Honolulu Aina Kupua
| Honolulu Aina Kupua (1916) |
I ka puu wau o Manoa,
I ka wai ola a Kanaloa,
E kilohi i ka nani punono
O Honolulu Aina Kupua.
Ua nani mai ka uka a ke kai
He mele aloha i ana ka puuwai,
Me he ala e i mai ana,
Honolulu Aina Kupua.
Ua kini a lau na pua,
Kumoana la i kanahele,
Kanahele ohai pua ala,
I kanu ia e na lima aulii.
Aloha i ke oho o ka niu,
I ka holu nape i ke ehu kai,
Me he ala e i aku ana,
Honolulu Aina Kupua.
Onaona na pua Oliana,
Koolua o ka pua Aloalo,
Kohu anuenue i ka lai,
Ke ala kai i Waikiki.
He aloha na pua Kolomona,
Ka onohi maka lena o ka uka,
Me he ala e i mai ana,
Honolulu Aina Kupua.
This work is in the public domain in the United States because it was published before January 1, 1929.
The author died in 1930, so this work is also in the public domain in countries and areas where the copyright term is the author's life plus 80 years or less. This work may also be in the public domain in countries and areas with longer native copyright terms that apply the rule of the shorter term to foreign works.
Public domainPublic domainfalsefalse