Il Poeta paragona se stesso a S. Giovanni Battista
Jump to navigation
Jump to search
Gioann Batista Fugazza (XVIII-XIX sec.)
Il Poeta paragona se stesso a S. Giovanni Battista
Predicheva al desert san Gioàn Batista,
e anca mì cole done hoo fai l'istess.
Fra tutti i sant l'è mess in cap de lista,
el saress anca mì, se ghe n'avess.
Lu el legeva in del cœur a prima vista
cognossi anch mì i cojon del mè paes;
per 'na dona l'ha fai figura trista,
e mì l'hoo fai almen per vott o des.
Lu el batezeva in riva del Giordan,
e ne gh'era per lu mai dì de festa;
batezi anch mì, lavori come on can!
A lu perfin i g'hann tajad la testa
a mi pœu, speri, che 'm la lassaran...
puciasca, ajutt! Ghe calarav anch questa!