Il nonno e il bambino piangente
Jump to navigation
Jump to search
Francesch Bonatell (1830-1911)
Il nonno e il bambino piangente
Vé ché del nono, a' sà poer gnarel,
vé ché, car, cöntem sö le tò pasiù.
G'hét tacat quach bighì con tò fradel?
O g'hét miga saìt la tò lesiù?
Ta i vuzat dré? G'hét fate 'l matarel?
G'hét tirat quach sas en di lastrù?
T'è scapat zó 'n del pos forse el sedèl?
O g'hét rumpit la ciaf del casetù?
E 'n del dì isé 'l se tira söi zönöcc
e 'l carèsa quel có töt a simusì
e 'l ga süga le lacrime dai öcc.
Ma lü 'l seghita amò a simusì
e con vus pianzolenta e töta a sböcc
el vé föra: - G'ho rot... el... ca... a... lì-