Gúl (Hikmetulla Ayımbetov awdarması)

Kórip qaldım solǵan bir gúldi,
Umıtılǵan kitap ishinde.
Janım otlı ármanǵa toldı,
Hám qıynaldım oylı ishinde.

Qay báhárde gúllegen? Qayda?
Zaqım kórgen kimniń qolınan?
Ol jat pa edi, paqır ma, bay ma,
Hám gúl nege bunda qoyılǵan?

Belgisi me ushırasıwdıń,
Ayralıqtıń gúli meken ya?
Gezdi me ya japadan-jalǵız,
Toǵaylarda, tınısh dalada?

Qayda jigit, qayda periyzat,
Soń úy-jaylı boldı ma eken?
Yaki olar waqtı jetpey-aq,
Sırlı gúldey soldı ma eken?

Ádebiyatlar

H. Ayımbetov. Tıńlańızlar. Qosıqlar hám poemalar. Nókis: «Qaraqalpaqstan» baspası, 1981. 15-16 betler