔꦤ꧀ꦲꦤꦏ꧀ꦭꦤꦁꦠꦼꦭꦸ꧈​ꦪꦏꦸꦮꦶ​꧊ꦄꦧꦿꦩ꧀꧈​​꧊ꦤꦲꦺꦴꦂꦭꦤ꧀​꧊ꦲꦫꦤ꧀꧉​

^11:27 ꦲꦶꦏꦶꦠꦼꦝꦏ꧀ꦠꦸꦫꦸꦤꦺ​꧊ꦠꦺꦫꦃ:​꧊ꦠꦺꦫꦃꦢꦸꦮꦺꦲꦤꦏ꧀​꧊ꦄꦧꦿꦩ꧀꧈​​꧊ꦤꦲꦺꦴꦂꦭꦤ꧀​꧊ꦲꦫꦤ꧀꧉​​꧊ꦲꦫꦤ꧀ꦢꦸꦮꦺꦲꦤꦏ꧀ꦭꦤꦁ​꧊ꦭꦺꦴꦠ꧀꧉​

^11:28 ​꧊ꦲꦫꦤ꧀ꦩꦠꦶꦲꦶꦁꦏꦸꦛꦏꦼꦭꦲꦶꦂꦫꦤ꧀ꦤꦺ꧈​ꦪꦏꦸꦮꦶ​꧊ꦈꦂꦲꦶꦁꦠꦤꦃ​꧊ꦧꦧꦶꦭꦺꦴꦤꦶꦪ꧉​ꦤꦭꦶꦏꦱꦼꦩꦺꦴꦤꦺꦴꦧꦥꦏ꧀ꦤꦺꦲꦶꦱꦶꦃꦲꦸꦫꦶꦥ꧀꧉​

^11:29 ​꧊ꦄꦧꦿꦩ꧀ꦏꦮꦶꦤ꧀ꦏꦫꦺꦴ​꧊ꦱꦫꦲꦶ꧈​ꦭꦤ꧀​꧊ꦤꦲꦺꦴꦂꦏꦫꦺꦴ​꧊ꦩꦶꦭ꧀ꦏ꧈​ꦲꦤꦏ꧀ꦏꦺ​꧊ꦲꦫꦤ꧀꧉​​꧊ꦲꦫꦤ꧀ꦢꦸꦮꦺꦲꦤꦏ꧀ꦭꦤꦁꦭꦶꦪꦤꦺ꧈​ꦗꦼꦤꦼꦁꦔꦺ​꧊ꦪꦶꦱ꧀ꦏ꧉​

^11:30 ꦢꦺꦤꦺ​꧊ꦱꦫꦲꦶꦏꦸꦮꦶꦒꦧꦸꦒ꧀꧈​ꦲꦺꦴꦫꦢꦸꦮꦺꦲꦤꦏ꧀꧉​

^11:31 ​꧊ꦠꦺꦫꦃꦔꦗꦏ꧀​꧊ꦄꦧꦿꦩ꧀꧈​ꦲꦤꦏ꧀ꦏꦺ꧉​​꧊ꦭꦺꦴꦠ꧀꧈​ꦥꦸꦠꦸꦤꦺ꧈​ꦭꦤ꧀​꧊ꦱꦫꦲꦶ꧈​ꦩꦤ꧀ꦠꦸꦤꦺ꧈​ꦧꦺꦴꦗꦺꦴꦤꦺ​꧊ꦄꦧꦿꦩ꧀꧈​ꦭꦸꦔꦱꦏꦲꦶꦁꦏꦸꦛ​꧊ꦈꦂꦲꦶꦁꦠꦤꦃ​꧊ꦧꦧꦶꦭꦺꦴꦤꦶꦪ꧈​ꦩꦼꦚꦁꦠꦤꦃ​꧊ꦏꦺꦤꦲꦤ꧀꧉​ꦤꦁꦔꦶꦁꦧꦉꦁꦠꦼꦏꦤ꧀ꦲꦶꦁ​꧊ꦲꦫꦤ꧀꧈​ꦧꦚ꧀ꦗꦸꦂꦥꦝꦩꦁꦒꦺꦴꦤ꧀ꦲꦤꦲꦶꦁꦏꦺꦴꦤꦺꦴ꧉​

^11:32 ​꧊ꦠꦺꦫꦃꦩꦠꦶꦲꦤꦲꦶꦁ​꧊ꦲꦫꦤ꧀ꦏꦺꦴꦤꦺꦴ;ꦲꦸꦩꦸꦂꦫꦺ205ꦠꦲꦸꦤ꧀꧉​