Kasiyahan an pagkadakula kan harong na ito, asin
an pagkamugtak nakakaarog sa kadaklan sa Kaporoan,
asin natotogdok sa gamping atubang sa sarong sanga
kan Pasig na inaapod kan mga taga duman Pagsabangan
nin Binondo, na, siring kan kagabsan na salog sa
Manila, pinakikinabangan na gayo kan mga nageerok
duman. Tara, an sinabi nang salog, kun gayod, parigosan;
kun minsan, tapokan nin ati; nogayod, dakopan nin
sira; pinagsasakayan asin piagaagihan nin mga
nagdadara o mga naghahatod nin mga surat, asin nagiging
inoman, kun pinagmamarhay kan parasakdong intsik.
Sukat na gayong pakatalean na sa masolog na ining
tubig sa pagilaog, saen sorosorolbod an mga nagrara-
lakaw asin daing pagdanggan an ribok, sa rayong may
sarong kilometro igwa nin tulay na kahoy na garaba
sa ibong sa laog nin anom na bulan, asin sa ibong
man, dai maagihan sa panahon na natatada pa sa laog
kan taon. Nin huli kaini, an danay na ining pagka-
mugtak, kun tiginit, inourawa kan mga kabayo sa
pagtagbang sa tubig na iyong dahelan na makilagnan an
tawong nariribaraw, na sa laog kan lunadan,
natotongka okun naghohorophorop dapit sa mga kauswagan
kan panahon.
Hababa asin kibadkibad nin kadikit an harong na
sakong sinambit, asin kun an siring na kamugtakan
gikan sa dai pagatiparo kan nagtogdok na ingeniero,
okun baga bunga nin mga linog okun nin makokosog
na mga doros, dai nin siisay man na makakapagtotoo.
Halakbang asin alfombradong hagyanan, nin mga
hidyaw na balustrada, an inaagihan pasiring sa sarong
mahiwas na bidang, asin ta maghale sa ibaba, an lina-
lakawan nasa pagoltanan nin mga maceterang may
mga burak na nagkakapaaturogmad sa mga pinggan na
patugmadan na manibaibang kuray asin garo dai maisip
na mga guhit.
Mantang dai man nin mga bantay sa tata, okun
dai nin sorogoon na maghanap okun maghapot kun
baga inaanyayahan ka okun dai, masakat kita! Oh ikang
nagbabasa sakuya, maging kaugnay nin boot okun magi
man na kaiwal! Kun makadagka saimo an mga togtog,
an liwanag okun an makahologan na pinaragkay
nin mga kasangkapan sa pagkaon, na mga pinggan asin
rtos, asin boot mong masaksihan kun paano
an mga katiripunan duman sa Mutya sa Sirangan (5).