Fortune 'o tal' induar, fami ogni mal

From Wikisource
Jump to navigation Jump to search
Fortune 'o tal' induar, fami ogni mal  (1828) 
by Ermes di Colloredo
Poesie scelte edite ed inedite in dialetto friulano

L' Autore si ride della cattiva fortuna, purchè possa godere de' suoi amori.

SONETTO

FURTUNE, 'o tal' induar, fami ogni mal,
Che no ti stimarai une gazete;
Fami pur piardi i bez a la Bassete,
Nè di comprà mi resti un sold di sal.

Fami murì pezzent a l'ospedal,
Fai che al tiri cajù folc e säete,
E se di gnot jò pissi sot la plete,
Mi resti in man la mantie dal bocal,

Pur che jò vebi in braz un dì il miò ben,
Finissi pur il mond, se al vul finì,
E plovi class dal cil quand cu è seren;

Che cun je mi contenti di murì
Su la paje, sul stran o pur sul fen
Come un pitoc, ma fa la muart dal grì.