Jeu lasch encrescher
Jump to navigation
Jump to search
Jeu lasch encrescher
Carin vitget sill' amureivla spunda,
Pertgei has, o pertgei has bandischau
Il plaid romontsch dals vegls schi carezau,
La viarva clara, ferma e rodunda?
5O mira, culla sanguinusa unda
Han tes babuns quei plaid romontsch bugnau
E tes affons han freidamein scatschau
La hirundella dalla veglia grunda!
Pertgei extrader la canzun romontscha?
10Sa il gudogn canzuns bein remplazzar?
Freids rest' il cor en quella nova tschontscha.
Jeu lasch encrescher, less tei reclamar,
Car plaid romontsch pil qual miu cor ballontscha,
Jeu sai plidar, mo mai da cor cantar.
|
This work is in the public domain in countries where the copyright term is the author's life plus 70 years or less. See Copyright.
|