Fraţii Giuvara
<poem>
Oi-lele şi oi-bobo,
Ascultaţ, moi, voi aco!
Doi giunaţ, doi fraţ Giuvară,
Doľi năşi capu-şi mutară,
Rumăniulu-l trunduiră
Şi duvletea-u ciurtuiră.
Giuvăraţ, peşli aroş,
Mea şi bat sus la Cucoş!
Giuvăraţ, pală di-asime,
Cu tufechea di flurie
S-bat c-ună-ntreagă Turchie,
Ca palăştili-afumate,
Vor s-aducă criştinătate!
Giuvăraţ, ficiori Rumăńi
Bagă moartea pri tu căńi.