Gusyna kwĕtka

From Wikisource
Jump to navigation Jump to search
nadpis Gusyna kwĕtka
awtor Fryco Rocha
lěto
žrědło Pomogaj Bog, No 05/1988, b. 4
licenca public domain
Gusyna kwĕtka

Na łuce kwiśo
gusyna kwĕtka,
ze zemje pśiźoze
śamneg' swĕtka.

Polna jasnosći
do njebja glĕda,
Boga kšasnosć
lze zemskeg’ slĕda.

Bog jo mĕ zbuźil,
a z jogo ruku
dom mĕ pśisuźil
how na tu luku.

K wjaselu tomu,
ak mĕ namaka,
a k chwalbje jomu
na tebje caka