Gedichte/Guden Globen

From Wikisource
Jump to navigation Jump to search
<-- De ohle Johann Gedichte En Dithmarscher an de Dänen -->

Se seggt mi, dat Du mi bedrügst,
Se seggt mi, dat Du mi belügst.
Se seggt, Du nimmst mi blot um't Geld,
Wenn't op is, geist Du in de Welt.
Se seggt gar, wenn ick weg bin, Hans,
Geist Du mit anner Deerns to'n Danz.
Ick weet, dat Allens is nich wahr;
Doch maakt se mi dat Hart so swar.

Hans, si Du ehrlich gegen mi,
Wat  Du mi seggst, dat glöv ick Di,
Un stött[1] de ganze Welt Di ut,
So bliev ick Di doch jümmers gut.
Un maakt de ganze Welt Di swart,
So blivt Di jümmers doch mien Hart,
Un bringst Du mi ok Angst un Noth,
Bliev  ick Di tru bit in den Dod.

Original-Footnoten

  1. stößt

Wikiborn-Footnoten