Il dialetto bresciano
Francesch Bonatell (1830-1911)
Il dialetto bresciano
O lengua dei bressà, lengua poverina,
che te sét stada sempre despressada,
te sé come 'na bela s'citulina
che nissü i varda, perchè l'è sbindada.
Ma se ön dé la se mèt sö öna bela istina.
se la vé föra löstra e cincinada
alura töcc: oh che bèla siurina!
E i se ólta per daga amò öna öciada.
Ste mond l'è fat issé: no bata miga
'na bela qualità se l'è scundida
bisogna fas valì, bisogna hìga
vargot che dà 'n de l'öcc, che fa fracas,
e quei che no 's la sènt de fa la crida
no gh'è redensiù: i pöl andà a sotràs.