Jahon suv yuzida erur chun hubob...
Jahon suv yuzida erur chun hubob,
Bas andin nechuk bo‘lgumiz bahrayob.
Binosi bo‘lub to‘rt ziddin aning,
Erur ishlari davr aro inqilob.
Bu zidlar tabaddul ayon aylabon,
Fitan joyi bo‘lmish jahoni xarob.
Birovni chu xushlikda ko‘rdi falak,
Hasad birla urg‘usi otashg‘a ob.
Etar javri birdek gar o‘lsun gado,
Var o‘lsun shahanshohi molik riqob.
Aning xushliqi barqdek tezrav,
G‘ami ham o‘tar misli zilli sahob.
Na iqbolidin shod o‘lub hush eli,
Sururi uchun qildilar fathi bob.
Na idboridin tanglik tortibon,
G‘ami ranjidin etdilar iztirob.
Chu ahvol mundog‘ esa, soqiyo,
Karam aylabon ol yuzingdin niqob.
Damadam labolab qilib jomni,
Izin uzmayin tut mayi la’li nob.
Bayoniy bo‘lub mast davron g‘amin
Unutsin yuzungni ko‘rub behijob.
|
This work is first published in Uzbekistan and is now in the public domain because its copyright protection has expired by virtue of the Law of the Republic of Uzbekistan on Copyright and Related Rights, enacted 2006, amended 2021. The work meets one of the following criteria:
|
|