Gretchen Grosser's Fertälstere in ju Nordwest-Zeitung
<< Haudsiede
<< Gretchen Grosser
Dööntjene, Fertälstere un Geskichten fon Gretchen Grosser in ju Nordwest-Zeitung[edit]
2012
- „Foar Poagen: Fout fon dät Gas-Pedoal“ NWZ, 2.3.2012)
- Hie droank uk bloot heet Sukkerwoater (NWZ, 17.2.2012)
- Sjungen kon uk Medizin weese (NWZ, 26.1.2012)
- Mien Tuunskiere (NWZ, 19.1.2012)
- Ju Kipse (NWZ, 3.1.2012)
2011
- Die littje Wäänt un die Sunnerkloas (NZW, 29.12.2011)
- Dät Kristkindken un die Flee (NWZ, 24.12.2011)
- „Jä, Hämmann, dan man Prost!“ (NWZ, 8.12.2011)
- Nu kreech ju Probleme bie’t Tippjen (NWZ 23.11.2011)
- Iek mai mie säärm ljauer in’n Rok liede (NWZ 16.11.2011)
- Opa sit anne Disk un is an püüpkjen (NWZ 5.11.2011)
- 22.10.2011 - Mien ganse Familie fraut sik ap düt Ieten[edit]
- Älk sien Möage, Wätseldeeges-Ieten ap n’Sundai
fon Gretchen Grosser
Uus Boas waas säilden in sien Firma in Ait. Maasttieds heelt hie sik in Berlin ap. Dät waas foar uus Kontor-Wuchtere gjucht goadelk. Wie doasten dan in sien Köakene uus Ieten woorm moakje. Insen, as wie aal mädnunner anne Disk sieten un ounfange wüüln, uus Mäil tou hoolden, fräigede Wilma gans dul: „Wäl fon Jou häd Knoblauch in sien Ieten?“
Noa, neemens koande of moate Knoblauch, iek fonsäärm uk nit. „Gretchen, in Dien Biefstuk is Knoblauch oane, igittegit, wät stjunkt dät hier! Dien Sweegeroolden sunt uk Flüchtlinge, un do sjoode neen Ieten sunner Knoblauch. Bie doo rakt dät uk sundeeges Buuskool.
Staalt Jou dät moal foar, Wätseldeeges-Ieten ap n’Sundai Die roare Röak ferpestet uus dan smoals uus ganse Woonung, wan die Gestank fon Hilperts fon buppen addeel kumt!“ „Wilma, iek weet nit, of Knoblauch in mien Frikadelle is, iek wol mien Sweegermuur äuwerch fräigje“, kwaad iek deerap gans ferlain. Dät diede iek dan fonsäärm un kreech tou Oantwoud: „Freilich, Gretel, Knobliech muß do nai, sunste schmecka die Fleeschbruutla doch goor nich!“ Bie Grosser’s roate dät uk immer sundeeges: „Schweinebrota miet Kließla und Sauerkraut“.
Dät rakt dät bie mie uk dälich noch oafter sundeeges. Mien ganse Familie fraut sik ap düt Ieten. Appe uur Siede moate min Sweegerfoar neen Boone. As Sweegermuur stuurwen waas, fersuurgede ich Opa mee. Inne Boonetied, wier bie uus wäil moor as eenmoal inne Wieke Boone appe Disk koomen, meende hie insen: „Wu sein mir bloß hingekumma? Immerfort diese verpuchten Boon, die hoan bei ins ni amoal die Pfaade gefrassa. Koch doch amoal Sauerkraut und a Stickla Knobliechwurst dazuune!“
Kiek, so is dät: Die eene mai so jädden Boone un die uur Buuskool. Älk kon bie uus nu noch iete, wät hie mai. Bloot Lieuwer un Sännmoalk servierje iek nit. Dät mai iek nit moal ruuke!
- 21.10.2011 - Kaninken muuge uk so jädden Löwenzahn[edit]
- Hangstebloumen
fon Gretchen Grosser
Nu sunt jo al boalde wier uutblöit, do jeele Hangstebloumen, do uus Bäidene fröier sofuul Ferkoierskup moaked hääbe Froaie Kranse hääbe wie deerfon buunden, un uus do appe Kop sät. Do Stängele smeeten wie smoals in't Woater, dan kringelden do sik so fluch. Deermäd kuden wie dan Kraalebeende moakje. Toulääst hieden wie dan so fuul Spoas mäd “Pusteblume“. Bloot uus Hounde wuden dan so keetich, un do roate dät nit aal so Seeken, wiermäd me do wier skeen kreech. Wie hoalpen uus oaber mäd Sound.
Foar n’ Buur sunt düsse Bloumen wäil nit so fluch, wan do in sien Weede stounde. Dät is foar him Unkruud. Unkruud rakt dät dälich oaber nit moor, nu hat dät “Wildkräuter“. Foar Bäiste skäl dät nit so goud weese. Wieruum dät so is, weet iek nit. Iek kon mie oaber foarstaale, dät ju goude Buutere wier so natürlik fluch jeel, sunner Chemie, wät, wan do Bäiste wier Hangstebloumen freete.
Foar Moansken sunt Seloate uut Hangstebloumen, uut do Bleede un uk Blöiten, ja so gesuund. Kaninken muuge uk so jädden Löwenzahn, un uk uus Hannen sunt gans maal deerätter. Iek mai sun Weede mäd so fuul Hangstebloumen in Blöite aiske jädden liede, nit bloot deeruum, uumdät dät so fluch lät. Noa, dan is die Winter foarbie, die uus dät lääste Jier daach grääsich fäksiert häd.
- 10.08.2011 - Oma Lissy is al loange in n’Heemel[edit]
fon Gretchen Grosser
Marieke, fieuw Jiere oold, häd bloot noch een Bääsjemääme. Oma Lissy is al loange in n’Heemel, un dät littje Wucht häd hier nit moal kannen leerd. Man, nu wüül’n jo inne groote Ferien ätter Tunesien fljooge.
Ju fraude sik al loange deerap. Die Flieger is dan gans buppe in n’Heemel, un deer is ja uk Oma Lissy. Marieke wüül an’t Finster sitte gunge un gans seküür kiekje, fillicht saach ju dan hiere Oma twiske aal do dooden Ljude deer buppe. Fon ju Bielde, ju bie Opa inne Stoowe hoangt, weet ju genau, wo hiere Oma uutsaach, as ju noch appe Waareld waas.
Bie dät Waifljoogen wude oaber niks fon dän Finsterploats. Deertou waas dät uk noch gjucht dookich, aaltou fuul waas so un so nit tou sjoon .
Oaber, as dät ätter fjautien Deege wier in Richtung Düütslound geen, siet Marieke stuuf an een Finster. Ju keek aal bloot truch do Ruten, man in n‘Heemel waas neen Moanske unnerwains. „Wät fertälle do Groote uus dan wäil altied, dät aal do Doode in n’Heemel sunt? Dät stimt ja nit, neemens is deer“, sinnierde ju Littje.
Ju waas nu uk so wurich fon aal dät Uutkiekjen un kwaad uunferwoars tou hiere Oolden: „Hier loope ja goar neen Doode hääruume!“
- 30.07.2011 - Ljoofste Frucht foar uus Bääsjemääme[edit]
- Sunner Skill wuden „Banaden“ nu uk foar uus Bääsjemääme tou hiere ljoofste Frucht
fon Gretchen Grosser
Wät rakt dät nu aal foar flugge Fruchte inne Winkele. Ful deerfon kanne iek nit un hääbe do uk noch nit pröiwed.
Tou uus Bäidenstied roate dät foar uus bloot Aapele, Peeren un Pluumen fon oaine Boome. Wie koanden do nit moal Bananen. Lisa un Frieda hieden fon düsse Frucht al fertäld. Jo wieren inne Ferien in Bremerhoaven bie hiere Tante Mia weesen. Bananen hieden jo deer ieten, un do smoakeden so fein fertälden jo uus, as wie wier mädnunner ättere Skoule geenen. Wie kuden uus deerunner niks foarstaale.
Oaber as dät do bie uus ätter ful Jiehre uk Bananen tou koopjen roate, hääbe iek dan uk sun Frucht ieten. „Do kon uus Bääsjemääme sicher uk goud biete“, toachte iek. Deermäd wüül iek hier bliede moakje un broachte hier sun Druust mee. Oma waas an Wunnerierjen, so kruume Dierte koande ju uk noch nit. Fluks iete wüül ju do nit, uumdät jo juust Middai-Ieten aape hieden.
En Skoaft leeter besoachte iek moal wier uus Oma. Wie hieden uus man juust begröitet, as ju dan tou mie kwaad: „Gretchen, sukke Banaden hougest du mie nit wier meetoubrangen, do smoakje ja grääsich. Iek hääbe deer bloot moal ounbieten, man iek kriege se sunner Tuske goar nit stukken.“
„Do sunt daach gans mul, Oma un juust goud foar die“, kwaad iek tou hier un skilde hier een eepen un loangede hier ju Banane tou. „Jämann so gungt dät, ju smoaket ja wuddelk gans wunnerboar“, stoalde uus Oma nu fääst.
- 22.07.2011 - Grillfäst an Opas Gebuursdai[edit]
- Buutere in dän Buuternap waas ja al gans gräin
- Oma moaked n’ferträitelk Gesicht
fon Gretchen Grosser
Wät is dät altied kemoudich bie Opa un Oma inne Tuun. Deer stoand ju oolde Pumpe, deer die Swinnetroag mäd Ferjätmienit, deer die Boank unner dän Kiddeboom. Dät sjucht so uut, as wan me bie Dornröschen in n’Slottuun kieket. Man mout sik hier eenfach goud fäile. Opa häd Gebuursdai. Deeruum is dälich Grillfäst.
Bäidensbäidene spielje Ferstoppjen. Wilfried broachte dän Grill tougoang. Do Wieuwljude moakeden al dän Disk inne Laube kloor, un Oma kumt mäd hiere Seloate ounslurrjen. Wät hääd ju sik wier foar Moaite moaked! Nudelseloat, Tuwwelkeseloat, wät rakt dät aal. Opa sit anne Disk un is an püüpkjen. Allerweegense hääd hie n’Ooge ap, dät deer uk neemens wät ferkiert moaked. Opa is man wät pingelig, alles mout fonsäärm ap Steede weese.
„So, do Wuste sunt kloor“, ropt Wilfried, „Bäidene konnen deer al biegunge.“
„Iek hoalje noch ieuwen dän woorme Stuute uut de Ougend“, meent Oma. „Hääst du uk ….?“, ruup Susanne. „Je, täiw man“, meend Oma, „deeran hääbe iek wäil toacht.“ Oma weet wäil, wät hiere Bäidene jädden muuge. Oaber, ju kumt un kumt nit wier, dät duurt un duurt. Daach, deer gungt ju Bääterdoore epen! Oma kumt mäd n’Tablett ful Stuute oun. Ju moaked n’ferträitelk Gesicht. „Weet wäl fon jou, wier iek mäd mien Kruudbuutere waigeen bän?“
Aal skiäddekoppje, bloot Opa gniffeld un nimmt sien Püüpe uut de Muule. „Meenst du ju Buutere in dän Buuternap? Ju hääbe iek wächsmieten, ju waas ja al gans gräin!“
- 08.06.2011 - „Ju näie Klukhanne“[edit]
- Dokter Bünnemeier waas in Böasel
fon Gretchen Grosser
Dät waas ap n’äddern Ättermiddai midde inne Suumer. Dokter Bünnemeier uut Garrel waas in Böasel unnerwains, uum sien kroanke Patienten tou besäiken.
Ap dän Wai ätter Roakers Möie wai koom hie bie Seißen Sättken foarbie, ju een wiedloaftig Früünde fon him is. Deer kikt hie ien un toankt, dät hie deer noch wäil n‘Kop Koafje kricht. Luud ropt hie inne Köakene: „Moin!“ un kricht Oantwoud uut de Släipkoomer. Deer lait Sättken ap Bääd.
„Bääst du kroank?“ fräiged Bünnemeier un gript ätter hieren Ierm, uum dän Puls tou fäilen. „Iek bän nit kroank, die Huund häd bieten.“ „Die Huund häd die bieten?“
„Noa, mie häd die nit bieten, hie häd uus Gäise dood bieten.“ „Un deeruum laist du nu ap Bääd?“
„Jee, deeruum lääse iek nu ap Bääd. Kiek is, ju Gäise waas an’t Broudjen. Do hääbe iek do Oaiere nuumen, do bie mie in’t Bääd lait un nu …”
Die oolde Bünnemeier kuud sik foar Laachjen nit moor hälpe un moakede sik, sunner dän Kop Koafje tou kriegen, wier ap‘t Paad.
- 17.05.2011 - „Uus deegelk Brood reek us dälich“[edit]
- Millionen kuume foar Smoacht nit in’n Släip
fon Gretchen Grosser
„Uus deegelk Brood reek us dälich“: So beedje ful Moansken appe ganse Wareld alle Deege. Jesus häd kweeden: „Suurgjet nit for dän touken Dai, wät skällen wie iete of drinke un ounluuke?“ .
Un Luther häd kweeden: „ Goad rakt uus alle Deege Brood un wäil uk, wan wie him nit deeruum biddje, oaber wie biddje in uus “Vater unser“, dät Goad uus erkanne läite mai un wie mäd Tonkjen uus Brood fon him kriege.“
Uus deegelke Brood
Uus deegelke Brood hääbe wie apstuuns uuremäite. Düütsklound is dät Lound mäd do maaste Brood- un Bröödken-Soarten. Wie konnen uus uutsäike, wät foar Brood wie iete wollen. Ful Ljude moasten äigentlik al moonige Deege biddje: „Reek uus daach nit sofuul Brood, wie smiete dät al alle Deege inne Mülltunne.“ Millionen fon Moansken appe Wareld kuume oaber foar Smoacht nit in’n Släip of stierwe uumdät jo niks tou ieten hääbe, un wie gunge mäd uus Ieten so roukloos uume. Wan uus Brood n’Dai aller is, konnen wie dät daach noch iete. Dät rakt so froaie Rezepte foar Broodsoppen. Wie konnen uk oold Brood ätter Ljude brange, do Kaninken, Houngste of Hannen hääbe. Deer wät dät goud ferwertet.
Iek säärm hääbe so groote Gewietensbiete, wan uus moal Brood ferskimmelt is. Wie hääbe do Tieden noch mee belieuwt, as wie jädden noch n’Sniede moor iete wäild hääbe. Dät roate oaber bloot Brood ap Lieuwendsmiddelkoarten un wude uus toudeelt. Wie moasten uk noch bie’n Bakker deerfoar uureloang anstounde. So hääbe sik do Tieden annert. Dälich konnen wie uus sääd Brood koopje.
Deeruum wät uk oafter tofuul ienkooped un dan eenfach wächsmieten. Een gans Graubrood hääbe iek foar n’poor Jiehre uut n’ Päpierkontainer leeken. Die Container waas bit anne Oore ful, un dät bruune Brood keek sun bittje uut dän Kasten. Dät loange Graubrood waas nit ferskimmelt, man knäppelhääd. Wieruum wude dät wäil eerst kooped un dan so äntsuurged? Iek hääbe dät meenuumen ätter Huus, in n’Ommer Woater stat un dan uus Hannen tousmieten.
Ju „Tafel“ nimmt daach uk aiske jädden Lieuwendsmiddel an, uk, wan jo al n’Dai aller sunt. Ju mout sik in Toukumst uum sukke wichtige Spenden wäil Suurge moakje. Iek hääbe leesen of heerd, dät Bakkeräien hiere Brood, wät jo toufuul hääbe, ferkoopje konnen.
Strom moaked
Deeruut skäl dan Strom moaked wäide. Iek smiete neen Brood eenfach so wäch. Iek kweede: dät is Sände. Wan iek dät dwoo, dan duurt iek ja uk neen “Vater unser“ moor beedje, un dät waas dan gans läip foar mie.
Ap Düütsk:
„Unser tägliches Brot gib uns heute“: So beten viele Menschen auf der Welt jeden Tag. Jesus hat gesagt: „Sorgt nicht für den nächsten Tag: Was sollen wir essen und trinken und anziehen?“
Und Luther hat gesagt: „Gott gibt uns alle Tage Brot und wohl auch, wenn wir ihn darum bitten, aber wir bitten in unserem „Vater unser“, dass Gott uns erkennen lassen möge und wir mit Danken unser Brot von ihm bekommen.“
Unser tägliches Brot haben wir jetzt übermäßig. Deutschland ist das Land mit den meisten Brot- und Brötchen-Sorten. Wir können uns aussuchen, welches Brot wir essen wollen. Viele Leuten müssten eigentlich schon an manchen Tagen bitten: „Gib uns doch nicht so viel Brot, es verschimmelt uns, und wir schmeißen es jeden Tag in die Mülltonne.“ Millionen Menschen auf der Welt kommen vor Hunger nicht in den Schlaf oder sterben, weil sie nichts zu essen haben, und wir gehen mit unserem Essen so verantwortungslos um.
'Millionen hungern
'
Wenn unser Brot ein Tag älter ist, können wir dieses doch noch essen. Es gibt so schöne Rezepte für Brotsuppen. Wir können auch altes Brot zu Leuten bringen, die Kaninchen, Pferde oder Hühner haben. Dort wird dieses gut verwertet.
Ich selbst habe so große Gewissensbisse, wenn uns einmal Brot verschimmelt ist. Wir haben die Zeiten noch miterlebt, als wir gern noch eine Schnitte mehr gegessen hätten. Es gab aber nur Brot auf Lebensmittelkarten und wurde uns zugeteilt. Wir mussten auch noch beim Bäcker dafür stundenlang anstehen. So haben sich die Zeiten geändert. Heute können wir uns satt Brot kaufen. Deswegen wird auch oft zu viel eingekauft und dann einfach weggeworfen. Ein ganzes Graubrot habe ich vor ein paar Jahren aus einem Papier-Container gezogen. Der Container war bis oben hin voll, und das braune Brot schaute so ein bisschen aus dem Kasten. Das lange Graubrot war nicht verschimmelt, aber knüppelhart. Warum wurde dieses wohl erst gekauft und dann so entsorgt? Ich habe es mitgenommen nach Hause, in einen Eimer Wasser gesteckt und dann unseren Hühner hingeworfen.
Die „Tafel“ nimmt doch auch gern Lebensmittel an, auch wenn sie schon einen Tag älter sind. So werden sie sich vielleicht demnächst um solche sehr wichtigen Spenden Sorgen machen müssen. Ich habe gelesen oder gehört, dass Bäckereien ihr überflüssiges Brot verkaufen können. Daraus soll dann Strom gemacht werden. Ich werfe kein Brot einfach so weg. Wenn ich das aber doch tue, dann darf ich ja auch kein „Vater unser“ mehr beten, und das wäre doch ganz schlimm für mich.
- 10.05.2011 - „Alle Deege skuul Muttertag weese“[edit]
- Wät hääbe iek mie skoomed: Alles was ferkiert
fon Gretchen Grosser
In Düütslound wude die Muttertag 1923 dät eerste Moal offiziell fiert un 1933 tou’n Fierdai moaked. Iek kon mie nit besinne, dät wie as Bäidene Määme wät tou’n Muttertag skoankt hääbe. Aan Kindergarten, wier dan ful foar Muttertag bastelt wät, hieden wie domoals goar nit, die koom eerste, as uus Bäidene al groot wieren. Basteljen hieden wie inne Skoule uk nit.
Dät fjoode Gebot
Uus Koaster hiede genouch deermäd tou dwoon, dät hie smoals sien Läksen foar oachte Skoulklassen kloor kreech. Jäild foar Geskoanke hieden wie al loange nit, iek hääbe silläärge neen Taaskenjäild kriegen. Inne Moaitied waas dät. Do hieden wie Religion bie uus Pestoor, die koom insen inne Wieke bie uus inne Skoule. Dät geen wäil uum dät fjoode Gebot, Muttertag waas ja uk inne Moai un düsse Mound is uk ja besunners foar ju Muur fon Goad.
Nu fräigede Pestoor, wo wie uus Määme dan bliede moakje. Deerap wiste so gjucht neemens wät ap tou kweeden. Lälk tou uus Määme waas ja neemens fon uus, dät roate dät do ja gans un goar nit. Wie dieden alles, wät Määme fon uus wüül. Pestoor täiwde loange ap een Oantwoud. Iek wiesede do min Finger ap un meende: „Wir können unserer Mutter eine Freude machen, wenn wir ihr sagen, dass wir ihr lieben.“ „Margaretha, das ist falsch, es heißt, dass wir sie lieben!“ liet Pestoor Lübbers mie wiete. Wät hääbe iek mie skoomed! Alles was ferkiert, ju Grammatik un uk Määme kweede, dät wie hier jädden liede muuge. Noa, dät moasten wie hier sunner Kweeden wiesje truch uus „Ljoof weesen“.
Dät dieden wie ja uk altied. Juunbaalen un fräch wäide tou uus Maame roate dät fonsäärm nit.
Maame roate dät
Somäd hieden wie alle Deege Muttertag, as dät dälich äigentlik uk wäil altied weese skuul.
Ap Düütsk:
„Alle Tage sollte Muttertag sein“:
In Deutschland wurde der Muttertag 1923 das erste Mal offiziell gefeiert und 1933 zum Feiertag gemacht. Ich kann mich nicht darauf besinnen, daß wir als Kinder Mama etwas zum Muttertag geschenkt haben. Einen Kindergarten, wo dann viel für den Muttertag gebastelt wird, hatten wir damals gar nicht. Den bekamen wir erst, als unsere Kinder schon groß waren. Basteln hatten wir in der Schule auch nicht. Unser Lehrer hatte genug damit zu tun, dass er seine Lektionen für acht Schulklassen fertig bekam. Geld für Geschenke hatten wir schon gar nicht. Ich habe nie Taschengeld bekommen.
Es war in der Maienzeit. Damals hatten wir Religionsunterricht bei unserem Pastor. Er kam einmal in der Woche zu uns in die Schule. Es ging wohl um das vierte Gebot, Muttertag ist ja auch im Mai und dieser Monat ist ja auch besonders für die Gottesmutter. Nun fragte der Pastor, wie wir unsere Mutter denn froh machen. Darauf wusste so recht niemand etwas zu sagen. Böse auf unsere Mama war ja niemand von uns, das gab es damals ganz und gar nicht. Wir machten alles, was Mama von uns verlangte. Pastor wartete lange auf eine Antwort.
Alles war falsch
Ich zeigte dann meinen Finger auf und meinte: „Wir können unserer Mutter eine Freude machen, wenn wir ihr sagen, dass wir ihr lieben.“ „Margaretha, das ist falsch, es heißt, dass wir sie lieben!“ ließ Pastor mich wissen. Wie habe ich mich geschämt! Alles war falsch, die Grammatik und auch Mutter sagen, dass wir sie gern haben. Nein, das müssten wir ihr ohne Sagen zeigen durch unser „Lieb sein“. Das machten wir ja auch.
Gegenreden und frech werden unserer Mama gegenüber gab es selbstverständlich nicht. Somit hatten wir jeden Tag Muttertag, wie es eigentlich heutzutage auch wohl immer sein sollte.
- 28.04.2011 - Fäsper schuul dät nu inne Säärke reeke[edit]
fon Gretchen Grosser
Middai-Ieten roate dät al inne Schoule, un nu skuul dät uk noch Fäsper inne Säärke reeke. Uus Pestoor hiede dät inne Homisse kweeden. Iek fraude mie deerap al uuremäite.
Foulk moaste sjunge
Min Baabe kwaad do tou mie: „Gung man al ädder genouch wai, Gretchen, dät rakt Tee un Kouke Ättermiddai, Pestoors Möie häd wildäge al do Kouken kloor boaken.“
Inne eerste Boank waas iek sitte geen, uumdät iek uk jo wät meekreech fonne Fäsper. Die Gesangverein fäng oun tou sjungen, aal ap Latien. Twisketruch soang uus Pestoor, uk ap Latien. So geen dät aal egoalwäch. Toulääst wude ju Allerhilligen-Luternäi soangen.
Dät Foulk moaste nu smoals sjunge: „Ora pro nobis“. Dät geen aal man tou so fääre. Thea, ju ieuwenske mie siet, koande ju Oantwoud nu uk al uns soang mee „Kohlrab un Kohlries“. Hiere allere Suster roate hier n’Skub inne Ribben un Thea sweech fluks. Wät waas dät daach uk loangwielich! Wie Bäidene kuden niks ferstounde,do Groote sicher uk nit, un iek täiwde ap Fäsper. Nu stuud toumoal n’Missebetjooner ap un geen inne Geerkomer.
Ribben un Thea
„Hie sät nu dän Woaterseetel ap“, toachte iek, „dan rakt dät gliek äntelk Fäsper.“
Pestoor moakede dan dän Tabernakel eepen un sätte ju Monstranz uut. Nu soangen wie „Tantum ergo“. Wier geen n’Missebetjooner ättere Geerkoomer tou, die moaste wildäge nu Tee moakje un Kouke sniede.
Floitepüüpe, die koom mäd de Weihrauchseetel wier ättert Oalter tou. Ätter’n Säägen mäd dät Allerheiligste waas uurs altied die Läästtjoons tou Eende. Däälich skuul dät oaber ja noch Fäsper reeke. Niks, roate dät! Min Baabe hiede mie wät ap’n Stok däin. Dät häd him ful Spoas moaked.
Ap Düütsk:
„Vesper sollte es jetzt in der Kirche geben“
Mittagessen gab es schon in der Schule, und nun sollte es auch noch eine Vesper in der Kirche geben. Das hatte unser Pastor im Hochamt gesagt. Ich freute mich schon sehr darauf. Mein Vater sagte zu mir: „Geh früh genug hin, Gretchen, es gibt Tee und Kuchen, Pastors Haushälterin hat sicher schon all die Kuchen gebacken.“
Ich hatte mich in die erste Bank gesetzt, damit ich auch was abbekam von der Vesper.
Gesang auf lateinisch
Der Gesangverein fing an zu singen, alles auf Latein. Zwischendurch sang unser Pastor, auch lateinisch. So ging es immerzu.
Zuletzt wurde die Allerheiligen- Litanei gesungen, auch lateinisch. Das Volk musste jetzt immer antworten: „Ora pro nobis“. So ging es immer weiter. Thea, die neben mir saß, kannte die Antwort mittlerweile auch schon und sang mit: Kohlrab un Kohlries Ihre ältere Schwester gab ihr einen Schubs in die Rippen, und Thea schwieg sofort.
Was war das doch auch alles langweilig! Wir Kinder konnten nichts verstehen, die Großen sicher auch nicht, und ich wartete auf die Vesper. Nun stand auf einmal ein Messdiener auf und ging in die Sakristei. „Er setzt jetzt den Wasserkessel auf“, dachte ich, „dann gibt es gleich endlich Vesper.“
Pastor machte dann den Tabernakel auf und setzte die Monstranz aus. Nun sangen wir „Tantum ergo“. Schon wieder ging ein Messdiener in die Sakristei, der musste sicher nun Tee machen und Kuchen schneiden.
Warten auf Vesper
Pustekuchen! Der kam mit dem Weihrauchkessel wieder zum Altar. Nach dem Segen mit dem Allerheiligsten war sonst immer die Andacht zu Ende. Heute sollte es aber ja noch Vesper geben.
Nichts gab es! Mein Vater hatte mich veräppelt. Das hat ihm viel Spaß gemacht.
- 15.04.2011 - Iek mai so jädden Bouke liede[edit]
fon Gretchen Grossser
Wail iek al altied so jädden leese, meeene iek fonsäärm, dät uur Ljude uk Spoas an Bouke hääbe. Man iek moaste uk al fääststaale, dät dät loange nit so is. Anni hiede iek moal n’Bouk meebroacht, uumdät ju mie moormals in hiere Auto meenumen hiede.
Leeter täiwde iek smoals ap hiere Reaktion, man ju koom nit. Do moaste iek hier eenfach fräigje, wo hier dät Bouk “Die litje Prins“ dan gefaalen häd. Anni meende: „Iek hääbe in min ganse Lieuwend nit moal een Bouk leesen.“
Bouk fon Karl May
Dät kon iek nit ferstounde. „Nit een Bouk“, kwaad ju.
Deer konnen jo sik uutsäike, wät jo jädden leese muugen. Dät is nit moor so as fröier. Iek hääbe dät säärm mee belieuwed, dät aan Wäänt so jädden wier een Bouk fon Karl May uutleende wüül. Man Pestoor sien Liesbeth in uus Borromäus-Bibliothek kwaad tou dän Littje: „Dat kummt nich in Froage, du schast uk moal wat anderes läsen!“
Hie kreech „Quo vadis“ mee ätter Huus, deer roate dät neen Juunbaalen. Heinz noom do sin Taaskendouk uut de Taaske un wiskede sien Troonen ou.
„Leesen is een Gefoahr foar ju Dummheit“, meent een Leiterin fon’n Bibliothek. Ju häd gjucht. Truch Leesen wät me sofuul wies un dät is oafter so sponnend, dät me ju Wareld uum sik tou ferjät. Iek hääbe fon Bäiden oun jädden leese moat, man wie doasten wätseldeeges nit leese, dan moasten wie wät dwo.
Uus Määme
Man mien Suster un iek dieden dät daach stilkens. Uus Määme kude dät rauelk sjoo, ju moate uk jädden Bouke liede, man uus Baabe, die hiede deer uk niks foar uurich.
Dälich, wier dät so uuremäite ful Bouke rakt, mout sofuul appe Beene stoalt wäide, dät überhaupt wier leesen wät. In uus Tied geen dät sunner Rekloame, man do roate dät uk noch neen Fernsehen un neen Computer.
Ap Düütsk:
Weil ich schon immer gern lese, meine ich selbstverständlich, dass auch andere Leute Spaß daran haben.
Sonntags in die Bücherei
Aber, ich musste feststellen, dass das gar nicht so ist. Einmal hatte ich Anni ein Buch mitgebracht, weil sie mich mehrmals in ihrem Auto mitgenommen hatte.
Später wartete ich dann auf ihre Reaktion, aber sie kam nicht. Dann musste ich sie einfach fragen, wie ihr das Buch: „Die litje Prins“ denn gefallen hat. Anna meinte: „Ich habe in meinem ganzen Leben nicht einmal ein Buch gelesen.“ Das kann ich nicht verstehen. „Nicht einmal ein Buch“, sagte sie. Wir zu Hause hatten keine Bücher, die ich lesen konnte. Die habe ich mir aber jeden Sonntag aus unserer Borromäus-Bibliothek geholt.
Heute können alle Leute, auch Kinder sich die Bücher selbst aussuchen, die sie lesen wollen. Es ist nicht mehr wie früher, da wurden die einfach für uns ausgesucht. Ich habe es selbst miterlebt, dass ein Junge so gern wieder ein Buch von Karl May ausleihen wollte. Aber Pastors Liesbeth saß hinter einem Tisch, der innen vor die Tür gestellt war und sagte: „Das kommt nicht in Frage, du sollst mal etwas anderes lesen!“ Er bekam Quo vadis mit nach Hause, da gab es kein Gegenreden. Heinz nahm sein Taschentuch aus der Hosentasche und wischte seine Tränen ab.
„Lesen ist eine große Gefahr für die Dummheit“, meint eine Leiterin einer Bibliothek. Sie hat recht. Durch Lesen bekommt man ein großes Wissen, und es ist oft so spannend, so dass man die Welt um sich herum vergisst.
Von Kind an mochte ich so gern lesen, aber wir durften das werktags nicht, wir mussten mit arbeiten. Meine Schwester und ich haben aber oft heimlich gelesen.
Mutter liebte Bücher
Unsere Mutter durfte uns wohl dabei erwischen, auch sie liebte Bücher, aber unser Papa, der hatte nichts dafür übrig.
Heute, wo es so sehr viel Bücher gibt, muss so viel auf die Beine gestellt werden, damit überhaupt wieder gelesen wird. In unserer Zeit ging das ohne Reklame, aber damals gab es auch noch kein Fernsehen und keine Computer.
- 08.04.2011 - Swäite Pillen[edit]
- Wan min Käärdel un iek moal uutgunge
fon Gretchen Grosser
Wan min Käärdel un iek moal uutgunge, kweede iek wäil tou mien Bäidene: „Gunget mie nit bie de Sukkerpot“. Dän Sats kanne iek noch uut mien Bäiedenstied. Sukker, dät Woud alleenich, kloang foar uus Bäidene domoals al soo swäit! O, wät waas dät uk foar’n Tied, do waas Sukker nit mäd Jäild tou betoaljen.
Littjet Schoulbäiden
Do waas Kriech, en gans roare Tied. Alles wude toudeelt, uk Sukker, Sukkeloade kreegen wie do goar nit tou sjoon.
As littjet Schoulbäiden hiede iek grääsich ful Last mäd Nousebläiden. Dät waas gans läip. Uus Määme moaste do insen fluks mäd mie ätter Dokter Jünemann. Nu kreech iek Tabletten, do mäd Sukkeloade beleeken wieren. Oaber, as iek do moal wier wäkke nieme moaste, wieren do Tabletten naagens tou fienden.
Sukkeloade-Tabletten
Dät Säiken in alle Skuuwloaden geen los, bit toumoal min littje Bruur Hermann uus wiete liet, dät hie do apieten hiede. Him hääbe do wäil goud smoaked, sunt him uk goud bekeemen. Silläärge nit hiede hie Noosebläiden. Man, uus Määme moaste wier ättern Dokter. Die schreuw mäd Smüüsterlaachjen wier näie Sukkeloade-Tabletten ap.
Ap Düütsk:
Süße Pillen
Wenn mein Mann und ich mal aus dem Haus gehen, sage ich wohl zu meinen Kindern: „Geht mir nicht an den Zuckertopf! Diesen Satz kenne ich noch gut aus meiner Kinderzeit. Zucker, schon das Wort allein, klang für uns Kinder damals schon so süß! Oh, was war das für eine Zeit, da war Zucker nicht mit Geld zu bezahlen.
Alles wurde zugeteilt
Da war Krieg, eine ganz schlechte Zeit. Alles wurde zugeteilt, auch Zucker, Schokolade bekamen wir damals nicht zu sehen.
Als kleines Kind hatte ich sehr viel Last mit Nasenbluten. Das war sehr schlimm. Unsere Mutter mußte dann einmal sofort mit mir zu Doktor Jünemann. Nun bekam ich Tabletten, die mit Schokolade bezogen waren. Aber, als ich dann mal wieder welche einnehmen mußte, waren die Pillen nirgends zu finden.
Suche in den Schubladen
Das Suchen in allen Schubladen ging los, bis auf einmal mein kleiner Bruder Hermann uns wissen ließ, dass er die aufgegessen hatte. Ihm haben die wohl gut geschmeckt, sind ihm auch gut bekommen. Nie hatte er Nasenbluten.
Aber, unsere Mutter musste wieder zum Doktor gehen. Der schrieb mit Schmunzeln wieder neue Schokoladen-Tabletten auf.
http://www.nwzonline.de/Region/Kreis/Cloppenburg/Saterland/Artikel/2579230/Wan-min-Kaeaerdel-un-iek-moal-uutgunge.html Wan min Käärdel un iek moal uutgunge (NWZ)
- 19.03.2011 - Sun Fuugelbuutje smoakede uus so goud[edit]
fon Gretchen Grosser
Moor Dööntjene sjuch hier:[edit]
- 5. Meerte: Uk Wäänte leere inne Skoule dät Ieten-Sjooden (NWZ)
- 26. Febr.: Fässel-Äiwend (NWZ)
- 19. Febr.: Äigentlik hat düsse Boom oaber Robinie (NWZ)
- 12. Febr.: Dän ganse Dai moaste iek nu Hoochdüütsk baale (NWZ)
- 5. Febr.: Möie häd altied mäd dän Opa so luud skuulden (NWZ)
- 29. Jan.: Robbi Roboter mien goude Fent (NWZ)
- 22. Jan.: Deerfoar lääse iek mien Hounde in’t Fjuur (NWZ)
- 14. Jan.: Fonsäärm, die Goang fon aan Äksedäif (NWZ)
- 7. Jan.: Helga moaste sik bie dän Gedanke fluks kratsje (NWZ)
2010
- 28. Dez.: Die Buur koom mäd Hallo uut sien Bääd (NWZ)
- 24. Dez.: Bloot an littjen Wäänt wiste een Oantwoud (NZW)
- 4. Dez.: Pestoor Kokenge moate altied jädden Spoas (NWZ)
- 20. Nov.: Goad drinkt bie Oma Tee (NWZ)
- 12. Nov.: Jans Schlange friet bloot griese Muuse (NWZ)
- 23. Okt.: Mien Wilma häd so läipe Kolik, of wo dät hat (NWZ)
- 16. Okt.: Die Geschichte vom swotte Mürker (NWZ)