I Karintainz 13
1 Aal di piik mi piik ina tong a man ar ienjel ah naab no lob, mi dis a penggeleng ah tinggiling. 2 Ah aal ef mi ha di gif a prafesi ah andastan aal mischri ah aal nalij; ah duo mi hab aal fiet we kiah muuv mouhn, ah no gat no lob, mi ano notn. 3 Ah duo mi giwe aal mi tingdem fi fiid di puo, ah giop mi badi fi bon ah no gat no lob, ino prafit mi notn. 4 Lob lang-sofarin ah kain, lob no henvi; lob no shubop ar pofop. 5 Ino biyiev ansiimli, no lukout fi iself, kyaah pruvuok iizi, no tingk no hiivl. 6 No rijais ina hiniquiti, bot rijais ina chuut; 7 Bie heniting, biliib ebriting, uop fi hebriting ah tan ebriting. 8 Lob neba fiel: bot ef a prafesi, ia-go fiel; ef a tong i-ago tap; ef a nalij, ia-go vanish. 9 Faa wi nuo likl bit ah wi prafisai likl bit. 10 Bot wen daa we poerfek kom, den di likl-likl donwe wid. 11 Wen mi a pikni, mi chat laka pikni, mi andastan laka pikni, mi tingk laka pikni: bot wen mi ton man, mi dashwe pikni sinting. 12 Faa nou wi si chuu lukin-glaas, bot afta wi wi si fies tu fies; nou mi nuo likl bit, bot den mi wi nuo dis az ou mi binuons. 13 Fiet uop ah lob deh chrii ya lef; bot di grietis wan a demya a lob.