I prim viœul
Jump to navigation
Jump to search
| ←A ona paiœura | I prim viœul (1894) by Impression |
Ma de bon?→ |
Grazie del mazzettin
De viœul 'penna cattaa.
Come el m'ha consolaa!
L'è staa per mi on basin.
Col so profum gentil
El m'ha faa batt el cœur;
Prest prest, se Dio vœur,
Ghe sarà chi l'april
L'april coi sò bellezz
Coi praa tucc pien de fior;
Coi nott tucc a splendor
Col sô che fa i carezz.
Peccaa che denter chi(*)
Nun stemm comè in preson;
Semm come ratt tappon!
Se sent fina a morì!
Pazienza, andemm pur là
Che vegnaremm pœu gris,
E allora, m'è duvis
Che la se cambiarà.
O fors, pur tropp, allora
Sentiremm pù el bisogn
De fa di alter sogn....
Ma adess l'è un poo bonora!
(*) Nella già brutta scuola di via Vetere
Nota dell'Autrice