Furor Teutonicus
Němc boji so, hdyž šćerči črjóda wrobli:
„Štó wě, što chcedźa?“ Zboka na nje kuka,
a pót so wbohemu ze čoła puka:
„To hrozy starch! My hewak wšak smy chrobli!”
Wón wonka zjěsć so boji jejo wobli:
„Štó wě, što w nim so lehnje, hdyž tak kluka!
Chort! W Troji tež” – so w mozach jemu suka –
„smjerć wulahny so we drjewjanej kobli!“
Hdyž w Pekingu štó poby, w Moskwje, w Praze,
być podhladne so zdadźa te jich draby,
a slěkać dyrbja doma so ćělnazy.
“My nikoho so njebojimy; ale
wjac dyžli Němcy – serbske wědźa baby;
tuž pilnje kedźbujće na serbske fale!”
- Author: Jakub Bart-Ćišinski (public domain)
- Source: http://edition-elf.de/forum/showthread.php?tid=5157