Geremiade
Jump to navigation
Jump to search
Ferdinando Fontana (1850-1901)
Geremiade
Se va adasi?... De dent el forastée
el ve dà del lumaga e el se lumenta
ch'el par squas che ghe robben i danée!
Se côr?... Ghè on cappellon che ve tormenta
con la contravvenzion del sò perdée!
Frustii el caval?.. Ghè on asen, ch'el ve pienta,
per amor del sò prossem, on vespée!
Con sti tramvài dell'accident se stenta
a andà drizz, a andà stort, a voltà strada!
Sti boja de bagaj de la giornada
gàn adoss l'argent viv!... Se veden no!
Mi l'è giemò vint ann che batti el sass;...
ma, a fà el brumista incœu, l'è mei coppass!...
Bona sort ch'el balbèra el ghè ancamò!