Henasey Aşiqan

From Wikisource
Jump to navigation Jump to search
Henasey Aşiqan
by Wefayî

Weku ney kun kun e cergim
Le taw hicranî to boye
Be sozî ney desutêm û
Be nexmey ney denallênim

Eman ey motrîbî meclîs
Be heqî tarî rohanî
Billaw bê nexmekey sazit
Ke awî awirî hîcran e

Eto ey rohekem saqî
Eto ey omrekem motrîb
Peyapey lêde çeng û ney
Demadem bêne peymane

Be tîrî xemze bimlawênewe
Zollfim le gerdin ke
Be ser hatume meydanit
Be dill bot bume nîşane

Demêkî mest û bîmar im
Demêk bêhoş û hoşyar im
Çi kes nazanê derdî min
Meger ew çawe kallane

Henasey aşiqan ba netgirêt
Bê mirwetî ta key?
Bitirse ey gollî nasik
Beden lew baî ziryane

Eger zolfit weku min
Aşqî rûy to niye bo çî
Serapa têk çûe
Kewtwete ber pê dest û damane?

Vefaî bo gollêkî ser û
Balla şêt u şeyda ye
Weku qumrî denallênê
Weku bulbul xezelxwan e


This work was published before January 1, 1929, and is in the public domain worldwide because the author died at least 100 years ago.