Hærramek ja bæsstamek Jesus Kristus ođđa Testament/St. Peter 1deb oftasaš girje

←St. Jakob oftasaš girje

Hærramek ja bæsstamek Jesus Kristus ođđa Testament  (1850)  St. Peter 1deb oftasaš girje

St. Peter 2ŋeb oftasaš girje→

[ 720 ]

St. Peter 1 oftasaš girje.

1. Kapittal.

Peter, Jesus Kristus apostal, sigjidi, guđek vier­rasi gaskast læk, guđek bieđgo sist læk Pontu­sist, Galatiast, Kappadosiast, Asiast ja Bittyniast, valljijuvvum.

² Ibmel ače audaloaidnem mield vuoiŋa bassen­dakkamest gullolašvutti ja buttastussi Jesus Kristus varai boft: arbmo ja raffhe digjidi ædnanifči!

[ 721 ]³ Gittujuvvum lekkus Ibmel ja min hærramek Jesus Kristus ačče, gutte su stuorra vaimolađes­vuođas mield min fastrieǥadattam læ ælle doaivvoi Jesus Kristus bajasčuoǯǯelæme boft jabmi dillest,

⁴ mieskadmættom ja billedmættom ja dušša­mættom arbbai, mi almidi digjidi vurkkijuvvum læ,

⁵ guđek Ibmel famost osko boft dam besstu­jubmai varjaluvvubættet, mi garves læ almo­stuvvut maŋemuš aige:

⁶ manditti illodet di galggabættet, josjoge di dal, go nuft færtte læt, morrašest læppet moad­delaǥaš gæččalusain,

⁷ vai din gæččaluvvum osskodek, — mi sagga divrasabbo læ, go dat nokkavaš golle, mi almaken dola čađa gæččaluvvu, — gittosen ja ramadussan ja gudnen gavdnujuvvuši Jesus Kristus almostusast;

⁸ gæn æppet di diettam læk, ja almaken rakisen adnæbettet, gæn dal æppet di oaine, mutto almaken osskobættet ala, ja cælkkemættom ja hærvas iloin avvodæppet,

⁹ osskodek balka juvsadedin, sieloidædek bes­stujume.

¹⁰ Man besstujume prophetak guoratallam ja cogardam læk, si, guđek dam armo enostam læk, i digjidi dappatuvvumen læi,

¹¹ cogardedin, man daihe maggar aige Kri­stus vuoiŋ, gutte sin sist læi, čajeti, go auddal Kristus gillamušaid son duođašti ja dam hærvas­vuođa, mi dastmaŋŋel boattemen læi;

¹² dastgo sigjidi almostuvvum læi, atte ješ­ječaidæsek si æi balvvalam, mutto min dam sist, [ 722 ]mi dal digjidi dieđetuvvum læ sist, guđek evan­gelium digjidi sarnedegje bassevuoiŋa boft, gutte almest vuolgatuvui; maid čieǥosvuođaid engelak halidek gæččat.

¹³ De damditti boakkanastet din mielladek ale­mid, lækket čielgosak, ja bigjat buok din doaiv­vodek aibasrakkan dam arbmoi, mi digjidi addu­juvvu Jesus Kristus almostusast.

¹⁴ Nuftgo gullolaš manak, allet æle din daid­demættomvuođa audeb himoi mield;

¹⁵ mutto dam basse mield, gutte din gočoi, de lækket maida di basse buok din ællemgær­destædek.

¹⁶ Damditti čallujuvvum læ: lækket basse; dastgo mon basse læm.

¹⁷ Ja jos di su aččen, čuorvvobættet, gutte olbmui allagvuođa bællai gæčakættai duobmemen læ juokke olbmui daǥo mield, de vagjolækket balost din ædnamlaš vagjolæme aige,

¹⁸ diettet, atte nokkavaš omiguim, silbain daihe gollin, æppet di læk lonestuvvum din arvotes ællem­gærdest, vanhemin digjidi guđđujuvvum,

¹⁹ mutto Kristus divras varaiguim, nuftgo mainnetes ja viǥetes labba,

²⁰ gutte auddal galle oidnujuvvum læi, auddal go mailme vuođđo bigjujuvui, mutto gutte dain maŋemuš aigin digjidi almostuvvum læ,

²¹ guđek su boft Ibmel ala osskobættet, gutte jabmi dillest su bajasčuoǯǯaldatti, ja hærvasvuođa sunji addi, atte din osskodek ja doaivvodek Ibmel ala bigjujuvvu.

[ 723 ]²² Butestækket din sieloidædek duotvuođa gullalšvuođa sist vuoiŋa boft duot veljalaš ra­kisvutti, ja njuoras rakisvuođast adnet guim gui­midædek butes vaimost,

²³ Di, guđek fastrieǥadattujuvvum læppet, æppet nokkavaš, mutto nokkamættom gilvvagin, Ibmel sane boft, mi ælla ja aǥalaǯǯat bisso.

²⁴ Dastgo buok oaǯǯe nuftgo rasse læ, ja buok suddogas hærvasvuotta nuftgo rasi læđek; rasse goldna, ja læđek dam ald erit gačček;

²⁵ mutto hærra sadne aǥalaǯǯat bisso; mutto dat de læ dat sadne, mi evangelium boft digjidi sarneduvvum læ.

2. Kapittal.

¹ De eritid bigjat damditti bagjelistadek buok bahhavuođa, ja buok bættolašvuođa, ja guoftelaš­vuođa, ja gađašvuođa, ja buok sælggebæld sardnom;

² ja vainotækket nuftgo æskrieǥadægje manak dam vuoiŋalaš čielgga mielke, vai dam boft di bajasšaddabættet;

³ jos di missa muosatam læppet, atte hærra buorre læ.

⁴ Vuolgget su lusa, dat ælle guđgge, mi olb­muin galle hilggujuvui, mutto valljijuvvum ja divras læ Ibmel audast;

⁵ ja šaddat ješ, nuftgo ælle gæđgek, vuoi­ŋalaš viesson bajasrakaduvvum, basse papalaš olmučen, vuoiŋalaš oafferid auddanbuftet, Ibmeli dokkalaš Jesus Kristus boft.

⁶ Damditti maida čallagest celkkijuvvu: gæč, [ 724 ]Sioni oaivvečiekgæđge mon bijam, mi valljo gæđg­ge læ ja divras; ja gutte su ala ossko, i eisigen hæppad juvsa.

⁷ Digjidi nabbo dalle, guđek osskobættet, dat gudne boatta; mutto æppeoskolaǯaidi læ dat gæđgge, maid hufsijægjek hilggu, šaddam oaivve­čiekgæđggen, ja jorralamgæđggen, ja værra­næme baften;

⁸ guđek jorralek sane æi oskodedin, man va­ras si maida legje.

⁹ Mutto di valljijuvvum sokkagodde læppet, gonagaslaš papolbmuk, basse olbmuk, Ibmel olbmuk, vai su bassevuođaid di galggabættet sarnedet, gutte sævdnjadasast erit din gočoi su oavddočuovggasis;

¹⁰ di, guđek auddal olbmuk æppet læm, mutto dal Ibmel olbmuk læppet, guđek auddal armo æp­pet oaǯǯom læm, mutto dal armo gavdnam læppet.

¹¹ Di æcalaǯak! nuftgo guosek ja nubbe valddegodde olbmuk mon ravvim din adnet ječaid­ædek erit oaǯe himoin, mak sielo audogasvuođa vuosstai doarromen læk,

¹² ja ravvim din šiega ællemgærde bakkeni gaskast adnet, vai, værredakken din sælggebæld sarnededin, si oǯǯuk oaidnet din buorre daǥoidæ­dek, ja vai si dai ditti Ibmel gudniettek oappa­laddam bæive.

¹³ Lækket damditti buok olmušlaš asatusaidi vuolebuš hærra ditti, lekkus gonagas, nuftgo alemus,

¹⁴ daihe ravvimolbmak, nuftgo si, guđek vær­redakkid rangaštam varas sust bigjujuvvujek, mutto sigjidi gudnen, guđek burid dakkek.

[ 725 ]¹⁵ Dastgo nuft dat Ibmel datto læ, atte di, buorre daǥoid dakkam boft, jallas olbmui daidde­mættomvuođaid javotuttebættet;

¹⁶ nuftgo si, guđek isedak læk, daddeke æi nuftgo si, guđek isedvuođa bahhavuođa gofčasen adnek, mutto nuftgo Ibmel balvvalægjek.

¹⁷ Gudniettet buokaid; adnet veljaid rakisen; ballat Ibmelest; gudniettet gonagas!

¹⁸ Di balvvalægjek! lækket isedidassadek vuo­lebuǯak buok gudnest ja balost; æppet dušše fal daid buridi ja vuoigadlaǯaidi, mutto maida si­gjidi, guđek boarkak læk.

¹⁹ Dastgo dat gavdna armo Ibmel lut, jos gut­tege oamedovdo ditti Ibmel audast gierdavaǯǯan vuosstaigiettagævvad gilla, go verid gilla.

²⁰ Dastgo mi ramadusaid dat læ, go di sud­doid dakkabættet ja cabmujuvvubættet, jos di dalle gierdavaǯǯan gillabættet? Mutto jos di, burid daǥadedin ja dago boft gillabættet, dalle gierda­vaǯak læppet, de dat gavdna armo Ibmel audast.

²¹ Dastgo dasa di goččujuvvum læppet, da­demield go Kristus maida min audast gillam læ, ja auddamærkas migjidi guđi, vai su luodaid di galggabættet doarredet:

²² son, gutte suddo i dakkam læk, ige bætto­lašvuotta su njalbmai gavdnujuvvum;

²³ gutte i bælketam, go bælketuvui, i aittam, go gifsašuvai, mutto su vuollai dam bijai, gutte vanhurskes duobmar læ;

²⁴ son, gutte ješ suddoidæmek rubmašestes gudi, muorast, vai mi, suddost erit jabmam, [ 726 ]vanhurskesvuođa sist ælašeimek; son, gæn havi boft di buorreduvvum læppet.

²⁵ Dastgo nuftgo čajedægje savcak di læidek, mutto dal din sieloidædek baimetægje ja gæčče lusa jorggaluvvum læppet.

3. Kapittal.

¹ Nuft galggek nissonak sin boadnjaidassasek vuolebuǯak læt, vai maida, jos soabmasak sane æi osko, si sanetaǥa vuittujuvvuši nissoni ællem­gærde boft,

² go din butes vagjolæme hærra balost si oidnek.

³ Sin čiŋatusak æi galga læt olgoldas, vuovtaid bargedæbme ja bagjeli bigjujuvvum gollečiŋak daihe biftasak;

⁴ mutto vaimo čieǥos olmuš lojes ja lođkis vuoiŋa sist, gutte aǥalaǯǯat bisso, gutte hui div­ras læ Ibmel audast.

⁵ Dastgo nuft čiŋategje ječaidæsek dak basse nissonak, guđek Ibmel ala doaivosek bigje, ja boadnjaidassasek vuolebuǯak legje;

⁶ nuftgo Sara Abrahami gullolaš læi, ja hær­ranes su gočoi; ja su manak di læppet šaddam, go burid di barggabættet dakkat, ja æppet mange suorgatusast bala.

⁷ Nuft galggabættet maida di boadnjak jier­malaǯǯan akaidædekguim ællet nuftgo rašeb belin, ja gudne sigjidi dakkat, go si maida ællem armo addaldaǥa arbbimguoimek læk, amasek din rok­kadusaidædek šaddat hettijuvvut.

[ 727 ]⁸ Mutto lækket buokak oftmiellalaǯak, armo­gasak, rakislaǯak veljai vuosstai, vaimolađđasak, buorredattolalaǯak;

⁹ allet mavsa bahaid bahaiguim, daihe bælko­sanid bælkosaniguim, mutto buristsivnedækket, dieđededin, buristsivnadusaid arbbim varas di goččujuvvum læppet.

¹⁰ Dastgo, gutte ællem rakisen adnet ja buorre beivid oaidnet aiggo, son njuofčames varotet galgga bahha saǥain, ja bofsamides, amasek dak betusid sardnot;

¹¹ bahast erit jorggalet ja burid son dak­kat galgga; rafhe son bivddet galgga jam dam vainotet.

¹² Dastgo hærra čalmek vanhurskaski bagjel læk, ja su bæljek sin rokkusi guvllui; mutto hærra čalmek maida sin bagjel læk, guđek bahaid dakkek.

¹³ Ja gi dat læ, gutte din matta vahagattet, jos dam ala barggabættet, mi buorre læ?

¹⁴ Mutto jos di vela bahaid gillabættet van­hurskesvuođa ditti, de audogasak di læppet; mutto allet bala, nuftgo si ballek, ja allet suorggan. Mutto basotækket Ibmel hærra din vaimoidædek sist.

¹⁵ Mutto lækket alelessi gærgad audastædek vastedet lojesvuođain ja gudnebaloin juokkači, gutte loǥo dist gaibed dam doaivo ditti, mi din sistadek læ;

¹⁶ ja barggat buorre oamedovdo adnet; vai si, guđek din buorre vagjolæme Kristus sist bilkkon adnek, hæppad jufsek værredakken din sælggebæld sarnededin.

[ 728 ]¹⁷ Dastgo buoreb galle læ — jos Ibmel datto dat læ — gillat burid daǥadedin, go gillat bahaid daǥadedin.

¹⁸ Dastgo maida Kristus ofti suddogasai au­dast gillai, vanhurskes vanhurskesmættomi audast, Ibmel ouddi min auddanbuftam ditti; son, gutte jabmem galle gillai oaǯe mield, mutto ællendakku­juvui vuoiŋa mield,

¹⁹ gæn sist son maida vulgi, ja vuoiŋaidi sarnedi, guđek gidda dillest legje.

²⁰ guđek dolin aigin gaǯǯarak legje, go Ib­mel hiljesvuotta Noa beivin vurdi, go arkka dak­kujuvui, man sist harvak, nabmalassi gavtse sielok, čacest erit gagjujuvvujegje,

²¹ man govva, gast, dal min bæssta, mi i læk nuosskevuođa buttastussa oaǯe bagjelist erit, mutto diervas oamedovdo litto Ibmelin Jesus Kristus bajasčuoǯǯelæme boft;

²² gutte, albmai bajasmannames maŋŋel, Ibmel olgiš gieđa bæld læ, ja engelak ja famok ja væ­ǥak su vuluǯǯan bigjujuvvum læk.

4. Kapittal.

¹ Go dalle Kristus min audast gillam læ oaǯe sist, de værjotækket ječaidædek maida dainanaǥa mielain, — dastgo son, gutte oaǯe sist gillam læ, suddost erit hæittam læ, —

² atte di, dam aige, mi ain bacca digjidi oaǯǯai, æppet vela ain suddogaslaš himoi mield æle, mutto Ibmel dato mield.

³ Dastgo dat læ jo galle, atte vassam ællem [ 729 ]aige bakkeni dato mi dakkam læp, go nuosske­vuođa, himoi, muddotesvuođa, borrisvuođa, juǥiš­vuođa ja heivvimættom æppeibmel balvvalæme sist mi vagjoleimek;

⁴ de damditti vavvasen si adnek, go æppet di singuim mannat aigo sin gudnetesvuođaidi ja nuosskevuođaidi, ja si bilkedek din;

⁵ mutto sunji si loǥo dakkat galggek, gutte garves læ dubmit ellid ja jabmid.

⁶ Dastgo damditti læ maida evangelium jab­midi sarneduvvum, atte olbmuin si galle dubmi­juvvut galggek oaǯe sist, mutto Ibmel audast oǯǯuk ællet vuoiŋa sist.

⁷ Mutto buokai loap lakkanæmen læ. Lækket damditti čielgosak ja morrišak rokkadallat.

⁸ Mutto erinoamačet adnet dam njuoras ra­kisvuođa gutteg guimidassadek; dastgo rakisvuotta suddoi ædnagvuođa gofča.

⁹ Valddet buorre mielast gutteg guimidædek goattasædek alma nimurkættai.

¹⁰ Dademield go juokkaš armo addaldaǥa oaǯǯom læ, dain de balvvalækket gutteg guimid­ædek nuftgo šiega dallodoallek Ibmel moadde­laǥaš armo bagjel.

¹¹ Jos guttege særvvegodde sist sardno, son sardnus nuftgo Ibmel sanid; jos guttege dam sist balvvalægje læ, son balvvalekkus nuftgo dai api mield, maid Ibmel adda, vai Ibmel juokke harrai gudniettujuvvuši Jesus Kristus boft; gæsa gudne ja fabmo boatta buok aǥalašvutti! Amen.

¹² Di æcalaǯak! allet ovduš dam [ 730 ]dollagæččalusa ditti, mi din bagjel boatta din gæččalet, dego mikkege erinoamačid digjidi dappatuvvuši.

¹³ Mutto nuftgo Kristus gillamušaidi di særv­volaǯak læppet, de illodækket, vai maida su hær­vasvuođa almostusa aige di oaǯǯobættet illodet ja avvodet.

¹⁴ Jos bilkkon di adnujuvvubættet Kristus nama ditti, de audogasak di læppet, dastgo hær­vasvuođa ja Ibmel vuoiŋ din bagjel orro; doi lut galle dat bilkkon adnujuvvu, mutto din lut dat gudniettujuvvu.

¹⁵ Dastgo ellus oftage dist gillu nuftgo sorb­mijægje, daihe suol, daihe værredakke, daihe nuftgo daggar, gutte ærra olbmu fidnoi manna;

¹⁶ Mutto jos son gilla, go Kristus olmuš læ, de ellus son hæppaden dam adnu, mutto gudniet­tus son Ibmel damditti.

¹⁷ Dastgo aigge læ, atte duobmo Ibmel dalost algga; mutto jos min lut vuost algga, maggar loap dalle sigjidi, guđek æi osko Ibmel evangelium?

¹⁸ Ja jos vanhurskes olmuš illa besstujuvvu, moft aiggo dalle ibmelmættom ja suddolaš olmuš bæssat?

¹⁹ De damditti galggek maida si, guđek Ib­mel dato mield gillajek, sunji, nuftgo oskaldas sivnedægje, sin sieloidæsek ravvit buorre daǥoid dakkam boft.

5. Kapittal.

¹ Vuorrasid din gaskast ravvim, nuftgo vuo­rasguoibme ja Kristus gillamušaid duođaštægje, [ 731 ]nuftgo dat, gæst maida oasse læ hærvasvuođast, mi almostuvvumen læ:

² Vuttivalddet dam Ibmel ælo, mi din gaskast læ, ja adnet morraš dam audast, æppet naggijuvvum, mutto æftomiellalaǯak, æppet nuoskes vuoito ditti, mutto buorre miellalašvuođast;

³ æppet nuftgo si, guđek viggamen læk hærra arbe bagjel valddastallat, mutto nuftgo si, guđek ælo auddagovvan šaddek;

⁴ ja go dalle oaivvebaimetægje almostuvvu, de gudne mieskadmættom kruono di oaǯǯobættet.

⁵ Damaka lakkai, di nuorak! lækket vuorra­sidi vuolebuǯak; mutto lækket buokak gutteg guimidassadek vuolebuǯak, ja čiŋatækket ječaid­ædek vuollegašvuođain; dastgo Ibmel čævlas olb­muid vuosstaičuoǯǯo, mutto vuollegis olbmuidi armos son adda.

⁶ De damditti vuollanækket Ibmel væǥalaš gieđa vuollai, vai aiggasis son din aled.

⁷ Bigjat buok din morraš su bagjeli, dastgo din audast son morraštægje læ.

⁸ Lækket čielgosak, goccet; dastgo din vaš­šalaš, bærgalak, birramannamen læ nuftgo gilljo lægjon bivdededin, gæn oaǯǯo njiellat.

⁹ Čuoǯǯot su vuosstai, nanosak oskost, go di diettebættet, atte dakaǥa gillamušak din veljai ala ollašuvvumen læk mailmest.

¹⁰ Mutto buok armo Ibmel, gutte min gočoi, guđek oanekis bodduš gillajep, su aǥalaš hær­vasvuottasis Kristus Jesus sist, son ješ rakadekkus, gievrasmattus, nanodekkus, vuođodekkus din!

[ 732 ]¹¹ Sunji gudne ja fabmo buok aǥalašvutti! Amen.

¹² Silvanusin, dat oskaldas vellja, — danen su anam, — oanekaǯǯat digjidi čallam læm, ja ravvim ja duođaštam, atte dat Ibmel duot arbmo læ, man sist di čuoǯǯobættet.

¹³ Babylon valljijuvvum særvvegodde digjidi diervuođaid dakka, nuft maida Markus, muo bardne.

¹⁴ Diervuođaid dakkat gutteg guimidassadek rakisvuođa cumain. Raffhe dlgjidi buokaidi, gu­đek Kristus Jesus sist læppet! Amen.