He Inoa no Marie Kapiolaolehua D. Brown
He aloha i ka lau o ka niu,
I ka holu nape mai i ka makani;
He makani aheahe liuliu,
O ka malu hau o Ulukou.
He huina pua ia o ke kaona,
Ka launa wai olu o na manu;
Kahiko poowai o ka nani,
Ehukai o Waikiki.
He aloha na oiwi nani,
Na papa heenalu i ke kai;
Haaheo ka helena mai,
Ehuehu kai o Mamala.
Malama iho oe e ke aloha,
Kahi pua omau ua paa;
He makana ia na ka puuwai,
Waiwai kauoha e lei.
|
This work is in the public domain in the United States because it was published before January 1, 1929.
The author died in 1930, so this work is also in the public domain in countries and areas where the copyright term is the author's life plus 80 years or less. This work may also be in the public domain in countries and areas with longer native copyright terms that apply the rule of the shorter term to foreign works. |