In mort del sur segretari Largh e del sur curat Simonetta, Accademegh Trasformaa

From Wikisource
Jump to navigation Jump to search
In mort del sur segretari Largh e del sur curat Simonetta, Accademegh Trasformaa  (1750) 
by Carl'Antonio Tanzi

In mort del sur segretari Largh e del sur curat Simonetta, Accademegh Trasformaa

La gran Caterinin di costajœur
per fà, come la fa, d'ogni erba on fass:
se la seguita inscì, franca la vœur
trà in manch de quella i Trasformaa in sconquass.
L'è ona man d'agn che la ne dà talœur
terribel; che ne manden a patrass;
via vunna e l'oltra, e adess de fresch costee
l'ha faa el dianzen cont i pe dedree.

[...]