Janyna degmez

by Magtymguly Pyragy

Janyna degmez by Magtymguly Pyragy

JANYNA DEGMEZ

Eý, ýaranlar, bir bigaýrat ýigidiň,
Müň ýaman söz aýtsaň, janyna degmez;
Zynhar, düşmäň namartlaryň goluna,
Ger, öldürseň, nähak ganyna degmez.

Söz bilmeseň, bileniňi aýtmasaň,
Söz sözledip, söz aslyna ýetmeseň,
Ýaý çekeňde, dogry garap atmasaň,
Ol okuň nyşanyň ýanyna degmez.

Magtymguly, sözüň bilene sözdür,
Bilmegen adama gury owazdyr,
Gözel bar, müň tümen iýdirseň azdyr,
Gözel bardyr, iýen nanyna degmez.

---