Iesu Me Ke Kanaka Waiwai
| Iesu Me Ke Kanaka Waiwai (1915) |
Ma ke alahele ʻo Iesū
I hālāwai aku ai
Me ke kanaka ʻōpio hanohano
Kaulana i ka waiwai
Pane mai e ka ʻōpio
ʻE kuʻu Haku maikaʻi
He aha hoʻi kaʻu e hana aku ai
I loaʻa e ke ola mau?
Hui:
E hāʻawi, e hāʻawi lilo
I kou mau waiwai
Huli a hahai mai iaʻu
I loaʻa e ke ola mau ia ʻoe
Minamina e ka ʻōpio
I kona mau waiwai
I ke kūʻai a hāʻawi lilo aku
I ka poʻe nele a hune
Huli aʻe ʻo Iesū lā
Pane aku i ka ʻōpio
ʻAʻole aʻe hiki ke kanaka waiwai
I ke aupuni o ka lani
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse