Giriftarin
Giriftarim be nazî çawekanî mestî fettanit
Birîndarm be tîrî sînesûzî nêşî mujganit
Be talî perçemî egrîcekanit xaretit kirdim
Dilêkim bû ewîçît xiste naw çahî zenexdanit
Be qurban, 'aşiqan emro hemû hatûne pabost
Minîş hatim, bifermû bimkujn, bimken be qurbanit
Teşekkur wacîbe bo min eger bimirim be zexmî to
Be şertê kifnekem bidrûy be tay zulfî perêşanit
Le kuştin gerdinit aza dekem xot bêyte ser qebrim
Ke rojî cum'e bimnêjî le lay ne'şî şehîdanit
Kesê to kuştibêtit rojî mehşer zehmetî naden
Eger wek min le em dunyaye sûtabê le hîcranit
Hemîşe sujdegahim xakî ber derganekey toye
Reqîb rûreş bê çun nalê biga destim be damanit
Dilim meşkêne çunkû mexzenî derd û xemî toye
Fîday şert û wefat bim çî beser hat meylî caranit
Eto emro le mulkî dilberîda nadirey dehrî
Be resmî bendegî Mestûre wa hatote dîwanit
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse