Il voli di chest mond
| Il voli di chest mond by |
| Prosis Furlanis |
IL VOLI DI CHEST MOND[edit]
Cuanche il Signôr insiemit cun San Pieri al leve pal mond, une matine in sul cricâ dal dì a passavin su di un puint. Un cercandul, vieli e pecotôs, cui vôj bas e cun tante di corone in man, al steve li impostât e, plen di devozion, al tirave jù paternostris e avemariis.
J dè di voli San Pieri e, plen di rispiet, al ghavâ il chapiel; ma il Signòr vie pe sò strade cence contàlu, éhaland di un'altre bande.
Cuanch'a forin in te vile, s'intoparin int'une sdrume di
fantats ch'a Chantavin vilotis sot di une fignestre. Cui veve in
boche il Sivilot di scusse, cui ucave, cui saltave.
San Pieri, Chaland di brut, al procurave di sghindâsi e di
passâ vie cidìn par no vê ce fâ cun chê baronìe. Il Signôr invezit
ur dè il bondi e, fermât a čhacarâ, plen di amôr la face divine e
ingropàt la vôs, ju benedive.
Passadis lis Chasis e ğa fôr dal paîs, internâts int'une stradele di campagne, San Pieri al rompê il zito. "Savêso, Signór, che vó mi parés curiós plui di un póc? O incontrin sun chel puint un puar diaul ch'al preave cunt'une devozionone di fâ compunzion ai clas, e vô o sês passât vie cence saludâlu, cence dâj nanche une Chalade, anzit cunt'une muse dure ch'o parevis invelegnât; e cumô po che si sin intivâts insomp de vile in chê nae di galupìns ch'a varan fat Diu sa ce gnotolade e che, massepasúts e plens di vin, impid di ld a Chase a durmi a stevin li a sburî fâr il morbìn chantacand a cualchi polzete, siorsì cun chej s'impostais a fà compliments, Ju benedîs e ju charecais."
"Puar Pieri ", j disê il Signôr, "tú tu chalis cul voli di chest mond, ma jo o âi un altri voli e o viód plui indentri. Sâstu, chel cercandul, tropis ch'ind'à fatis in te s6 vite? E cumò, vignùt vieli cence pintîsi, al crôd di justâle cun chej cuatri paternostris ch'al
33
sta li smurmujand. Chej Zovins invezit, sot di ché fignestre, e ân
l'ânime nete e la lôr ligrìe a ven di un côr bon. îr a son stadis
gnocis e in ché Chamarute a duár la nuvice ch'a jé de lôr vile. A
je jesude de só Chase, e a bandonát pari e mari, fradis e súrs. A
son stâts su dute la gnot a tignî legris 1 pùars viéj che le àn
pierdude, e àn balât, e àn bevût e, vuê di matine, invezit di là a
polsá, a son vignúts a fa un Chant sot dal balcon de nuvice par
saludâle e ralegrâle, par consolâ il côr di chel che le â cholte.
Pieri: benedets chej fantats, benedetis lis lôr vilotis e la lôr
curtisìe: al ê un macet di rosis freschis che a mì mi san bon mil
voltis miei che no duch 1 rosaris a sec dal galantomp dal puint."
34