In morte del Balestrieri

by Luigi Marliani

L’è mort el Balestreri. Oh, pover omm!
Emm pers ona gran bona compagnia;
e, quell eh’ è pesg, emm pers on galantomm
de quij che, al dì d’ incoeu, gh’ è carestia.

Cessa ghe giova a lu tucc quij bej tomm
milanes e toscan de poesia,
se no ghe resta, adess, olter eh’ el nomm,
e l’è in di sgrilf de quella brutti stria?

Guarda Milan, cossà t’ ee mai perduu!
Bona led e bon eoeur, scienza e vertù
hin con lu in sepoltura e stati sconduu.

Piangemm, che mai no piangeremm assee...
Ma lu, eh’ el se god e el sta lassù,
el ne ringrazia e poeù el ne rid adree.