Joglarets, petits Artús
Joglarets, petits Artús,
si vòls t'enjoglarisca
ni vòls sègre aquest us
dreit es qu'èu te'n garnisca :
non anar ton grat dejuns,5
que'lh fams cre quet delisca,
s'intrar pòts per pauc pertís,
bons manjars non gandisca,
qui que pòis t’escarnisca.
Artús, si t'es bons lo bròs,10
beu-ne a desmesura
e vir' als autres lo dòs
que non véjon l'onhtura ;
non triar ja pèl ni òs,
flamièr ni crosta dura,15
ni pan, ont raton fan cròs,
car per ratonadura
es fòls gartz cant endura.
Artús, ja non t'azirar
qui't laidís ni't descuscha,20
ni ja òs por non gitar,
dont cans après te’i cruscha ;
ni de gras brò non triar
pèl ni petita buscha,
car lo pèitz fai adamplar ;25
sol garde qu'òm no'i tuscha,
joglars emple la ruscha.
Una ren te vòlh mostrar,
joglarets, dont t’azesma :
que ja dejuns non anar30
ab ton grat en caresma ;
que'lh calors ab dejunar
art tot lo còr e blesma,
e ja brò non soanar
per òli ni per cresma,35
fòls es qui tròp s'elesma!
Tu ès joglarets novèls,
ongan non cre recepchas
draps entièrs envòuts de pèls,
ni es dont los soissepchas ;40
antz jairàs en tos drapèls
per angles e per grepchas,
pòis auràs doblièrs mantèls
semblants [que non] decepchas
cant Dèus volrà qu'erepchas.45