Golc z Błota
| nadpis | Golc z Błota |
|---|---|
| awtor | Mato Kósyk |
| lěto | 1881 |
| žrědło | https://archive.org/details/PetsJanasnimskiRolandMartienglishAndGeraldStoneenglish.2003 |
| licenca | public domain |
| nota | stary pšawopis |
Som w paradizu wot wšych swětow,
źo jo tež pśijaznjejšy dom?
How som wot kolebkowych lětow,
a znaju kuždy bom a chrom,
Ja som ten golc wot Błota?
Gaž wšaku powěsć roznosuju
a pśejdu młogi wuski puś
a rěcki lasnje pśestupiju,
ga rjaco pśi se młogi muž:
Zo źo ten posłańc z Błota?
Źož wokłony se cašnje wiju,
tam pśeplěch južor młogi raz,
ja z cołnom žwały pśegoniju
a jězdżim zwěrnje kuždy cas -
ja som ten wjednik z Błota.
A słyšyš roga dłujke zuki,
kenž zněju źiwno pśez pastwu;
ga wěš, to wołam ja pśez łuki
a wabim domoj rědownju,
ja som ten pastyŕ z Błota.
Som wotposłyšał ptaškam štucki
až mogu z nimi tyrlikaš
a spiwaś młoge rědne kuski,
až lěso derbi rozlěgaś. -
Ja som ten spiwaŕ z Błota.
Mě kiwa wšuder zmilna ruka,
gaž njaman žeden wěsty dom;
tež moja jo ta cuza gluka:
źožkuli stojm, tež doma som,
ja som golc wot Błota.