Fitel

Fitel äsiedom len vat,
Len vat müröl, glöföl,
Takedik, kalodäliko
Logom fananugi.
E du siedom, vestigom,
Vatalubel dilomik,
E dese lubösetiko
Vof luimik pubof.

Kanitof, lepükof ome:
"Kikod kuvi oba
Bätol me käf, fased menik
Susi in gluti funlik?
Ag! if nolol-la lio beno
Stadom fitil su dib
Äxänol-la doni fovo
Ed äsaunol-la vo."

"Li sol löfik, li mun tevöl
No klietomsok in mel?
Li no logod omas luimik
Gekömom jönikum?
Li no at sila lok oli,
At yulibik, bätom?
Li no log it ola bätom
Oli in aitöfi?"

Ämürom vat, aiglofom
Zi fut oma nüdik
Äsenom levipi in lad
Äs al glid jilöfäba.
Äpükof, äkanitof ome,
Eko! pävikodom,
Lafo pazugöl lafo disöl
Yunän ädepubom.

Se deutäpük poedala Goethe, fa Karl Wolf in Passau, Deutän.

Se Kosmopolan 1897, Nüm: 35, Pad: 330.