Il pur suveran
Jump to navigation
Jump to search
Il pur suveran
Quei ei miu grep, quei ei miu crap,
Cheu tschentel jeu miu pei.
Artau hai jeu vus da miu bab,
Sai a negin marschei.
5Quei ei miu prau, quei miu clavau,
Quei miu regress e dretg,
Sai a negin perquei d'engrau,
jeu sun cheu mez il retg.
Quei mes affons, miu agen saung,
10Da miu car Diu schenghetg.
Nutreschel els cun agen paun,
Els dorman sut miu tetg.
O libra libra paupradad,
Artada da mes vegls,
15Defender vi cun tafradad
Sco poppa da mes egls.
Gie libers sundel jeu naschius,
Ruasseivels vi durmir,
E libers sundel si carschius,
20E libers vi murir.
|
This work is in the public domain in countries where the copyright term is the author's life plus 70 years or less. See Copyright.
|