Hilo March
ʻAuhea wale ʻoe e ke ʻala tuberose
He moani ʻaʻala i ke ano ahiahi
Ua like me ka lau vabine
I ka hoene i ka poli pili paʻa
Hui:
ʻIke hou ana i ka nani aʻo Hilo
I ka uluwehiwehi o ka lehua
Lei hoʻohihi
Hiʻi a ka malihini
Mea ʻole i ke kono a ke aloha
E aloha aʻe ana i ka makani Puʻulena
Ka makani kaulana o ka ʻāina
Home noho a na ʻiʻiwi polena
Mea ʻole i ke kono a ke aloha
Nani wale no Hilo
I ka ua Kanilehua
Me he mea ala e ʻi mai ana
Eia iho a hiki mai
|
This work was published before January 1, 1929, and is in the public domain worldwide because the author died at least 100 years ago. |