Invocazion (Cresp)
Jump to navigation
Jump to search
Gaitan Cresp Legorin (1852-1913)
Invocazion
Legria s'cetta di noster papà
che in mezz al spiret fiacch di omen d'adess
no te fet alter che tiratt in là
scrusciada in d'on canton, fatt pussee a press.
Ven chì, da ascolt, ven fœura on momentin
dal camuscion, famm sentì la toa vos
che incanta, oh sì!, famm ved el tò faccin,
famm gustà i tò reson tant spiritos!
Sia bona, abbia on ciccin de compassion,
solleva el spiret de sti pover fiœu
instupidii sott a on'indigestion
de sugh de rav che ghe fan bev incœu!