I Conti d'Agliate, att I, scena 1

by Giuseppe Carpano

I Conti d'Agliate, att I, scena 1 by Giuseppe Carpano

Isepp Carpan (1751-1825)

I Conti d'Agliate, att I, scena 1

ALBERTONE: E inscì mo sto nost patron ch'eva pers, ch'eva mort, ch'el gh'eva pù; l'è tornaa a sto mond, l'è vif, e l'è in strada per vegnì a Ajaa. Stem allegher i mee compaa. Hin fenì, se Dia voeur, i brutt agn della rabbia, e della fam. Sto pajes che l'eva on zardin... nee sgiò par i trabacol alla riva del Lambro; vedarii come l'è. Giurabrio!, non la teujarav in affitt gnanc la calastria. La mia vigna, oh che vigna! Ve regordee Sindech? La par adess la crapa d'ona veggia, quattro scolcion despers coi radis succ.

[...]